زبدةالاشعار

مرحبا نقاش قدرت بیر مه انور چکوب #اکبریه_بیضا_اردبیلی

عزم میدان حضرت علی اکبر(ع)
.
✍️ #زبدةالاشعار✍️
.
🆔: @nohe_torki
.
مرحوم بیضا اردبیلی
.
مرحبا نقاش قدرت بیر مه انور چکوب
صورت اکبرده بیر تشبیه پیغمبر چکوب
.
.
رزمگاهه وارد اولدی چون او شیر باهنر
گوردی اعدا بیرمه رخشنده اولموش جلوه گر
قالب بیروح اولوب فی الجمله اوُل قوم کفر
یاندیلار باخدوقجا گویا شعلۀ آذر چکوب
.
.
بیر فصاحتله دیدی گویا رجز اول مه جبین
جمله تحسین ایتدی اعدا سویلدی صد آفرین
بو جلاده بسلمیش هانسی صدفدور گوهرین
قطرۀ بارانی صانع بیر بیله گوهر چکوب
.
.
سسلدی ای قوم من نوباوۀ پیغمبرم
شیر حقّه سیز بلون بو رزمگهده مظهرم
من حسین تشنه کام اوغلی علیّ اکبرم
حیّ داور چون منی پیغمبره مظهر چکوب
.
.
الده تیغ آبدارِ حیدّر کرار وار
قوم ترسانی شهامتله ایدوبدور تار و مار
هی ووروب صفلر پوزولدی ایتدی روبهلر فرار
هر زمان اول شیر نر بیر نعرۀ اکبر چکوب
.
.
ضرب تیغیله توکوب باشلاری چون برگ خزان
موجه گلدی گوئیا اولدی او چول دریای قان
چوخ دلاورلر قاچوبدی خیمه ده اولدی نهان
وحشتیندن چوخلاری بیر نقشۀ دیگر چکوب
.
.
شام و کوفه لشکریندن قالمادی بیر پرهنر
ضرب تیغیندن عموماً دوتدولار راه سفر
ایچمه موش جام اجل چون قالمادی بیر نامور
تیغ خون آشامینی چون اول غضنفر فر چکوب
.
.
یاره لندی فرقیدن گویا اولوب شق القمر
فی المثل متن کلام الله چکلموش تار زر
یا که بیر مه صورتینده خط احمر چکدیلر
یا قلم گویا کنار لوحه بیر منظر چکوب
.
.
یا دوزولموش قطره قطره لاله تک قان زلفینه
یا دوزوب اول مه جبین بیر شده مرجان زلفینه
یا دوشوب قان شبنمی بیر دسته ریحان زلفینه
حق اوزی بو کاکلی پرمشک و پرعنبر چکوب
.
.
طوریده ارنی دیور «بیضا» مگر موسی بو گون
یا که رجعت ایلیوب پیغمبر بطحا بو گون
یا تجلائیله گلموش یوسف مصرا بو گون
صورت زیباسینه دیبائیله معجر چکوب
.
.
#اکبریه_بیضا_اردبیلی
#اکبریه_شهادت
#مرحبا_نقاش_قدرت_بیر_مه_انور_چکوب
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  زهرا شریک زندگی ات را رها مکن #فاطمیه_معین_عبازاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی