درمقام مادر
.
✍️ زبدة الاشعار ✍️
.
🆔: @nohe_torki
.
حاج اصغر فرشچی (عدلی تبریزی)
.
مظهر مهر و وفا کان محبّت دورآنا
بوستان معرفتده سروقامت دورآنا
.
.
اورگدن نام خدانی فکر و بینش هم بیان
ربّ گلهای امید و باغ حسنه باغبان
بسلیین آغوش نازه دین فدا و قهرمان
مرحمت دریا سینه اکیال رحمت دورآنا
.
.
آگه اول فصل خزان درس بهاران اورگدوب
هستی وعشق وامید با روی خندان اورگدوب
هم حیا الفت عبادت دین وایمان اورگدوب
معنی حشمت مروّت هم نجابت دور آنا
.
.
درسینی زهرادن اخذ ایلیوب اولوبدی متقی
انسان اولماق اورگدر اولادینه وار همتی
مکتب عشقه بیان و منطقی خوش صحبتی
بیله مکتبده مدد کار ولایت دور آنا
.
.
قلعۀ غم قلبی اما غصّه نی دیلدن آلان
کلمه کلمه جمله تکمیل ایلیوب دیلده قویان
ریتم قلبیلن بالاسین سینه سینده یوخلادان
خدمتی خالصدی زرتک کان خدمت دورآنا
.
.
الگودوراولاد ینه عصمت حجابون پایه سی
آفتاب گرم بخش وخوش نشین دورسایه سی
زیرپاسی خلد جنّت حوریان همسایه سی
ظلمت شبده ضیا شمع هدایت دورآنا
.
.
لای لائی نغمۀ شور و نشاط شاخ نبات
سینه سینده شیرۀ جانی اولان آب حیات
عاق اولا اولادی تاپمازحشریده اوددان نجات
صاحب عزّت شرافت هم قداست دورآنا
.
.
صبح اولونجا پای عشق اوسته سالوب بیمارنی
عارف اول حقینده جانا اولممیش بول قدرینی
ترک ایدوب دنیانی گرگیت ایت زیارت قبرینی
اوردادا ایلردعا چون کان رأفت دورآنا
.
.
فصل گل تهدید ایدنده گلشنی ابرسیاه
محنت و غملر آلاندا دوره وی مثل سپاه
گیت مزاری اوسته زوّاراول دِ دردون چکمه آه
حمد و انزلناه اوخی باب عبادت دورآنا
.
.
(عدلیا) گون سمتینه حقّا اشارت ایلدون
سن حریم پاک مادردن حمایت ایلدون
چوخ جوانی حق سوزویله سن هدایت ایلدون
بولدولرگول دورهمیشه با طراوت دورآنا
.
.
#پندیات_ختم_خوانی #مادر
#مظهر_مهر_و_وفا_کان_محبت_دور_آنا
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید