ساقى نامه
.
✍️ #زبدةالاشعار ✍️
.
🆔: @nohe_torki
.
مرحوم میرزا محمد تقی قمری
.
مروّت وقتیدور رحم ایت الیمدن دوت امان ساقی
پیاپى جامى دولدور ویر اولوم طبع روان ساقى
.
یتیش امداده بیردم قیل شفقت جان روح افزا
مرخص ایلیوبدور چون منى پیر مغان ساقى
.
اولوم سرگرم بیرساعت ایدوم میخانه ده غوغا
کلام نظمیم اولسون هرزمان گوهرفشان ساقى
.
نثار ایتمکلیگه بزم فصاحتده جواهرلر
نظام نظمیلن هردم آچوم درج دهان ساقى
.
بومجلسده منى قویما قالوم افتاده امداد ایت
الیمدن دوت الون دوتسون امیرالمؤمنان ساقى
.
ووروم دم شیر داوردن دیوم بیر مدح حیدردن
تماشایه فلکلردن گله کرّوبیان ساقى
.
توکوم نظم درافشانى بسان لعل رمانى
ایدوم گلرنگ دنیانى مثال ارغوان ساقى
.
دیوم شاه ولایتدن جلال و جاه و شوکتدن
ریاض و صیفده هردم اولوم رطب اللسان ساقى
.
آمان قربان اولوم اول بادۀ گلفام حمرایه
اگر بیر جرعه ایچسم تازه دن اولّام جوان ساقى
.
منى جام شرابه مست قیلما باشوه دونّم
وار اولسا التفاتون وئر خمى قیل امتحان ساقى
.
قیلوم بهر فضایلده گهى فخریله غواصى
گهى چون قمرى نالان اولوم کوکو زنان ساقى
.
.
#حیدریه_قمری
#ساقی_نامه
#حیدریه_مدح
#مروت_وقتیدور_رحم_ایت_الیمدن_دوت_امان_ساقی
#ترکی
.
✍️ #زبدةالاشعار ✍️
.
🆔: @nohe_torki
نظر دهید