ماهِ مَلک منظر حسین آدی ئورگه زیور حسین #حسینیه_مصیبی_تبریزی

ماه ِ مَلک منظر حسین
.
✍️ زبدة الاشعار ✍️
.
🆔: @nohe_torki
.
.
#سبک_یاد_امام_و_شهدا
.
.
محمد علی مصیبی تبریزی
.
.
ماهِ مَلک منظر حسین
آدی ئورگه زیور حسین(٣)
.
.
قدّی گوزل خدّی گوزل
قاشلارینین مدّی گوزل
آدی گوزل یادی گوزل
خلقتاً هر زادی گوزل
عشقی گوزل مشقی گوزل
عشقیده سرمشقی گوزل
.
.
اصلی گوزل وصلی گوزل
شاکلۀ نسلی گوزل
طرحی گوزل جَرحی گوزل
غیرتینین شرحی گوزل
شوری گوزل نوری گوزل
پیکر منحوری گوزل
.
.
.
هنگی گوزل جنگی گوزل
جنگیده سرهنگی گوزل
نامی گوزل جامی گوزل
جلوۀ احرامی گوزل
جبری گوزل صبری گوزل
منظره قبری گوزل
.
.
.
رازی گوزل نازی گوزل
خورداجا سربازی گوزل
شانی گوزل قانی گوزل
پیکر شان شانی گوزل
فضلی گوزل بذلی گوزل
قولسوز ابالفضلی گوزل
.
.
.
.
زاده خیرُ النُجَبا
گول یوزی مرآت صفا
قائمۀ عشق و ظفر
شاکلۀ عرش خدا
مطلع انوار جلی
آدی بوتون درده دوا
.
.
.
سجده گه عشقیده چون
توپراقا دوشدی یارالی
خنجر جلاد ائلیوب
باشینی تندن آرالی
چاتدی عروج ازله
حیدر و زهرا مارالی
.
.
.
یابن الحسن بزم غمه
گلممیشم ئوز باشینا
کرب وبلا حسرتیدی
باخ گوزومین قان یاشینا
ایله کرامت حرمین
اوردا دولاندیر باشینا
.
.
.
یادی منالرده گزور
آدی دعالرده گزور
شاهیمیزین شانینه باخ
باشی جدالرده گزور
وردی صفابخش قلوب
ذکری دوالرده گزور
.
.
.
شاهیمیزین بیر باخیشی
روضۀ رضوانه دگر
گوزلرینون غمزه لری
یوسف کنعانه دگر
مرقدینون منزلتی
مُلک سلیمانه دگر
.
.
.
#حسینیه_مدح
#ورود_محرم
#ماه_ملک_منظر_حسین
#ترکی
.
✍️ #زبدةالاشعار ✍️
.
🆔: @nohe_torki