زبانحال حضرت معصومه سلام الله علیها
.
.
.
مرحوم نادری میانجی
.
.
معصومه گلوب طوسیده اولسون سنه مهمان
حسرتله ولی جان ویرور ای شاه خراسان
.
.
گلدوم که خراساندا ایدم بیر سنی دیدار
صد حیف که اولدوم داخی بو ساوه ده بیمار
قم اهلی منه دایه کیمی اولدی پرستار
افسوس منه اولمادی چون مهلت اجلدن
بلبل گلر افغانه گر آیری دوشه گُلدن
.
.
یثربده سنون هجریوه،چوخ آغلامشام من
امّیدیله چون بار سفر باغلامشام من
سینمده سنون خطّوی،گور ساخلامشام من
قارداش نه اولار،محضر پاکونده ئولیدوم
آخر سنی بیر دفعه گوروب اوندان ئولیدوم
.
.
گوردوم که وطن اولدی بو ایران سنه قارداش
گلدوم من اولان طوسده مهمان سنه قارداش
صیّاد اجل قویموری قربان سنه قارداش
ممکندی گلوب قم دا منی یاد ایده سن بیر
معصومه نی غربتده بو گون شاد ایده سن بیر؟
.
.
چکدون باجون ئولسون نجه صیاد جفاسین
آهویه ضمانت ایلدون گوردی بالاسین
معصومه نی تضمین ایله،گور عهد و وفاسین
صیاد اجل حکمنه، تسلیم قضایم
بیر دفعه رضانی گوروب ئولسمده رضایم
.
.
چوخدان بُلورم واردی اخاسنده بو عادت
ایلرسن ئوزون جمله غریبانه ضمانت
آخ منده غریبم منه ده ایله حمایت
قصدیم بودی هجرونده گوزوم توکیمه قان باش
سن سسلَنَسَن باجی دیم جان سنه قارداش
.
.
غم تاجریم یتمز الیم ساحله قارداش
طوفان حوادثده قالوب قافله قارداش
منظور نظر یتمیه جاق حاصله قارداش
بو چرخ جفا پیشه دی وار کینه سی دویماز
دیدار رضایه داخی معصومه نی قویماز
.
.
بُلمَم بو جفاجو فلکه نیلمشم من؟
عمروم آتنی خسته ایدوب پیلمشم من
قلبیم باشنا آدیوی ثبت ایلمشم من
دیداریوه خاطردی، جلای وطن اولدوم
نسگلدی بو زحمتله سنی گورمدوم ئولدوم
.
.
قارداش بو غم و محنته آز فکر و خیال ائت
یاز نامه جواده، اونا سن رفع ملال ائت
غربتده ئولن باجوی گل ایندی حلال ائت
تاپشور منی تپراقه ئوزون اول منه یاور
قارداش باجینی دفن ایده خوش بخت اولی خواهر
.
.
یاز «نادری» معصومه داخی مطلبه چاتماز
غربتده وئرر جانی الی یثربه چاتماز
چوخ نسگلی وار لیک خانم زینبه چاتماز
زینب غمی دریادی، اونون ساحلی یوخدور
چون ام مصیبتدی، ئورکده غمی چوخدور
.
.
.
.
.
#حضرت_معصومه_شهادت
#معصومه_گلوب_طوسیده_اولسون_سنه_مهمان
#نادری
#ترکی
#زبدةالاشعار
نظر دهید