توسل و حالات حضرت ابوالفضل (ع)
.
✍️ زبدة الاشعار ✍️
?: @nohe_torki
.
مرحوم ناصر اردبیلی
.
مظهر شجاعت مه لقا ابوالفضل
شوقیله حسینه جان فدا ابوالفضل
عبد صالح خالق
حقه عاشق صادق
با وفا ابوالفضل (2)
.
صحت عملده مرتضی نظیری
شاه کربلانون باوفا وزیری
عاشق خدانون یار دلپذیری
عشقیده بلند آواز
شاهینه گوزل سرباز
با وفا ابوالفضل (2)
.
جنگیده هنرور شاه لافتی تک
ضیغم دلاور شیر کبریا تک
تیغی وحشت آور تیغ مرتضی تک
الده خونفشان شمشیر
صفلری پوزان چون شیر
با وفا ابوالفضل (2)
.
ایلین فراتی تشنه لب مسخّر
تشنه لبلرینی ائتمین سودان تر
گوزلرینده ظاهر تشنه آل حیدر
یاد ائدن سوسوز شاهی
قلبیدن چکر آهی
با وفا ابوالفضل (2)
.
قلبینی ائدن قان العطش صداسی
همّتی سوسوزلار دردینون دواسی
تشنه پادشاهون تشنه لب فداسی
گوزلری اولان گریان
نهردن چخان عطشان
با وفا ابوالفضل (2)
.
اوخلانان سو مشگی قطع اولان امیدی
یاندیران جهانی محنت مزیدی
ایلین ملامت لشگر یزیدی
اصغری سالان یاده
پیک مرگه آماده
با وفا ابوالفضل (2)
.
آلنینا دگن اوخ گوزلرین دوتان قان
ایلین احاطه پیکرینی پیکان
ظلم الیله قولسوز جسمی نیزه باران
شاهباز بی شهپر
پیکرینه اوخلار پر
با وفا ابوالفضل (2)
.
باشینه دگنده دشمنون عمودی
ذکر ائدن دیلینده خالق ودودی
بهترین عبادت آخرین سجودی
خالقه گوزل بنده
سجده سی برازنده
با وفا ابوالفضل (2)
.
دهر ائدوبدی #ناصر گر سنی گرفتار
صاحب سخایه دردون ایله اظهار
قویمیور پریشان نوکرین او سردار
اوُل دخیل علمداره
دردیوه ائدر چاره
با وفا ابوالفضل (2)
.
#عباسیه_مدح
#عباسیه_شهادت
#مظهر_شجاعت_مه_لقا_ابوالفضل
#ناصر_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید