اربعین
زبانحال جناب سکینه (س) به جناب زینب کبری (س)
.
.
#سبک_ای_حرمینه_ناز_ایدن … 4 سبک … عطری گلور محرمین …
مشابه
.
.
مرحوم ذهنی تبریزی
.
.
مد نظرده عمّه جان
نور خدادی گورسنور
حیرته دوشمه جلوۂ
طور سنادی گورسنور
.
.
عمّه بو نور او نوردور اولدی کلیمه جلوہ گر
گورجک او نوری غش ایدوب دوشدی کلیم بیخبر
نور جمال حقدور گورمز او نوری هر بصر
کشف بصیرت ایلین گوزده جلادی گورسنور
.
.
عمّه بو نور دور ویرن نیر اعظمه جلا
کسب شرف بو نوریدن ایلیوب عرش کبریا
فخر بو نور پاکدن تاپدی ملائک سما
آیۀ نور مظهری ضوء ضیادی گورسنور
.
.
عمّه بو نور انوره مطلع آتام مزاریدور
سسلر اوز اهلبیتینی نور صلای جاریدور
عطر که چولقیوب چولی تربت مشگباریدور
جانه حیات قلبده ذوق صفادی گورسنور
.
.
گور نه شمیم جانفزا عظم رمیمه جان ویرور
نکهت باد صبحدم مژدۀ دلستان ویرور
شاه شهید قبرینی عمّه بیزه نشان ویرور
خضر خجسته پی دی نه باد صبادی گورسنور
.
.
آغلاما سیل گوزون یاشین دقتیله باخ عمّه جان
خون قتیل عشق ایدوب گور نجه طفی گلستان
مژده ویر اهل بیتینه ایتمیه لر داخی فغان
مقصدیمیزدی منظر خیر نسادی گورسنور
.
.
یولما بوقدر زلفیوی آغلاما بیر تسلّی تاپ
درده گتورمه دللری داغلاما بیر تسلّی تاپ
صبر و تحمّلین یولون باغلاما بیر تسلّی تاپ
گرچه محل ناله دور کرب و بلادی گورسنور
.
.
دوزدی مصیبت ایلیوب خون جگر آغلادور سنی
یاده دوشوبدی غملرون سربسر آغلادور سنی
گوزده عیاندی گوردوقون ظلملر آغلادیر سنی
هر طرفه باخاندا بیر نوع جفادی گورسنور
.
.
عالم فکرده باخان گوز گینه گوردوقون گورر
سرّی بودور که بو یره تا ساتاشوب دوشر نظر
چوخ یارالی بدن گورر سو کیمی قانه غوطه ور
سطح فضاده ایمدیده باشدی جداده گورسنور
.
.
گاه نظرده مُرتسم دور دوزولوب سپاه شام
غارته ال آچوب سویار آل پیمبری لئام
گاه به عینه گورسنور ظلم اودینا یانار خیام
دود شراریله دولوب سطح فضادی گورسنور
.
.
درد و غمون فداسیم ایتمه بو قدر آه زار
گور نجه قیزلار آغلاشوب حسرتیله سنه باخار
سن بیله آغلیاندا بس خردا اوشاقلارا نه وار
آز قالوری هلاک اولا آل عبادی گور دستور
.
.
یا رب اولورکه ذهنیده بیرگوز آچوب دوروب باخا
قبّۀ انورین گوروب گوز یاشی اتّصال آخا
الده قلم یازا یازا عالمی یاندوروب یاخا
دوره ده اهل دسته نون الده لوادی گورسنور
.
.
#اربعین #ذهنی_تبریزی
#مد_نظرده_عمه_جان_نور_خدادی_گورسنور
#ترکی
#زبدةالاشعار
نظر دهید