زبانحال حضرت مسلم ابن عقیل علیه السلام
.
✍️ زبدة الاشعار ✍️
.
🆔: @nohe_torki
.
#سبک_ای_ویرن_ویرانه_یرده … 4 سبک
.
کربلایی احمد پوریا
.
مسلمم آزاده یم من ،مرد پیکارم حسینجان
کوفه شهرینده غریبم ،دیده خونبارم حسینجان
.
.
کوفه اهلینده وفا یوخ گلمه یا مولا اماندی
چیرپینور بو پاره قلبیم دیل دولی آه و فغاندی
من اسیر اشقیایم قلب زاریم باغریقاندی
کفرین اهلی دوریم آلموش بی مدد کارم حسینجان
.
.
کوفه شهرینده عموقلی چوخ تَملُّق وار وفا یوخ
عزم قیلمه سن بو شهره چون جفا چوخدی صفا یوخ
ای رسول الله بالاسی اشقیا چوخ اتقیا یوخ
هامی روبه دور حیا یوخ شیر بی یارم حسینجان
.
.
گلمه بو شهره حسینجان قتلیوه نقشه چکوبلر
تیر خشم و کینه نی ناپاک اورکلرده اکوبلر
اوچ یاشیندا دلبرون گوشوارسینه گوز تیکوبلر
ناگرانم قیزلاریمدان لیک ناچارم حسینجان
.
.
حرمله آماده ایلور اوچ پر اوخلاری دمادم
اصغریوی سن گتیرمه ای شهنشاه دو عالم
کوفه اهلی ظلم ایدللر باغلانار بو نهر علقم
من غلام اهل بیتم عبد دربارم حسینجان
.
.
ای همای اوج رحمت متقی لر مقتداسی
سن امام و رهبریمسن آشنالر آشناسی
گلمه بو قانلی دیاره رهنمالر رهنماسی
عهدیمه ایتدیم من ایفا چون وفادارم حسینجان
.
.
من غریبم عبد زارم یوخدی بیر یارو پناهیم
ای جلالتده یگانه گیتدی الدن عِزُّ و جاهیم
چوخ دگوبدور تیغ و خنجر بو آخان قانیم گواهیم
سسلنور یکسر وجودیم بیر ده بو یارم حسینجان
.
.
اولموشام آواره مولا کوچه سرگردانیم من
من اسیر اشقیایم کوفه نون مهمانیم من
اولدوروللر من غریبی اکبرین قربانیم من
بی کس و بی اَقربایم من سَرِ ،دارم حسینجان
.
.
نچه مین نامه یازوبلار هاموسی مولا یالاندی
گلمه سن جان ابوالفضل مسلمون قدی کماندی
رحم ایله شبه رسوله اکبرون آقا جواندی
هامی قاپلار باغلانوبدی غملی رخسارم حسینجان
.
.
ناگرانم زینبوندن ای خانم زهرا بالاسی
قیزلاریوی سن گتیرمه ای رقیه دلرباسی
سیلی دگسه نازلی یاره اوت دوتار قلبیم یاراسی
ایتمرم مولا تحمل قلبیده زارم حسینجان
.
.
#اصحاب_الحسین
#مسلمم_آزاده_یم_من_مرد_پیکارم_حسینجان
#ترکی
.
✍️ #زبدةالاشعار ✍️
.
🆔: @nohe_torki
نظر دهید