رجز اول محرم
.
.
✍️ #زبدةالاشعار ✍️
.
🆔: @nohe_torki
.
رضوی زنجانی
.
محرم شیعه قان آغلار حسینه
زمین و آسمان آغلار حسینه
.
.
بو آیدا حضرت خاتون محشر
خانم زهرا همان دخت پیمبر
گلر کرب و بلایه زار و مضطر
ایدر دلدن فغان آغلار حسینه
.
.
بو آی غم یوز ویروب آل عبایه
دوشوبدی آل پیمبر بلایه
بلا یاغدی او دشت کربلایه
بوگون پیروجوان آغلارحسینه
.
.
بوآی بیرایش گوروبدی قوم خونخوار
حسینله ایلوب بیر نوع رفتار
اولوب جن و ملک یکسر عزادار
بو آیدا قدسیان آغلار حسینه
.
.
ویریلدی عرش حقه قاره پرچم
دوتوب الله حسینه یعنی ماتم
فغان و ناله ایلر یکسر عالم
خدای لامکان آغلار حسینه
.
.
بو آی آل خلیل آغلار حسینه
سماده جبرئیل آغلار حسینه
بهشته سلسبیل آغلار حسینه
تماماجسم وجان آغلارحسینه
.
.
علی اکبر گیدن وقتده جهاده
حسین دوشدی دالیجا پاپیاده
ایدوب ناله خانم زهرا سماده
غم ایتمیش قدکمان آغلارحسینه
.
.
باتاندا اکبرین قانه جمالی
چوخالدی قلبیده شاهین ملالی
اولوب شهزاده بیر لاله مثالی
گل باغ جنان آغلار حسینه
.
.
چکیلدی قلب شاهه داغ اکبر
گلوب اگلشدی باش اوسته او سرور
یتشدی دادینه بیر غملی خواهر
او دخت مهربان آغلار حسینه
.
.
باتوبدی قانه بیر بیر یار و انصار
دوشوبلر یان یانا سرباز و سردار
گل آغلار باغبان آغلار حسینه
.
.
دوشوب غوغا او صحرای بلاده
حسین تنها قالاندا کربلاده
اوجالدی ناله چون ارض و سماده
شه ملک جهان آغلار حسینه
.
.
حسین آخر دوشوبدی تپراق اوسته
قیزیل قانه باتوب شاه خجسته
بدن یکسر یارا عطشان و خسته
اودور صاحب زمان آغلار حسینه
.
.
.
#ورود_محرم #رضوی_زنجانی
#محرم_شیعه_قان_آغلار_حسینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید