وداع حضرت اباعبدالله با قبر مادرش
✍️ #زبدةالاشعار ✍️
.
🆔: @nohe_torki
.
حاج حسین حسنی تبریزی
.
مدینه دن آنا جان ایندی باغرى قان گیدورم
مسافرم سنی گلدیم گورم اویان گیدورم
.
.
جلالیلن دوزولوب ناقه و کجاوه مرتب
سنون اجازویله همرهیمدی ای آنا زینب
وطندن یبرولورام ایندی خائفاً یترقب
گجه زمانی وطندن چخوب نهان گیدورم
.
.
اجازه وئر سنه عرض ایلیوم نجه گیدورم
ساولا قافله عشقمی گجه گیدورم
آیا بو یولدا ولی آی کیمی گجه گیدورم
گونوز نهان گجه لر آی کیمی عیان گیدورم
.
.
اگر چه ظاهر صورتده واردی چوخلی جلالیم
بو باره دن اور گیمده یوخومدی درد وملالیم
قطا قوشی کیمی زیر پریمده اهل وعیالیم
گجه نون عالمی آهسته پر زنان گیدورم
.
.
ایاقه دور آغاران زلفلری بودم اله آل
منه بالالاریما ایلیوب دعا یولا سال
بو آیرلوق منی ایلوب ولیک غرق ملال
یوزومده اشگ روانیم اولوب روان گیدورم
.
.
ایاقه دور نه سوزون وار بیور منه گیدورم
وطنی ترک ایلیوب آیری مسکنه گیدورم
علیله بیر قیزیمی تا پشوروب سنه گیدورم
یتیمدور آناسی یوخ ایدر فغان گیدورم
.
.
بو قبرون اوسته که تک دورموشام بیله الان
بقیعه گلماقمی گیزلین ایتموشم هامودان
باجمدا بولمورى السّاعه هاردایام آناجان
دیدیم باجما حسن قبرینه بو آن گیدورم
.
.
منه وطن یازیلوبدی دیار کرب و بلا
گر ایسته سن گورسن اهل بیتوی گل اورا
محرّم آئی گلنده اولاندا عاشورا
منه اولاندا نهان ظلم لر عیان گیدورم
.
.
دیوم ملالیمی چون نی نوایه گل آنا جان
دئمم که غم منی سالسا بلایه گل آنا جان
گر ایسته سن منی کرب و بلایه گل آناجان
دیار کرب و بلادور منه مکان گیدورم
.
.
دئمم او دشت غم افزایه سن او گون نجه گل
ولیک قافلۀ عشقی سالما چون گجه گل
گونوز ایشیم چوخ اولار فرصت ایله سن گجه گل
اولاندا مطبخ خولیده میهمان گیدورم
.
.
او یر آدی هامویا محنت و بلا گتورور
منیم بو قلبیمه آدی ولی صفا گتورور
بو قبریوه دیرم آهیمی صبا گتورور
حسیندن اولا تا اینکه بیر نشان گیدورم
.
.
گرک کومکلوق أیدم دینه نقد جانمله
او یرده قانه باتام اکبر جوانمله
صفا وئرم او بلالی چوله بو قانمله
او شوره زاری ایدم طرفه گلستان گیدورم
.
.
یزید مجلسینه دعوت ایلیوبله منی
باشیمی یاره لی ایستور گوره او شوم ودنی
منیم یانمدا تظاهر بکفر ایدرعلنی
ولیک بو لموری کفرون جهانیان گیدورم
.
.
او بزمده اوخورام من کلام سبحانی
باخار دوباره گلر غیظه اول جفا کانی
او پست و شوم دوگر اوز ائوینده مهمانی
اؤپر دوداقلاریمی چوب خیزران گیدورم
.
.
بوشعره باعث اولوبدی، «حسین آزادی»
گیده زیارنه بو جمعلن اولار دادی
سالا اله «حسنی» گرزیاره أسنادی
دیر گرکدی اولا همرهیم جوان گیدورم
.
.
#مدینه_دن_آنا_جان_ایندی_باغرى_قان_گیدورم
#ترکی
.
✍️ #زبدةالاشعار ✍️
.
🆔: @nohe_torki
نظر دهید