محرّمدی دیده گریاندی دل پریشاندی یا اباصالح #ورود_محرم_علیرضا_عباسی

ماه محرم
توسل به حضرت ولیعصر (عج)
.
✍️ #زبدةالاشعار ✍️
.
🆔: @nohe_torki
.
علیرضا عباسی (احسان تبریزی)
.
#سبک_شبانگاهان
.
محرّمدی دیده گریاندی دل پریشاندی یا اباصالح
گئیب قاره عالم امکان شیعه نالاندی یا اباصالح
دوشوب درده سر بسر دنیا
هرایه گل ای گل زهرا
یا ابا صالح. یااباصالح.یااباصالح
.
.
.
هر ائیل ماه حزن ماتمده جمعیدی عاشقلر محافلده
شکوهیله شور وشوقیله سینه داغلاردوق هر محافلده
بو ائیل شرکت ایلروق امّا چاره میز یوخ کمتر محافلده
قالوب ائوده شیعه لر آغلار قلبلر قاندی یا اباصالح
دوشوب درده سر بسر دنیا
هرایه گل ای گُل زهرا
یا اباصالح …
.
.
.
بو ائیل چوخلی تکیه لر باغلی سینه لر داغلی غم سالیب دیلدن
دچار غم اولدی عاشقلر دیده لر آغلار بیله نسگلدن
عنایت قیل سن رها ایله شیعه نی مولا ایندی مشکلدن
دوشوب تنگه آه وحسرتدن سینه لر یاندی یا اباصالح
دوشوب درده سر بسر دنیا
گل امداده ای گل زهرا
یا اباصالح …
.
.
.
سنی عمّه ن زینبین جانی قویما عشاقی قالسون آواره
هارا بیلمیر یوز قویوب گئتسین هر گئجه هیئت وقتی بیچاره
اوزون حقدن ایسته بیرچاره ایلسین دیللر اولدی چون یاره
محرم چون آبروی هامی اهل ایماندی یااباصالح
دوشوب درده سربسر دنیا
هرایه گل ای گل زهرا
یا اباصالح …
.
.
.
#ورود_محرم #علیرضا_عباسی
#مهدیه_محرم #مهدیه
#محرمدی_دیده_گریاندی_دل_پریشاندی_یا_اباصالح
#ترکی
.
✍️ #زبدةالاشعار ✍️
.
🆔: @nohe_torki