شهادت حضرت زهرا
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
مرغ دل سیر آختارور جولانگه افکاریدن
طوطی طبعیم گزور قندی لب اشعاریدن
.
شاعرم شمع شبستانم ولایت اهلینه
سوز قلبیم بر ملادور نقشه ی رخساریدن
.
نار غمده غرقه ام سس سیز یانان پروانه تک
دُر اشکی سیندیرار کپریکلریم ایثاریدن
.
تار و پود مهر دلبر بوینمون زنجیریدور
عزم جانانیم چکر هر کوچه و بازاریدن
.
گوزلریم یاتماز نقدری گوگده اولدوز یاتمیوب
ایلرم نوحه گئجه گوندوز غم دلداریدن
.
دفتریمدور بیستون عشق تیشم دور قلم
اولموشام فرهاد تک حجّار شوق یاریدن
.
ناله مون نی دن علاوه سوزش جانکاهی وار
آشنا یوخ آه مظلومیّته دیّاریدن
.
نفس انسانلار قونور میلچک کیمی شیرینیه
رخت وجدانی سویوبلار پیکر کرداریدن
.
خوش گونون مین آشناسیندن یامان گون یوخ یری
وای بو صوری اقربادن آخ بئله مکّاریدن
.
ئوزمشم اللردن ال بیر پاک اتکدن دوتمشام
جام صبریم داشلانوبدور طعنه ی اغیاریدن
.
بیر عریضه یازمشام زهرا گوروم نیلور هله
سائلین فکر ائتمورم بوش قیتره درباریدن
.
مرکب افکاری سورّم شهر عشقه بی درنگ
تا دوتام سبقت بو یولدا سیر ائدن عطّاریدن
.
نُه فلک من گشتدیگیم درگاهه دور آئینه دار
محترم دور من سؤوَن دلبر بوتون دیّاریدن
.
ماه و خورشید و نجوم آلمیش تجلّی فیضینی
بو دلیل آفرینش مطلع الانواریدن
.
خامه ده هر دم یارار ابر سرشک دیده نی
اشک غم تا جاری ائتسون دامنه رخساریدن
.
ایستورم محنت حجابین بیت حیدردن آچام
کعبه ی آمال عشّاق آیریلا استاریدن
.
سینه ی دفترده ظلمون آتشین فاش ایلیم
بیر چکم تصویر مانی تک در و دیواریدن
.
جبرئیلون مهبطین شعله چکنده گوسترم
نای دیللر ایلیه ناله بو سوزان ناریدن
.
سنده گر دل اهلی سن خیبر گشا بازویه باخ
غم سؤزین ادراک ائله مظلوم اولان کرداریدن
.
ذوالفقارون صاحبین گور گیم ائدوب خانه نشین
شیر مرد عرصه ی هیجا دوشوب گفتاریدن
.
لعنت اولسون دینی دیناره ساتان نامرده که
ایستدی بوبکره بیعت آیت داداریدن
.
مشت منطق ووردی مولا یاوه گولر آغزینا
ائتمدی شاهین اطاعت کرکس مرداریدن
.
درک ائدوب ثانی خطرده ئوز بقای قدرتین
خانه ی کرّاره اولدی حمله ور ناچاریدن
.
سسلدی تأخیره سالما تیز چیخ ائودن یاعلی
یوخدی امکان فرارون بیعت اجباریدن
.
پشت دردن ثانیه سس وئردی پیغمبر قیزی
هرزه گفتار ائتمه ثانی پستی افکاریدن
.
تا نفس وار منده حاشا ال یتورسون حیدره
بیر نفر بوبکره وجدانین ساتان اشراریدن
.
گوردی تا ثانی بتولون آتشین گفتارینی
بیلدی دونمز همسر کرّار اولان اقراریدن
.
تئز وئروب دستور او جانی اود ورون یانسون قاپی
قویدیلار اجرایه امرین فرقه ی جرّاریدن
.
اود دوتوب یاندی قاپی قزدی دمیر مسماریده
توستی قوزاندی سمایه دامن دیواریدن
.
آچدی باب مرتضانی پای بیداد عُمر
فاطمه نقش اولدی دیواره دوشوب اِنجاریدن
.
بوردا بیر دل یاندیران سؤز وار اشاریلن دیوم
عارف اول شرحین اوخی آئینه ی اشعاریدن
.
فکر ائله گل یاپراقیندا ناوک خار اگلشوب
بعد آیر برگ لطیفی نیش تیز خاریدن
.
ایندی بیر مسماره باخ بیر سینه ی زهرایه باخ
گور نه چکدی فاطمه اوخدان بتر مسماریدن
.
سینه ی زهراده داغلیدی دمیر مسمارده
داغی داغ اوستن گوروب زهرا ید کفاریدن
.
بیر الین تکیه وئروب دیواره بیر ال سینیه
وای عجب سِندی در طاها دوشوب معیاریدن
.
.
.
چرخ بدبنیان وئروب قدّاره نی قوم شره
دولدی اعدا خانه ی جنت وقار حیدره
.
.
.
پنجه ی خفّاشلرده باغلانوب بال هما
خانه ی کرّاریده اشرار ائدوب غوغا بپا
.
شیر یزدانون گریبانین دوتوب الده عمر
اولمادی بیلمم ندن دنیا فنا دوران فنا
.
ظلمه باخ گور ناطق قرآن قولین کیم باغلادی
فکر ائله حیدر گریبانی هارا ثانی هارا
.
ایستدی ثانی علینی ایلسون ائودن کنار
آتدی ال دوتدی امامون دامنین خیرالنسا
.
من دئدی ئولسمده الدن وئرمرم بو دامنی
قویمارام شأن علینی خدشه تاپسون مطلقا
.
کعبه فخر ایلور عم اوغلوم مرتضی عنواننه
نام مولادن تاپوب شأن و شرف مشعر منا
.
جلوه ی سعی و صفا و مروه دور نور علی
حیدره آغوش آچوبدور نازیلن بیت خدا
.
وای سیزه داندوز نه تئز فرمایش پیغمبری
ایلدوز مَن کُنتُ مولانی فَهذادَن جدا
.
باغلانوبدور چشم حق بینوز کول اولسون باشوزه
وورمسوز قرآن ناطق بویننا قید جفا
.
منبروزده وعظ ایچون روباه سیّاس اگلشوب
مسجد و محرابوزه بوبکر اولوبدور پیشوا
.
اودلادوز حیدر ائوین باری ئوزیندن ال چکون
بوشلیون یانسون ئوزی ئوز دردینه بو مقتدا
.
آهوان حضرت طاهانی چوخ قورخوتمیون
رحموز اولسون قوزانوب افلاکه صوت آه و وا
.
گوردی ثانی فاطمه مردانه وار ایلور ستیز
دامن کرّاری محکم ساخلیوبدور هکذا
.
قنفذه ائتدی اشاره ایش قالوب ایندی سنه
جبریلن ایله علینی دست زهرادن رها
.
پنجه ی نامردیده گویا سیه مار اوینادی
قالخدی اندی سلب ائدوب امّ ابیهادن وا
.
تازیانه ردّی بازوبند اولوب بازوسینه
قولّاری سست اولدی بیر یول سلدی یا مصطفی
.
گل دئدی سن بسلین گل گور نجه اوراق اولوب
یوخدی بیر کس مرتضانی دست ثانیدن آلا
.
قتلگاه اولدی قاپوم ظلمیله اوغلوم محسنه
داغلی سینمده صودومده تخته قان اولدی بابا
.
بیر قباله اوسته امت سالدی مین درده منی
روحیمه تیره قفس تک تنگ اولوب دهر قنا
.
گور نجه شیر خدانون چاره سی الدن گئدوب
ئولدورور ناموسینی لوز محضرینده اشقیا
.
من عم اوغلومدان هله سیلی یرین گیزلتمیشم
قورخورام گورسه بو ظلمی صبر و طاقتدن چخا
.
گور نجه صیاد الیندن قورخوشور آهولریم
آشیان عشقیمی قوم دغل چکدی اودا
.
دردی دیلده ال أورکده فاطمه غش ایلدی
زلفلرین آلدى اله زینب او کانون وفا
.
رحم ائله یارب دئدی یالقوز ننم گون گورمیوب
شمع عمرین آز قالور خاموش ائده باد بلا
.
نسگل عنوانیله یاز زهرایه ای دل بو سؤزی
کاش اولیدون قتلگهده ای مه برج حیا
.
زینبون الده دوتاندا شمرون عریان خنجرین
قائی اللردن آخاندا سسلنیدون جان بالا
.
سن گینه امداد ائدن تاپدون ائوینده غم گوتی
دورد اوشاقون اولدی بحراندا سنه درد آشنا
.
آلدیلار اطرافوی بلبل لرون ناز ائتدیلر
اولدیلار همتله مشکلدن سنه عقده گشا
.
زینبون اما یخلدى مقتله بی غمگسار
اولمادی الدن دوتان نه آشنا نه اقربا
.
شمره ده فرصت یتشدی قمچسین آلدى اله
یازمارام من نیلدی عارفدی بو اهل عزا
.
قوی اشاره ایلن ائدوم عنوان سؤزى یافاطمه
آغلیاق باهم بلالی زینبه بی منتها
.
قمچینی شمر اندیروب زینب الین قویدى باشا
گل دئدی عبّاس ئولدی زینبون ای باوفا
.
قارداشیم طوفاندا دور شیرازه سیز قرآن کیمی
جان وئرور قان بسترینده افتخار اتقیا
.
دل گوزی دلبرده امّا یاره لر ساندان چخوب
دست قاتلده چالور شهیر شه ملک بقا
.
اوخ اورکدن سانجلوب اما کورگدن باش وئروب
شمر ایاقلور سینه سین من سویلورم ایوای اخا
.
سُؤگلوم جلاد الینده من دل طوفاندیام
ای حرم سقاسی گل امدادیمه بُحراندیام
.
.
#فاطمیه_سیفی_اردبیلی
#فاطمیه_شهادت
#مرغ_دل_سیر_آختارور_جولانگه_افکاریدن
#ترکی
.
✍️ #زبدةالاشعار ✍️
.
🆔: @nohe_torki
نظر دهید