در وصف حرم مقدس حضرت ثامن الائمه امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرحوم تائب تبریزی
.
#فارسی
ما زائران به قبر شه طوس می رویم
بر آستان او جهت بوس می رویم
.
از بس فتاده بر سر ما شور آن غریب
گه ورد ما رضا شده که طوس می رویم
.
دل بسته بر عطوفت آن سرور رؤوف
امیدها بسینه – نه مأیوس میرویم
.
.
#ترکی
.
بیر بقعه که معاینه جنت صفاسی وار
جنت صفاسی روضه رضوان نماسی وار
.
رضوان نما دیدیم هانی رضواندا بو نما
رضوانین هاردا بیر بیله عالی صفاسی وار
.
باشدان باشا صفادی ویرور هردله صفا
رشک بهشت عدندی اوزگه هواسی وار
.
بیر گل وار اوردا گلشن رضوانه ناز ایدر
آدی رضادی عطر گل مصطفاسی وار
.
باب الحوائج اوغلی اوزی بوالجواد دور
زواره چوخدی بخششی از بس سخاسی وار
.
هر دردمند سالسا اوزون آستانینه
چون و چراسی یوخدی بویرده دواسی وار
.
هر بیر مریض اگر اوزینه ایسته سه شفا
گلسون بو آستانه که دار الشفاسی وار
.
سائل بو آستاندان الى بوش قیتمیوب
مطلق غنیدی بو قاپونین هر گداسی وار
.
چوخدور قاپوسی هر قاپودان مین گدا گله
راضی سالار یولا که صفات خداسی وار
.
مشعوف اولار دوتولموش اورکلر تاپارصفا
جان بخش بقعه سی حرم دلگشاسی وار
.
حلال مشکل اوغلیدی هر مشگلین آچار
ای مشگله دوشن – ید مشگل گشاسی وار
.
قربان اولوم او مدفنه که صدر سینه ده
راضی هامی قضایه امام رضا سی وار
.
علت او گلدی خلقت خلد برین ایچون
خندان دوشوبدی روضه نکهت فزاسی وار
.
مین لرله عندلیب اوزاق یوللاری گلوب
هر فرد فردینین بوگله خوش نواسی وار
.
بو آستان دور رضوی – مدفن الرضا
نور محمدیله دولوب حق ضیاسی وار
.
توحید کلمه سینده اوزی شرط دور بلی
اوز قولونا الیمده قلم اتکاسی وار (1)
.
بیرشور وار او بقعه ده وصفه گلن دگل
نه عرض ایدوم نه شور و نه غوغا اساسی وار
.
بعضی ایدر زیارت اوزه گوز یاشی تو کر
بعضی الى سماده دلینده دعاسی وار
.
هر کس امیدیله اورا سالسا اوزین دخیل
مأیوس اولماز اوردا امید و رجاسی وار
.
هر بیر یارالی سینیه مرهم دی رأفتی
گرچه رؤف دور اوزی داده یار اسی وار
.
جدی حسین هرشب جمعه قوناقیدور
ارض شریف طوسده کرب و بلاسی وار
.
گلدی حسین و کرب و بلا صحبتی دله
دولدی گوزوم سرشگیله حال بکاسی وار
.
تائب امام ثامنه یالوار سن آل برات
گیت کربلایه گور نجه عالی صفاسی وار
.
هم قتلگده واردی حسینون سزیلتی سی
هم تل زینبیته ده زینب صداسی وار
.
(1)کلمة لااله الا الله حصنی فمن دخل حصنی امن من عذابی بشرطها و شروطها و انا من شروطها
#رضویه_مدح
#ما_زائران_به_قبر_شه_طوس_می_رویم
#بیر_بقعه_که_معاینه_جنت_صفاسی_وار
#تائب_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید