مطبخ کی حسینیم سنه بیت الحزن اولدی #کوفه_کریمی_مراغه_ای

کوفه
مکالمه حضرت زینب کبری با سر مقدس برادر
.
.
.
کریمی مراغه ای
.
.
#زبانحال_حضرت_زینب
.
مطبخ کی حسینیم سنه بیت الحزن اولدی
آیا ده گوروم یانیوه هچ بیر گلن اولدی؟
یا قانلی کولی قانلی گوزوندن سیلن اولدی؟
اما گجه نی صبحه کیمی یاتماموشام من
گوزدن باجون ئولسون حرمین آتماموشام من
.
#جواب_امام_حسين
.
خولی باجی جان دینینی دنیاسینه ساتدی
قویدی منی مطبخده اوزی قصریده یاتدی
یاتموشدوم او حالیله ننم گلدی اویاتدی
سسلندی حسین عترتیوی گوزدن آتوبسان
پیغمبرین اوغلی نیه مطبخده یاتوبسان؟
.
.
.
.
.
.
#زبانحال_حضرت_زینب
.
نه حالیده گوردون ننمی ای شه خوبان
شرح ایت باجووا شادیدی یا دیده سی گریان
سویله ننمون حالی نجیدی سنه قربان
سنموش قولون آیا یارالی سینه ده گوردون
سندن دانشوب گولدی و یا غمزده گوردون
.
#جواب_امام_حسين
.
ای مهر و وفاده منه زهرایه برابر
زهرا یوزی گولمز نه قدر وار بو ستملر
پهلو سینه قویموشدی الین زار و مکدر
ناراحتیدی چون در و دیوار اثریندن
اوپدوم یارالی سینه ده مسمار اثریندن
.
.
.
.
.
.
#زبانحال_حضرت_زینب
.
سنسن یارالی نی ده کسوگ باشلارا سرور
باشون ائلیوب کوچه و بازاری منور
سقا باشی اما آرادا یوخدی برادر
چوخ ایستیورم ماه بنی هاشیمی قارداش
دوزمور اورگیم ایستوری قارداشیمی قارداش
.
#جواب_امام_حسين
.
هچ کیم اونون احوالینی مندن صورا بولمز
بیر باش کی او حاله قالا نی ده دورا بولمز
چون قاتل اونی گوردی جدایه وورا بولمز
قویدی یارالی نعشینی میدان آراسیندا
شامه آپارور باشینی قلخان آراسیندا
.
.
#کوفه #کریمی_مراغه_ای
#مطبخ_کی_حسینیم_سنه_بیت_الحزن_اولدی
#ترکی
#زبدةالاشعار