مشکلون اولسا بو دنیاده دئنن یامهدی

یامهدی
.
✍️ زبدة الاشعار ✍️
.
🆔: @nohe_torki
.
#شاجری_زنجانی
.
.
مشکلون اولسا بو دنیاده دئنن یامهدی
لطفی چوخدور گلر امداده دئنن یامهدی
.
.
اسم اعظمدی آدی آدینه قربان آقادی
سعی ائله سیندیر ئوزون بو قاپودا گور هارادی
نه بشر ذکر ملائکدی بو سردارین آدی
حاجتون اولسا گل افتاده دئنن یامهدی
.
.
اؤ سوزی که ائلیوبدور سنی مین درده دچار
فاش ائدنمورسن او سرّی اولوسان زار و نزار
ئوز ائوینده دئموسن محرمیوه دلده نه وار
ایندی اخلاصیله سال یاده دئنن یامهدی
.
.
ناامید اولما نه دردون اولا درمان ائده جاق
نیّتون پاک ائله هر مشکلون آسان ائده جاق
او کریم اوغلی کریمدی سنه احسان ائده جاق
سنده صدقیله اول آماده دئنن یامهدی
.
.
عرض ائله یوخدی دؤزوم هجریوه اصلا آقاجان
بسدی اول پرده ی غیبتدن هویدا آقاجان
یانوری هجر اودونا قلب احبّا آقاجان
ذکر ائله آدینی گل داده دئنن یامهدی
.
.
سیزه مژده اولا ای امت آزاده شیَم
آقامیز بحر سخادی داخی عشاقه نه غم
سائلی بوش یولا سالماز قاپودان اهل کرم
وار گوزون لطف او مولاده دئنن یامهدی
.
.
#مهدیه
#مشکلون_اولسا_بو_دنیاده_دئنن_یامهدی
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki