غلام سیاه «شهادت جون غلام حضرت سیدالشهداعلیه السلام»
.
✍️ زبدة الاشعار ✍️
.
🆔: @nohe_torki
.
حاج داود #بیدقداری
.
مرحباعشق حسین عالمی هشیار ائلیوب
جام دلداده لری شوقیله سرشار ائلیوب
یول آچوب عاشقینه لایق ایثار ائلیوب
بو یولون سالکی عالم نه قدر واردی قالار
عشق بازاریدی بوجان وئره کیم جنت آلار
.
.
سوزومی ثابت ائدرواقعه ی کرب وبلا
اونداکی قالدیلا بیر عشقیده مردان خدا
دوردی بیرصفده هامی تا اولالار دینه فدا
عشق پاک علوی عرصه ده محشر یارادیب
گورملی صحنه او عاشقلره دلبر یارادیب
.
.
جون آدیندا آقانین قاره غلامی واریدی
چون غلامیدی اودرگهده مقامی واریدی
صبح اولاندان ئوزونون حال قیامی واریدی
دلده عشقی یتروب محضر سلطانه ئوزون
الی قوینوندا دوروب عرض ائلدی شاهه سوزون
.
.
دئدی ای درگهی عالملرایچون کهف امان
وئراجازه منه ده تا که اولوم جنگه روان
باخدی مهریله اوناجان جهان قیلدی بیان
من روا بیلمیورم جانووی قربان ائده سن
سنی آزادائلدیم کرب وبلادن گئده سن
.
.
عشقه باخ گورنه گوزل منظره ایجاد ائلیور
بیری جانین وئرور اما بیری آزاد ائلیور
عرض ائدوبدورآقاروحیم سنی فریاد ائلیور
ایستورم تحفه می شایسته ی جانان ائلیوم
منی قووماقاپودان جانیمی قربان ائلیوم
.
.
ماحصل رخصت آلوب جنگ نمایان ائلدی
دلده کی عشقینی عالملره اعلان ائلدی
شوقیله دلبرینه جانینی قربان ائلدی
اونداکی دوشدی یئره دوروبرین آلدی سپاه
آخرین دمده دونوب خیمه لره قیلدی نگاه
.
.
گوئیاسویلدی ای هر باخیشی صبح ازل
دولدی پیمانه ی عمریم یتشوب پیک اجل
جان وئرور قاره غلامون آقابالینمه گل
سن وفالی اولان انسانلارا سرسلسله سن
بزه دیم یولاری قانیمله بیر آزتئزگله سن
.
.
بختی یاراولدی گلوب عاشقی ،ئوز یاری گوره
قسمت اولدی که ئولن وقتیده دلداری گوره
فاطمه یوسفینی ،رهبر احراری گوره
قان ایچینده ائلدی زمزمه جانانه سوزون
باخدی دلبریوزونه راحت اولوب یومدی گوزون
.
.
اگلشوبدور باشی اوستونده اونون شاه انام
بیردعا ایلدی حقینده اودم غملی امام
دئدی یارب منه یاراولدی بوارزنده غلام
عوضینده یوزون آغ ایله معطر بدنین
تامعطر ائلیه کرب وبلانین چمنین
.
.
پاک آغیزدان که دعاچخدی خدا ائتدی قبول
جاودانی ائله دی نوکری دلبند رسول
گوئیاگویدن ائدوب نورسماواتی نزول
یوز آغ اولدی بدنی گل کیمی ای اهل عزا
بئله اربابه اولا شیعه لرین جانی فدا
.
.
یاحسین یاندی اورک عفوائله بو نوکری سن
بیریئره گل دی سوزیم شرحی گرک اولسون علن
سن غلامین گوزونی باغلادون ای شاه زمن
ولی ئوز گوز لریوی قویمادیلارباغلیالار
یاچوخور یئرده سنه اهل حرم آغلیالار
.
.
یتشن وقته باخوب زینب اوقانلی بدنه
دئدی قرباندی باجون یرده کی صدپاره تنه
بو وجودوندی ویا لاله داغلمش چمنه؟
باخورام حیرتیلن پیکریووین هریئرینه
یوخدی سالم یئری قارداش قاریشوب بیربیرینه
.
.
بونه پیکردی تیکان تک بوریوب هریئرین اوخ
ایسته سم بوسه ورام پخش اولونوب صاف یئری یوخ
ئولمدیم قارداش حسین گرچه منی وردیلاچوخ
قالمیشام شامه گئدک ناقه ده من نیزه ده سن
ساخلیام قیزلاریووی دلده فغان قولدا رسن
.
#جون_غلام_سیاه
#اصحاب_الحسین
#مرحبا_عشق_حسین_عالمی_هشیار_ائلیوب
#ترکی
.
✍️ #زبدةالاشعار ✍️
.
🆔: @nohe_torki
نظر دهید