مدینه عطر جان آلدی شمیم زلف اکبردن #اکبریه_عابد_تبریزی

میلادیه حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_شب_میلاد (مشابه )
واگیر برای یکی از سبک ها :
( مَلَک منظر گلوب
گوله بنذَر گلوب
علی اکبر گلوب
علی اکبر گلوب )
.
مرحوم عابد تبریزی
.
مدینه عطر جان آلدی شمیم زلف اکبردن
تاپوب نور نبوّت تازه دن شبه پیمبردن
.
طلوع ماه بطحانی بشارت وئردی یثربده
هلال هاشمی تا آتدی پرده روی انوردن
.
جمالیدن ولایت منزلی آئینه بند اولدی
بهشتی جلوۀ قدرت نمای حُسن اکبردن
.
مه و مهر اقترانیندن گوروندی کوکب طالع
بسیط تیره خاک افلاکه رشگ اولدی بو اختردن
.
آچیب شهلا گوزون نازیله تا مهد امامتده
آلیب دل بیر نگاهیله خمارین چشم عبهردن
.
سر زلف سمن باری پریش اولجاق جبینین ده
ختا مشگین سالیب قیمتدن، آلدی جذبه عنبردن
.
تبسّم خطّی تا گورسندی لعل آبدارینده
آپاردی آب و تاب و جلوه نی یاقوت احمردن
.
دوزولدی قطره ی شبنم گل رخسارنه گویا
تلألؤ ایلوری انجم رواق چرخ اخضردن
.
دل عالم سروریله دولوب سیر جمالندن
اودور کوچ ایلدی غم فوجی هر قلب مکدّردن
.
ملائک تهنیت گو عرشدن فرشه گلیب صف صف
که تاپسین لار ضیای دیده اول ماه منوّردن
.
دل لیلانی دولدوردی سرور و بهجت و شادی
گوتورسون اولمیوب بیر لحظه گوز اول ماه منظردن
.
بو سوز ایلر تداعی اوزگه بیر مطلب خداوندا
او مطلب شرحینه شرمنده دور هر خامه دفتردن
.
علیّ اکبرین میلادی دور لال اول دیلیم زیرا
گلور بوی وداع اکبر و لیلا بو سوزلردن
.
دیمه نولدی او گونکی آیریلوب اکبر آناسندان
که بیر آیتدی مطلق شورش و غوغای محشردن
.
بو شعری ارتجالا لطف اکبردن یازیب «عابد»
وگرنه رنجه دور جور سپهر سفله پروردن
.
.
#اکبریه_میلادیه
#مدینه_عطر_جان_آلدی_شمیم_زلف_اکبردن
#ترکی
.
✍️ #زبدةالاشعار ✍️
.
🆔: @nohe_torki