نزول پرچم قرآن – شب عاشورا
.
✍️ #زبدةالاشعار ✍️
.
🆔: @nohe_torki
.
مرحوم یحیوی
.
معاینه گورورم کربلاده طوفاندور
غروب وقتی دی لشگر دولی بیاباندور
.
گلور قشوندو دمادم أو عرصه گاهه دولور
مقابلینده حسینون کمک لری آزاولور
.
اوجالمامشدی حسین باشی جانماز اوستن
داغیلدی لشگری شرم ائتمدی نماز اوستن
.
قاچان قاچوبدو قالان قالدی تاپدی فیض حضور
اَنوبدو عرشدن اوردا وورولدی پرچم نور
.
یازوبلا پرده سنه آد به آد شهیدانی
وار اول ردیفده حتّی جوان نصرانی
.
اوخودی پرچم غیبی ده اوز آدین شهدا
هاموسی سجدیه دوشدی ائدوبله شکر خدا
.
حسین اشاره ایله رد ائدوب حجاباتی
او ارض اقدسه گوگدن گتوردی جنّاتی
.
باخاندا گوردیلر اول زمره ی اولوالابصار
در بهشت برینی آچوبدو دربانلار
.
غریبه منظره وار قصر و غرفه لر بزنوب
آلوبلا پرده ی زرتار فرشلر دوشنوب
.
گوز ایشلدوکجه آغاجلاردا میوه رنگارنگ
شکفته گُلدی ریاحین چمندی زیبا رنگ
.
فراته عار اولا جوش و خروش ائدر کوثر
گلور تلاطمه عطشان قوناقلارین سسلر
.
لباس سندس و دیبا گیوبدوی حورالر
دولی دی شربتیله الده جام میاالر
.
او کاروان سعادت نصیبی آد به آد
بهشتدن چاغرور حوریان پاک نهاد
.
نشان وئرولّر اولاره قصور جنّاتی
هامی شهیدلرون گورستور مقاماتی
.
او اهل عین یقین شادلوقندان آغلادیلار
حسین ایاقلارینا یوز قویوب قوجاقلادیار
.
کشیک وئریردی گئجه مسلم وفا پرور
دئیورکی دشته سالیردیم تمرکزیله نظر
.
ساتاشدی گوزلریمه بیر سیاهی صحراده
گهی یره اگیلور قوزانور او مأواده
.
قدم گوتوردوم او سمته کمال سرعتلن
گوروم او کیمدی گئجه عالمی أو حالتلن
.
قالاندا نچّه قدم غالب اولدی رعب امام
گئدنمدیم داخی دوردوم سکوتیلن آرام
.
باخاندا گوردوم حسین نور عین زهرادور
الینده تیغ برهنه ولیک تنهادور
.
بیچور کناره جمع ایلر چولون تیکانلارینی
تعجبم کومگه ایستموب جوانلارینی
.
ائلیکه گوردوم او حالدا حسین تشنه لبی
سلام ائدوب دئدیم ای شه فداکَ اُمّی اَبی
.
بویور گوروم بو تیکانلاردا واردی نه حکمت
بیچوب أولاری وئرورسن وجودیوه زحمت
.
دونوب نظاره منه ایلدی او تشنه امام
کمال لطفیله رد ایلیوب جواب سلام
.
امام آغلادی گوردوم بویوردی یامسلم
ائشیت دیوم که ندور اصل ماجرا مسلم
.
بیر آز کئچور آچیلور صبح روز عاشورا
بیزی شهید ائلیوب غارته گلور اعدا
.
بو خیمه لردن او ساعت یانار اثر قالماز
چوله قاچار حرمیم اوردا بیر نفر قالماز
.
ایاق یالین باش آچوخ خوردا قزلاریم قاچاجاق
اولاری دوتماقا لشگر دالیجا آت سالاجاق
.
دوشنده طفل لریم آتلارون قباقلارینا
که لامحاله تیکان باتماسون ایاقلارینا
.
الهی #یحیوینی کربلایه قیل مهمان
اوپوب او خیمه لرون تپراقین ائده افغان
.
.
#شب_عاشورا_یحیوی_اردبیلی
#معاینه_گورورم_کربلاده_طوفاندور
#ترکی
.
✍️ #زبدةالاشعار ✍️
.
🆔: @nohe_torki
نظر دهید