جریانات ایام محرم الحرام
✍️ #زبدةالاشعار ✍️
.
🆔: @nohe_torki
.
لاادری
.
ماه محرم اولدی گنه گویلر آغلادی
دوشدی جهانه غلغله عالملر آغلادی
.
گلدی مه محرم و ایام تعزیه
بو ماتم عزاده گورون کیملر آغلادی
.
شاه رُسُل امیر عرب ختم انبیا
عمامه سین آلوب اله پیغمبر آغلادی
.
دوندی خزانه گلشنی زهرای اطهرین
خاک نجفده سرور دین حیدر آغلادی
.
باشین آلوب دیز اوسته یارالی وئرنده جان
خیر النّسا باشند قرا معجر آغلادی
.
قید جفائیله قولى باغلاندی زینبون
گوردی بو حالی شوره گلوب لشکر آغلادی
.
چکدی سکینه آه جگر سوز سینه دن
قتلاده نعش اکبر مه منظر آغلادی
.
اولدی سریّه لشکر کفّاره دستگیر
توپراقلار اوسته قاسم گل پیکر آغلادی
.
کلثوم اولاندا ذلّتیله ناقیه سوار
عبّاس نامدار وفا پرور آغلادی
.
زینب أیدنده ناله چکوب وامحمدا
فریاده گلدی اهل سما یکسر آغلادی
.
آل عبا مصیبتینه ختم انبیا
گوزدن توکوب، جمالینه اشگ تر آغلادی
.
قتل حسینه ایلدی اقدام شمر دون
اوّل الینده رحمه گلوب خنجر آغلادی
.
شامه طرف اولاندا روان کاروان غم
یر آغلادی گوی آغلادی نه کشور آغلادی
.
.
#ماه_محرم_اولدی_گنه_گویلر_آغلادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید