در ضربت و شهادت حضرت امیرالمومنین علیه السلام
…
محمد رضا بیگلی (رضوی زنجانی)
…
مرتضا باشینه دگدی یاره
اولمادی بیر بئله درده چاره
گوزلرون دهریدن یومدی مولا
عالم اهلی بو گون گیدی قاره
یا علی یاعلی یا علی جان ….
گرچه محکوم اولوب شیعه صبره
گوز یاشی دوندی باران ابره
مرتضا یاره لی گئتدی قبره
جان فدا اول سر زحخمداره
باندی عالمده نخل عنایت
اولدی لرزان ستون عدالت
توپراقا گئتدی کنز کرامت
اُفّ اولا بیر بئله روزگاره
قاره پوش اولدی یکسر فلک لر
تاجینی گوتدی باشدان ملک لر
لخته قان اولدی غملی ئورکلر
آغلاشوب ماهه یکسر ستاره
دیگ غم دلده چون جوش ائدوبدی
شهد مرگی آقا نوش ائدوبدی
باد غم شمعی خاموش ائدوبدی
یاندی پروانه لر درد ناره
لعنت اولسون سنه ابن ملجم
وئرمیسان نظم اسلامی برهم
گیدی عالم بو گون رخت ماتم
دوتدی ماتم همین شهریاره
آچدی معناده باشین پیمبر
وای عم اوغلی دئدی شاه محشر
فاطمه باغلادی قاره معجر
خلقته آغلیوبدی عصاره
گویلره وئردیلار قاره پرچم
آغلاشوب اهل معنا دمادم
اشک ماتم توکوب اهل عالم
یاس دوتوب حجت کردگاره
#سبک_ای_قلم
(بیش از 3 سبک شامل سبک های
ای قلم سوزلرونده اثر یوخ … جامۀ عشقیوی سویمیان وار … ای مجاهد شهید مطهر … کاروان رفته منزل به منزل …)
#حیدریه_ماه_رمضان
#حیدریه_شهادت
#مرتضا_باشینه_دگدی_یاره
#رضوی_زنجانی
#ترکی
نظر دهید