زبدةالاشعار

ماه دل آرای جهان قُمدادی #حضرت_معصومه_حسن_نجفلو

یا حضرت معصومه سلام الله علیها
.
.
.
حاج حسن نجفلو
.
ماه دل آرای جهان قُمدادی
سیده ی اهل زمان قُمدادی
.
حضرت معصومیه جانیم فدا
جانیمه جان روحه روان قُمدادی
.
واردی صفالی حرمی حضرتون
خوفه رجا درده امان قُمدادی
.
نائبه ی حضرت زهرادی بو
فاطمه دن بیرجه نشان قُمدادی
.
شأنی اوجا رتبه ده عالی مقام
واقف اسرار و نهان قُمدادی
.
حضرت کاظم که فداها دیدی
بیلدی هامی فخر زنان قُمدادی
.
مجتهده عارفه هم عابده
علمده جوشقونلی بیان قُمدادی
.
شاه خراسانه وفالی باجی
عمه ی سادات جهان قُمدادی
.
تک نه خانملار بونا اولموش کنیز
ملجأ هر پیرو جوان قُمدادی
.
حضرت صادق بویوروب بو سوزی
اوچ قاپی جناته عیان قُمدادی
.
حضرت معصومه علیها سلام
دختر فرزانه هفتم امام
.
عصمت کبرایه بو آئینه دی
عصمتینون منکری بیگانه دی
.
اسوه ی تقوا و سخاوت بودی
لایق نیروی کرامت بودی
.
معنی عفتدی نجابتدی بو
شیعه لره باب شفاعتدی بو
.
نجمه ی تابان فقاهتدی بو
صاحب حکمتدی بلاغتدی بو
.
دختر والای امامتدی بو
تابع فرمان ولایتدی بو
.
گنبدینون پرچمی اعلان ائدر
دردلره حضرت اوزی درمان ائدر
.
هر گون الی سینه ده خیل انام
محضرینه ایلوری عرض سلام
.
طوف ائلیور گونده مزارون ملک
شأنینه مبهوت قالیب نه فلک
.
خیز به پا عاشق نیکو سرشت
زائرینه واجب اولوبدور بهشت
.
الغرض آئینه سینیب گول سولوب
حضرت معصومه نی غملریوروب
.
غصه و غمدن یورولان فاطمه
یثربی ترک ایلدی بی واهمه
.
باغ امامت گولی ایستور سولا
قارداشین آردیجا دوشوبدور یولا
.
باشلادی یول عازم ایران اولوب
مقصدی باطنده خراسان اولوب
.
یولدا چکوب درد و غم بی حساب
قافلیه ئوز دوتوب ائتدی خطاب
.
شهر قُم آل الله ایچون لانه دور
آل رسوله اورا کاشانه دور
.
امر ایلیوب قافله دوشسون یولا
سیر ایلدی داغ داشی چاتدی قوما
.
موسی خزرج که خبردار اولوب
قافله ی عشقه جلودار اولوب
.
حضرت معصومه اولوب میهمان
اهل قُم اولدی خانما میزبان
.
صف چکیلوب خدمتینه بی شمار
خادمی ایلر هامیا افتخار
.
حیف اولا گول تک سارالیب گون به گون
جسمیده طاقت آزالیب گون به گون
.
راوی دیور هر گونی صبح و مسا
ناله ی جان سوزیله سسلور رضا
.
هر گجه نی صبحه کیمی آغلادی
قارداشون عشقینده اورک داغلادی
.
سسلدی قارداش سنه قوربان باجون
گول یوزوی گورمدی بیر آن باجون
.
قصد زیارتله دئدی المدام
ضامن آهویه سلام السلام
.
ئولدی باجون چاتمادی مقصودینه
عازم اولور محضر معبودینه

متن پیشنهادی:  هیکل قرآن علی ، هستی عالم علی #حیدریه_عدلی_تبریزی

.
#حضرت_معصومه_مدح
#حضرت_معصومه_ورود_قم
#قم #حضرت_معصومه
#ماه_دل_آرای_جهان_قمدادی
#حسن_نجفلو
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی