زبدةالاشعار

مظهر جود و کرم فاطمه دی #فاطمیه_آسال_اردبیلی

ماجرای #فدک
.
✍️ #زبدةالاشعار ✍️
.
🆔: @nohe_torki
.
#آسال_اردبیلی
.
مظهر جود و کرم فاطمه دی
یار سالار امم فاطمه دی
.
ترک ایدندن آتاسی دنیانی
همدم محنت و غم فاطمه دی
.
اولین کس کی علی خاطرینه
ظلم ایدوب قوم ظلم فاطمه دی
.
اولین کس کی قویار بی شبهه
باغ رضوانه قدم فاطمه دی
.
عالم عشقیده نصب ایتدی او کی
قلب عشاقه علم فاطمه دی
.
ئوز دمیندن او کی بیر شمه ویروب
عیسی مریمه دم فاطمه دی
.
حضرت احمد والا نسبه
بنت حوریه خدم فاطمه دی
.
هیچ زمان ظلمی قبول ایلمه دی
ضد دژخیم ستم فاطمه دی
.
اوکی خصمین قاباقیندا دایانوب
ایتمین قدینی خم فاطمه دی
.
بویوروب حضرت صادق بوسوزی
فخر نسوان حرم فاطمه دی
.
بیز ائمه بشرون حجتیوک
بیزه حجتده ننم فاطمه دی
.
من اوزوم عاشق جان برکفیم
منه معیار کرم فاطمه دی
.
دئسه لر سرور عالم کیمدی
بی تأمل دییرم فاطمه دی
.
دیدیلر صاحب جنت کیمدی
لوحیده یازدی قلم فاطمه دی
.
بلی بو فاطمه دی بدر حیا
بلی بو فاطمه دی شمس وفا
.
بلی بو فاطمه آدم تاجیدی
قدسیان رحمتینون محتاجیدی
.
افسر حضرت خاتم دی خانم
باعث خلقت عالم دی خانم
.
بلی بو فاطمه حق آیه سیدی
پاک آدی خلقتون آرایه سیدی
.
آتاسی افضل ابنای بشر
اوکی ایتدی سینه سین دینه سپر
.
اوپیمبر کی اونون یوخدی تایی
بیر اشاریلن اوکی بولدی آیی
.
گور نه تعریف ایلیور فاطمه نی
تانیا خلق همان عالمه نی
.
گورنجه حق سوزی گیرا بویوروب
شأنینه ام ابیها بویوروب
.
حق سوزی اوسته شجاعتله دوروب
فاطمه بضعة منّی بویوروب
.
سوزی روشن دیورم اهل عزا
تا بیلون کیمدی بو فرخنده لقا
.
کیشی اولسیدی اگر شخص بتول
بی بهانه بوییدی خلقه رسول
.
بلی بو فاطمه حق مظهریدی
بو خانم کنز حیا گوهریدی
.
آتاسی بدر سخا اولسا اگر
بوخانم عرش سخا اختریدی
.
حور رضوان اوینون خادمه سی
جبرئیل درگهینون نوکریدی
.
اهل جنّات بر ین بوسه گهی
خانمون پینه اولان اللریدی
.
بو خانم عرش خدا مالکی دی
پیکری دین خدا پیکریدی
.
بوخانم اون بیر امامین ننه سی
یوخ هامی شیعه لرین مادریدی
.
بو خانم شیرخدا همسریدی
همسری یوخ الینون خنجریدی
.
حق مولادن حمایت ایلدی
دیدی شاهیم بشرون افسریدی
.
دیدی من هرکسه رهبر دیمرم
مرتضا فاطمه نون رهبریدی
.
قویمادی سروری تحقیر اولسون
دیدی زهرا بو شهون یاوریدی
.
شاهیمون لشکری گر یوخدی اونون
فاطمه تک نفره لشکریدی
.
سینه سین ایلدی اسلامه سپر
او خانم کی اوزی حق مظهریدی
.
ویردیلار ظلمیله اولدی بالاسی
شهر یثربده او گون محشریدی
.
ولی زهرا او وفا جوهره سی
او کی قرآندا آدی کوثریدی
.
قانیلن یازدی در و دیواره
أولسه ده فاطمه گر حیدریدی
.
ضربه ی ثانی ملعون و دنی
بستره سالدی خانم فاطمه نی
.
نچه گون کیچدی او مرضیه شیم
حسنی سسلدی قلبینده الم
.
حسنه باخدی دیدی نور بصر
قویمارام حقوز اولا ذره هدر
.
پیکر کفره گرک لرزه سالام
من گرک حقیمی غاصب دن آلام
.
عزم مسجد ایلدی دیده پرآب
مقصده چاتدی غرض دلده عتاب
.
ایاق اوستونده او رنجور و ملول
یارالیدی دورا بیلمیدی بتول
.
امر ایدوب نصب اولونوب بیر پرده
اوتوروب کنز کرامت یرده
.
ایستدی حقین هویدا ایلسون
غاصب اوّلی رسوا ایلسون
.
حمد یزدانیله باشلاندی کلام
سورا پیغمبره گوندردی سلام
.
یوز دوتوب حاکم بی ایمانه
دیدی ای دین حقه بیگانه
.
نه جسارتله بیزی خوار ایله دون
حی داور سوزون انکار ایله دون
.
سن بیلورسن نه خیانت ایله دون
کیمین حقینده جنایت ایله دون
.
کیمین آیا قاپوسین یاندیردون
کیمین آیا سینه سین سیندیردون
.
من گل باغ جنان فاطمیم
فخر نسوان جهان فاطمیم
.
منیلن عالم وآدم تانینوب
منیلن عرشیده خاتم تانینوب
.
احور عدن غلامیمدی منیم
بیر کلام ختم کلامیمدی منیم
.
سیزه پیغمبر اگر طاهادی
فخر ایدردی کی ابالزهرادی
.
فخر پیغمبر اگر زهرادی
منه ده شیر خدا مولادی
.
سیل گوزون آیت یزدانی تانی
باعث خلقت دنیانی تانی
.
امر معرفیده معروف بیزوک
یاور اول حیدره مولانی تانی
.
قالما بیزدن دالی گل حیدری اول
گل ره جنت الاعلانی تانی
.
همسریم نابغه ی دوراندی
اولین شخص مسلمانی تانی
.
سنی اغفال ایلیوب ثروت و جاه
آگه اول فتنه ی شیطانی تانی
.
سنی بازیچه ایدوب قوم عرب
منصف اول ناطق قرآنی تانی
.
راضی اولما آلا صمصام الینه
صاحب خنجر برّانی تانی
.
ایستسه عالمی ویران ایلیر
تک یل عرصه ی هیجانی تانی
.
سوزی بوردا قویورام یاحاکم
بیر دم اول صاحب تقوا عالم
.
آند ویررم سنی قرآنه بوگون
پیکر پاک شهیدانه بوگون
.
بیر یول عالمده ایله حقی علن
بو سوزی روشن و بی پرده دینن
.
سن دینن کیم حقه مظهردی دانیش
کیم ید حضرت داوردی دانیش
.
واردی پیغمبره گر ایمانون
اوکی عالملره سروردی دانیش
.
کیمون آیا الینی قالخیزدی
دیدی کیم امته رهبردی دانیش
.
منصف اول حق سوزی اقرار ایله
کیم علی مثلی هنروردی دانیش
.
مرحبی اولمیا سن أولدوردون
یا عمر فاتح خیبردی دانیش
.
کیم رکوعینده زکاتین ویردی
کیم دینن ساقی کوثردی دانیش
.
کیم یاتوب بستر پیغمبرده
کیم فدای شه محشردی دانیش
.
حق دیمکدن ایلمه ذره هراس
حق دین یاوری داوردی دانیش
.
حقی گور حق سوزی مردانه دینن
ده جهان سروری حیدردی دانیش
.
ولی یوخ سنده بو غیرت بیلورم
مست ایدوبدور سنی شهرت بیلورم
.
ولی لازمدی دیم بو سخنی
تاکی آگاه ایلیم اهریمنی
.
من همان فاطمیم دنیاده
منی تکریم ایلیوب طاهاده
.
منه حرمت ایلیوب اول سرور
الیمی أوپدی منیم پیغمبر
.
باش یاراتمیش منی حق حوریندن
خلق ایدوب فاطمه نی نوریندن
.
من همان فاطمیم فخر نسا
منه سروردی فقط شیرخدا
.
من علی همسریم مفتخرم
بو مقامیله ایاقین أوپرم
.
قلبیده کفر علمین نصب ایلدون
حقیمی ظلمیله سن غصب ایلدون
.
ارث آپارماز اگر اولاد نبی
گیت اوخی مصحف شاه عربی
.
ایله زهرایه بو بیر امری علن
سوره ی نملی اوخی دقتیلن
.
گور سلیمان نبی ارث آپارور
ولی محرومیدی انسیۀ حور
.
کیم بو فتوانی ویروب ای جانی
مفتی اولموش نه زماندان ثانی
.
الغرض حاکمی تفهیم ایلدی
فدکی حضرته تقدیم ایلدی
.
ولی عرض ایلیورم اهل عزا
کاش او گون حاکم بد ذات ودغا
.
کاش سخاوت تلینی حورمیدی
کاش فدک مدرکین هیچ ویرمیدی
.
مسجدی ترک ایلدی غرق شعف
همسر و یاور سلطان نجف
.
او قدر شادیدی زینب آناسی
چیخدی یاددان سینه سینده یاراسی
.
منزله ساری گلور قلبیده شور
کسدی ناگه قاباقین شیخ شرور
.
گوردی زهرانی خرامان او دنی
دیدی ای بنت رسول مدنی
.
بویور هاردان گلوسن فخر زمن
ندور علت بیله شادلیق ایدوسن
.
بویوروب فاطمه ای خصم خدا
منه یزدان ایلدی لطفون عطا
.
حمد ایدم وار یری رب الفلکی
شخص بوبکریدن آلدیم فدکی
.
تا اشیتدی بو سوزی ثانی دون
ویردی شیطانه لجامین او زبون
.
دیدی ویر ذیلینی امضا ایلیوم
تا اونون قدرین هویدا ایلیوم
.
امتناع ایلدی بانوی حجاز
دیدی امضائوه یوخ ذره نیاز
.
عمره اولدی بو سوز تیر سه پر
خیری نابود ایلدی لشکر شر
.
باغلادی شال شقاوت بلینه
زورینی جمع ایلدی ساق الینه
.
ویردی بیر سیلی او گول رخساره
خانمون دگدی باشی دیواره
.
اوندا بیر سوز دیدی عصمت قمری
یاندیرار حشره کیمین شیعه لری
.
دگجگین سیلی دیدی یاندی اوزوم
درگهیم مثلی الولاندی اوزوم
.
دگدی سرعتله یره پیکر دین
باشینی آچدی بوتون اهل برین
.
اوخ کیمین قلبیمی بو غم دلدی
سینه سیندن گینه ده قان گلدی
.
آناسین گوردی تراب اوسته حسن
گلنون کسدی یولون دلده محن
.
دیدی امداده گلون أولدی ننم
اهل دین داده گلون أولدی ننم
.
ناگه آچدی گوزونی خیرنسا
بیر قولون آچدی دیدی نازلی بالا
.
حسنیم قورخما سلامتدی ننون
داخی مأنوس ملالتدی ننون
.
مجتبی باخدی شرف مخزنینه
الینی سالدی آنا گردنینه
.
ناگهان گوردی حسن زاده ی نور
معجر فاطمه دن قان سوزولور
.
معجری رد ایلدی آهسته
گوردی بیر صحنه همان دلخسته
.
دیوم آیا نه گوروب اوندا حسن
منی عفو ایله ایا شاه زمن
.
دیدی یارب باشیما کول النوب
ای وای الله قولاقی پاره لنوب
.
آند ویررم سنی اللهه ننه
آند ویررم سنی جان حسنه
.
دیمورم راه سخا گیتمیه سن
بولاری حشریده عفو ایتمیه سن
.
قالخیزوب یردن او طاها دُرینی
آنانین سیلکلدی چادرینی
.
گوزلرین کوچه ده گزدیردی بیراز
پسر ارشد مولای حجاز
.
تاپمادی فاطمه نون چاره سینی
تاپدی یردن پارا گوشواره سینی
.
ای #نوید قوی ایله بوردا سخنی
داخی آغلاتما امام زمنی
.
ایسته زهرادن حسن خاطرینه
لطف ایده آل علی شاعرینه
.
شعرووه حضرت زهرا دوز آتا
تا سوزون رتبه ی مقبوله چاتا
.
.
#فاطمیه_شهادت
#مظهر_جود_و_کرم_فاطمه_دی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  جدّۀ سادات جهان فاطمه دور فاطمه دور #فاطمیه_معزی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی