مافوق خلقت مصطفی #پیامبراسلام_هدایت_تبریزی

در مدح حضرت محمد (ص)
.
.
#سبک_کوچه_لره_سو_سپمیشم … #سبک_ای_شاه_مظلومان_حسین … 5 سبک
.
.
هدایتی تبریزی
.
.
مافوق خلقت مصطفی
خلقتده علّت مصطفی
کیم پیروون اولسا تاپار
سنله سعادت مصطفی
.
واگیر:
یا مصطفی یا مصطفی
.
.
ای عالمینین سروری
چرخ هدانون محوری
تابنده روی انوری
نور هدایت مصطفی
.
.
ای عالمی حیران ایدن
گویلرده معراجه گیدن
ای قاب قوسینه یتن
تاپمش قرابت مصطفی
.
.
قلب شیاطینی سخان
مانع لری بیر بیر یخان
سیر الی اللهه چخان
با قصد قربت مصطفی
.
.
جام رسالت ای ایچن
عرفان قانادیله اوچن
سبقت ده جبریلی گچن
محو لقائت مصطفی
.
.
ای گل آدی ذکر مَلک
دیداریوه حسرت فلک
تترور فراقندا ئورک
ایله عنایت مصطفی
.
.
ای سینه سی امّ الکتاب
ای لب لری جام شراب
ای رحمت رحمانه باب
ای باب رحمت مصطفی
.
.
مخلوط ایمان اَت قانی
امراض شرکین درمانی
اعجاز زنده قرآنی
غمخوار امّت مصطفی
.
.
ای سینه سی سینای عشق
حق سوزلری مینای عشق
سر دستۀ ابنای عشق
مصداق عزّت مصطفی
.
.
پاک و امین و بی ریا
صدّیق و میر و با وفا
احمد ، محمد ، مصطفا
نیکو طریقت مصطفی
.
.
ای سرور عالی مقام
خوش خلق و خوی و خوش مرام
بیزدن سنه اولسون سلام
ایله اجابت مصطفی
.
.
عبد مؤیّد ، مؤتمن
معراج ده عمری گئچن
بیر آنیده عرشه گیدن
ضیف ضیافت مصطفی
.
.
ای کعبه ده بت سندران
بنیان ظلمی یخدران
خونخوارلارا قان اوددوران
کوه صلابت مصطفی
.
.
بیر کیمسه ده یوخ بو هنر
قاشون ایدیب شق القمر
معجز اولار سالسان نظر
ایتدون قیامت مصطفی
.
.
.
.
#17ربیع
#مبعث
#ما_فوق_خلقت_مصطفی
#هدایت_تبریزی
#ترکی
#زبدةالاشعار