مدح حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #سیدحسن_روضه_خوانی
.
مرغ طبعیم گینه پرواز ایلدی
نغمه شور و شعف ساز ایلدی
.
یول سالوب لطف و کرم گلشنینه
سوری و یاس و سمن دامنینه
.
شوریله دشت حجازی دولانور
گلشن راز و نیازی دولانور
.
گوردی گلشن دولوسی پرچم آچوب
گل گوزی آتشی گل مریم آچوب
.
بیر نظر سالدى صفالی چمنه
وجدلی سبز قبا انجمنه
.
بیر چمن دور که چمن لر گوزیدی
نه چمن جنت رضوان اوزیدی
.
او گلستانی طراوت بورویوب
نکهت عشق و لطافت بورویوب
.
او گلستانه ملک خادمه دی
او گلستاندا کی گل فاطمه دی
.
آدی زهرادی در کنز خفا
سرّ ناموس حق جلّ و علا
.
علت کون و مکانون بالاسی
الله الله او آتانون بالاسی
.
فاطمه باشداکی سوزلر سوزیدی
روح و ریحان که دیلّر اوزیدی
.
هر گلون دهریده سولماز آدی وار
فاطمه آدینون آیری دادی وار
.
بو گلستانه خزان دولمیاجاق
بو گل الله گلیدی سولمیاجاق
.
الله اعطا ایلین کوثره باخ
آتاسی فخر ایلین مادره باخ
.
مطلبین آل بو سوزومدن دادینی
شأنه باخ که قویوب الله آدینی
.
فخر ایدوب ختم رسل ایللرینه
ایگلیوب بوسه ووروب اللرینه
.
جوهرِ قدسیِ کنزِ ازلی
درّة التّاج حیا كفوِ على
.
كعبۀ حاجت ارباب نیاز
قبلۀ عصمت و تقوا و نماز
.
دفتر فجر و فلق مطلعیدور
لؤلؤ و درّ و گهر مِصرعیدور
.
بیر کرم بحریدی که ساحلی یوخ
گجه گوندوز الى بوش سائلی یوخ
.
گل ادی عقده اورکدن یول آچار
او کرملی الى هر مشکل آچار
.
شاهد بارز گلزار اَلَست
میِ میخانۀ محرابیله مست
.
حمد ایدن وقته خانم داورینه
امر ایدر حقده ملائک لرینه
.
یر یوزونده مه مهتابه باخون
عرشه یا طارم محرابه باخون
.
خم محرابده وار جوش و خروش
می وصلیله دوشوبدی لب نوش
.
اَل نجه درگهِ حاجاته آچوب
دل نجه شور و مناجاته آچوب
.
منه تقدیس و ثنا ایلیوری
شیعه نی گورنه دعا ایلیوری
.
منه محبوبه دی طاها بالاسی
آدی صدیقه حسینون آناسی
.
ذاتیمه مظهر و مرآت بودور
ایلین صانعی اثبات بودور
.
ای اولان منبع لطف و حسنات
عالم هستی یه نفسی برکات
.
روضه خوانی سیزه دلبسته اولوب
نچه مدتدی که دلخسته اولوب
.
جسمونی درد سالوب یارادن
گوزی واردی کرم مولادن
.
وئر شفاسین اولا تا شاد دلی
لطفویله اولا آباد دلی
.
#فاطمیه_مدح
#مرغ_طبعیم_گینه_پرواز_ایلدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید