زبدةالاشعار

مشکله کیم دوشسه هر یئرده دییر: یافاطمه! #فاطمیه_سیدبشیرحسینی

مدح نام و مقام و شهادت حضرت فاطمه (س)
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
.
مشکله کیم دوشسه هر یئرده دییر: یافاطمه!
قلبی شاد و قلبی مضطرده دییر: یافاطمه!
حاجی حاجی اولسا مشعرده دییر: یافاطمه!
یاعلی اوّلده، آخرده دییر: یافاطمه!
.
.
یازدور ای بانیّ مجلس! خوش خطیله پرچمه
فاطمه سالار و سروردی جناب مریمه
از بس عطرآگیندی آدی، بلبل ائتسه زمزمه
سس چکوب گلشنده گل‌لرده دییر: یافاطمه!
.
.
جان و دلدن بیر قولاق وئر چوخ گوزل سوز بوردادی
بو آدا قربان اولوم گئتمز آغیزلاردان دادی
دستمازلی دفتره شاعر یازاندا بو آدی
باور ائت معناده دفتره دییر: یافاطمه!
.
.
سوره‌ی قدری اوخی گور کیمدی «لیلة»دن مراد
فاطمه آدین دیء دیلده تا چوخالسین اعتقاد
آللّهین لطفیله دائم معجزه ایلر بو آد
بیلمیور گر بیلسه کافرده دییر: یافاطمه!
.
.
فاطمه آدی بلی قرآن کیمی اعجاز ائدر
عاشق هر اعضاسینی یار عشقینه دمساز ائدر
سینه وورماقیله اَل، اوز عشقینی ابراز ائدر
آغلاماقلا دیده‌ی ترده دییر: یافاطمه!
.
.
فاطمیّه گونلرینده سویلر اهل معرفت:
حضرت صاحب زمانه اولسون عرض تسلیت
نه تقیّه وقتیدور الآن نه وقت مصلحت
شیعه اُول کسدور که بی‌پرده دییر: یافاطمه!
.
.
غیرت دینی دیور اوز صاحبینه بو سوزی
ذکر ائله «یافاطمه»، وهّابی‌نین چیخسین گوزی
صاحب مجلس امام عصردور بوردا اوزی
طول غیبتده او سَرورده دییر: یافاطمه!
.
.
وار یئری شیعه دئسه هر لحظه و هر ثانیه
لعنت بی‌حدّ اولا روحِ پلیدِ ثانی‌یه
گوندن آیدیندی دلیلیم پس دئمه آیا نیه
وئر قولاق ارباب و نوکرده دییر: یافاطمه!
.
.
شاه مردان، شیر یزدان، شاه دین کیمدور؟ علی
دهریده تنها امیرالمومنین کیمدور؟ علی
محور وحدت میان مسلمین کیمدور؟ علی
عاشق مولا بو محورده دییر: یافاطمه!
.
.
ای دیلیم! پروانه اُول بزم غمین مصباحینه
ایلییر زهرا عنایت شاعر و مدّاحینه
بیر تخیّل عالَمی باخ جنگ‌لر فتّاحینه
ذوالفقاری الده حیدرده دییر: یافاطمه!
.
.
ای دل! ای دل! بیز مسیر حقّیده داش اولماریق
بیر بئله اوز وورما ناحقّیله یولداش اولماریق
دشمن زهرائیله ئولسکده قارداش اولماریق
دل دئسه صدقیله دلبرده دییر: یافاطمه!
.
.
امّت قرآنه هیئچ فرقه سالانماز تفرقه
قوم با ایمانه هئچ فرقه سالانماز تفرقه
کشور ایرانه هئچ فرقه سالانماز تفرقه
امّتیله چون که رهبرده دییر: یافاطمه!
.
.
جسم بی‌جانه نقدری وار جهان جاندور بو آد
معنویّت دفترینده عالی عنواندور بو آد
دهریده هر دردِ بی‌درمانه درماندور بو آد
دوشسه دکترده چتین درده دییر: یافاطمه!
.
.
آدلانور الحمدلله فاطمیّه ایل به ایل
مجلس زهرایه بیر عدّه مریض اولموش دخیل
حضرت باقر کیمی بیمار اولاندا اهل دیل
بیر حزين صوتیله بسترده دییر: یافاطمه!
.
.
بیر حدیث صادقی وار بوردا دقّت ایلیون
فاطمه آدلی قیزا سیز چوخلی حُرمت ایلیون
قلبینی سیندیرمیون بلکه محبّت ایلیون
اولسا هر کیم بیله باورده دییر: یافاطمه!
.
.
حُبّ زهرائیله قانی هر کسین اولسا عجین
هر قدَر واردور، اولار یارِ امیرالمومنین
یازدیرار سربندینه «یافاطمه» ذکرین یقین
باوفا رزمنده سنگرده دییر: یافاطمه!
.
.
اینجیور امّت الیندن روح طاها ایندیده
چون قالوب یئرده تولاّ و تبرّا ایندیده
کوچه¬ده بیر ظلم ائدوب ثانی که حتّی ایندیده
مجتبی اُول غملی مَعبرده دییر: یافاطمه!
.
.
غصّه و غمدن دونه گوزیاشیمیز قانه گرَک
بوندان آرتیق جلوه وئرسین عشق، ایرانه گرَک
دسته دسته دسته‌لر چیخسین خیابانه گرَک
شیعه جای جایِ کشورده دییر: یافاطمه!
.
.
شیعه‌نین گوزیاشی، قبرینده گلاب ناب اولار
شاه مردان نوکری، محشر گونونی ارباب اولار
ساقیِ کوثر الیندن جام آلوب سیراب اولار،
کیم کنار حوض کوثرده دییر: یافاطمه!
.
.
بدر کامل تک اولار حق مُنجلی محشر گونی
فاطمه شأنی اولار چوخ گورملی محشر گونی
قبری تک قدری نهان اولدی؛ ولی محشر گونی،
قدره باخ خلاّق اکبرده دییر: یافاطمه!
.
.
سسلر آلله اُول زمان یَا قُرَّةَ عَینِ الرَّسول!
امّته خاطر آتان طاها اولوبدور دل ملول
سن شفاعت ایلَسون هر کیمسیه، قیلاّم قبول
اهل محشر، روز محشرده دییر: یافاطمه!
.
.
چوخ چتین گوندور اوگون وصف ایلورم بیر آنینی
یادینه یعقوب، سالماز یوسف کنعانینی
امّت عاصی دوتاندا مصطفی دامانینی
امّته خاطر پیمبرده دییر: یافاطمه!
.
.
قلبوزی ای شیعه‌لر! آه آتشیله داغلیون
جان وئروب «امّ الائمّه» باشه قاره باغلیون
مرتضانین غربتین یاد ایلیون قان آغلیون
یانه یانه شیرِ داورده دییر: یافاطمه!
.
.
باغبان پرپر گوروبدور لاله‌ی خوشبوسینی
قمچیِ قنفذ گووردوب گول کیمی بازوسینی
سیندیروب نامرد ثانی ظلمیله پهلوسینی
گر ائشیتسون تخته‌ی درده دییر: یافاطمه!
.
.
قیز جوان ئولسه آنانین روحی حتّی آغلیار
جنّت ایچره اولسادا، اشکین عذاره باغلیار
آه آتشباریله قلبین خدیجه داغلیار
دم به دم اُول غملی مادرده دییر: یافاطمه!
.
.
هاتف غم ایلیور الهام بیر مطلب منه
کربلاده سیر ائده عاشقلرین قلبی گنه
نیزه باشینده یارالی باش دیین ده: وای ننه
قتلگهده جسم بی‌سرده دییر: یافاطمه!
.
.
بو آدین اتمامه گلمز شرح و تفسیری «بشیر»!
اسم اعظم تک همیشه واردی تأثیری «بشیر»!
فخر ائله بوینوندا واردی عشق، زنجیری «بشیر»!
عالِم فرزانه منبرده دییر: یافاطمه!
.
.
#فاطمیه_مدح
#فاطمیه_شهادت
#مشکله_کیم_دوشسه_هر_یئرده_دییر_یافاطمه
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آل علی زمانه نون مهرینی باشدان آتدیلار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی