شهادت حضرت مسلم
.
✍️ #زبدةالاشعار ✍️
.
🆔: @nohe_torki
.
احد ظهرابزاده (واصف مرندی)
.
مسلمون درد و غمی آغلامالیدی
نچه زخم ستمی آغلامالیدی
.
.
قولارین باغلادیلار غملی چاغیندا
جان حسین ذکری یارالی دوداقیندا
یول گئدیر دشمن شومین قاباقیندا
یولونون پیچ وخمی آغلامالیدی
.
.
اورگینده عطشی شعله ور اولدی
گتوروبلر سو ولیکن نلر اولدی
قاریشیب قانی سووا خون جگر اولدی
هر دمیندن او دمی آغلامالیدی
.
.
سو دئدی حیف اولا بی بال و پرم من
یوخسا قانلی دوداقیندان ئوپرم من
ئوزومی قانلی جمالَن سَپَرم من
هم صفالیدی همی آغلامالیدی
.
.
اهل بیتین آراسیندا واریمیش بو
کیم ایچیدی عطش هنگامی سرین سو
یاحسین ذکری دیردی اولا نیکو
علتی کیف و کمی آغلامالیدی
.
.
آغزینین قانی آخیب کاسیه دولدی
سو الیندیدی ولی گلشنی صولدی
دوره سی دشمنیدی چون اولان اولدی
یولدا یورقون قدمی آغلامالیدی
.
.
کیم حسین عاشقیدی آفتی اولماز
سو یانیندا ئوله سو قسمتی اولماز
قسمتی اولسادا او لذتی اولماز
گوزونون اشک نمی آغلامالیدی
.
.
دئدی آلله وئریری قان یارالاریم
قورخولی یول گلور الان آقالاریم
اولاجاق دشمن اسیری بالالاریم
چون ئوزوندن حرمی آغلامالیدی
.
.
مکه دن چخدی حسین ملک عراقه
آغلادیب کعبه نی اندوه فراقه
هامودان قربانینی سالدی قباقه
اسدی قاره علمی آغلامالیدی
.
.
اوجا یردن یره گلمیش بدنیندن
اورگینده غم ودرد ومحنیندن
پیکر بی سر و یا بی کفنیندن
یازدی هجران قلمی آغلامالیدی
.
.
ائشیدیب طوعه بو ظلمی گوزی دولدی
دئدی آلله نه ائدیدیم اولان اولدی
پیکری اوسته گلوب زلفونی یولدی
سوزونون سوز غمی آغلامالیدی
.
.
.
#مسلمون_درد_و_غمی_آغلامالیدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید