زبدةالاشعار

ماه شعبان متولدلری مردان خدا #ماه_شعبان_واصف_مرندی

گل‌های ماه شعبان
.
.
.
واصف مرندی
.
ماه شعبان متولّدلری مردان خدا
اوّلین چهرۀ برجسته سی شاه شهدا
بیری عباس دلاور بیری سجاد آقا
تک تکی رتبۀ مردانه لیقا دارادی
بونی ثابت ائلین گونلری عاشورادی
.
.
نه حسین شاه شهیدان و ابرمردیدی
پارۀ جان رسول و علوی فردیدی
حضرت فاطمه نین جان عملکردیدی
ائتدی تحسین حسینی یاراداندا یارادان
یعنی مانندی هئچ عالمده دوغولماز آنادان
.
.
نجه گوندن صورا آی گویده چیخار اوّل شب
نجه مولاسینه دوز نوکری حفظ ایلر ادب
نجه عاشقده اولار معشوقینا عشق و طرب
بوعبارتلریلن شعریمه احساس گلوب
سوّم شعبان حسین چارمی عباس گلوب
.
.
گرابوالفضل ادبیندن سیزه اظهار ائلیم
اشک شوقیم توکوله قلبیمی سرشار ائلیم
شعریمی لایق عباس علمدار ائلیم
ایکی شهلا گوزونون مین نچه دفتر سوزی وار
عالمین حیدر ئوپن الده همیشه گوزی وار
.
.
حضرت زین العبا سید آزاده مرام
مرد محراب عبادتدی سلحشور قیام
دوغولوب پنجم شعباندا امام اوغلی امام
بیر بیریندن اوجادی وصف ائلسم رتطبه لری
اُموی نسلینی رسوا ائلدی خطبه لری
.
.
اون بیری روز جواندی علی اکبر گلدی
آد علی شبه نبی ماه منوّر گلدی
خلقیده خلقیده پیغمبره بنزر گلدی
بیت زهرایه یاغیب نور خدا و جلوات
نقدر عشقین علی اکبره اولسا #صلوات
.
.
گوزون آچ نیمۀ شعبانیده باخ تجلیله
قادر آلله یتوروب خلقتینی تکمیله
ائت دعای فرجی بلکه دوشه تعجیله
بودی حسن قدمی قلبلره فاتحدی
بزیین قلبلری روز اباصالحدی
.
.
قدمین قویسا هارا جنت الاعلایه دگر
علمین قوزاسا گر عرش معلایه دگر
سینه سی جلوه لنه سینۀ سینایه دگر
صبحلر باد صبا مژدۀ پیروزی وئرر
اونا خاطر بشره آللهیمز روزی وئرر
.
.
.
.
#ماه_شعبان
#حسینیه_میلادیه #حسینیه_واصف_مرندی
#عباسیه_میلادیه #عباسیه_واصف_مرندی
#سجادیه_میلادیه #سجادیه_واصف_مرندی
#اکبریه_میلادیه #اکبریه_واصف_مرندی
#مهدیه_میلادیه #مهدیه_واصف_مرندی
#ماه_شعبان_متولدلری_مردان_خدا
#واصف_مرندی
#ترکی
.
.

متن پیشنهادی:  شام هجرانیم خدا نصف اولدی ماهیم گلمدی #اکبریه_شانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی