در مدح حضرت زینب کبری (س)
.
✍️ #زبدةالاشعار ✍️
.
🆔: @nohe_torki
.
مرحوم فیروز جوانشیر
.
مریم آل رسالت گوهر تقوادی زینب
دختر شاه ولایت مظهر زهرادی زینب
.
.
عارض گلفام زینب مطلع صبح ازلدی
قرب اعلاده مقامی بی مثال و بی مثلدی
محرم اسرار محبوب خدای لم یزلدی
پیشگاه ذات حقده رتبتاً والادی زینب
.
.
مظهر تقوای زهرا سرّ ناموس رسالت
سرّ ناموس رسالت آبروی کون و خلقت
آبروی کون و خلقت اسوۀ صدق و صداقت
زهرۀ زهرا عزیزی آیت کبرادی زینب
.
.
سالک سلک حقیقت دوز یولی راه سعادت
یادگار فخر نسوان دختر شاه ولایت
رهرو راه دیانت دُرّ دریای امامت
هیکل قاموس و ایمان مهر تقوادی زینب
.
.
عزّته دیباچه اولدی آفرینش دفترینده
حلمه مجموعه تانیندی حق تعالی محضرینده
اولدی کانون لیاقت یانماقا غم آذرینده
صبر ایدوب معناده صبره صورت و معنادی زینب
.
.
کسب ایدوب زهرادن اوّل درس صبر و استقامت
اورگنوبدور اوز آناسیندان بزرگی و متانت
هم متانت هم دیانت هم شهامت هم شرافت
حق سُون هر بیر صفاته خلقتاً دارادی زینب
.
.
قلبینی بیر لحظه تیره ایتمیوب زنگار محنت
سرو تک آزاده اولدی اگمدی قدّین مصیبت
بی کران دریادی صبری صبرینه یوخدور نهایت
استقامتده کانّه موج ایدن دریادی زینب
.
.
صبرینه شاهد گتورسم صحنۀ کرب و بلادور
لشکر درد و غم اوردا حدّسیز بی انتهادور
بیر طرفده نور مطلق بیر طرف ظلمت سرادور
ناظر خونین نبرد صحنۀ هیجادی زینب
.
.
درک ایدوبدور ژرفنای نهضت کرب و بلانی
آنلیوب سرّ شهادت امرینی زهرای ثانی
ایستیوب اولسون بو نهضت تا جهان وار جاودانی
پُرثمر ایتماقه نقشین فرد بی همتادی زینب
.
.
تا گوروب اولدی حسینی مقصد و مقصوده نائل
پرده ده قالدی ولکن چوخ رموزات و مسائل
ایتدی همّت امر نهضت اولمیه بیهوده زائل
هر مصاف اشقیاده شیر بی پروادی زینب
.
.
اونداکی جبریله اولدی مبتلای درد هجران
قارداشی جام شهادت نوش ایدوب تسلیم ایدوب جان
بو شهادت اولدی الده زینبه تبلیغه عنوان
سینه سی منشور عشقه مصحف و طغرادی زینب
.
.
اولماسا گوردی اسارت اول مهین بانوی آزاد
محو اولار عدل و عدالت جهل ایدر عالمده بیداد
نفسینه لازم بولوبدور ایلسون تا خلقی ارشاد
جدّی تک ارشاد حقّه عاشق و شیدادی زینب
.
.
ال چکوب آسایشیندن چکمیوب ال همّتیندن
ال اوزوب جاندان ولکن اوزمیوب ال خدمتیندن
گیچدی اوز اوغلانلاریندان گیچمدی شخصیّتیندن
هم ردیف داغداران همره لیلادی زینب
.
.
امر سنگین رسالت بار غم درد اسارت
تاپمیوب سیمای زینب ذرّه جه تغییر حالت
کوه دردی کاه بولدی ایتدی صبر و استقامت
جمع صابردن بولونسون حلمده منهادی زینب
.
.
دین اسلامین یولوندا هر زمان جاندان گیچندی
بیر زن دشمن شکندی چون رشید و شیرزندی
بو مسلّمدی علی تک جنگیده دشمن شکندی
اولمیوب مغلوب دشمن فاتح دعوادی زینب
.
.
خاک پای آستان زینب هر درده دوادور
چشم حوران بهشته خاک پایی توتیادور
درگهی دارالامان انس و جنّ و ماسوادور
(خادم) خدمت گزاره بانوی عظمادی زینب
.
.
#زینبیه_فیروز_جوانشیر
#زینبیه_مدح
#مریم_آل_رسالت_گوهر_تقوادی_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید