اَینَ الرَّجبیّون …
وقعه #ماه_رجب ، کیفیت #لیلة_الرغائب
#گریز به #قتلگاه
.
.
.
مرحوم حاج محمدحسین جنّتی مقام ( #صحاف_تبریزی )
.
.
معناده وار مَهِ رجبون چوخ جلالتی
حیران قویوب عقولی جلال و شرافتی
.
مخصوص ایدوب خدا بو آئی اؤز وَلیّنه
چوخ مُحترمدی وار نقدر شأن و شوکتی
.
هرکیم بو آیدا صائم اولا روز حشرده
وار اؤزگه بیر جلال و مقامات رفعتی
.
ایلر نِدا منادی خَلّاق ذوالجلال
کیمدور رجبده درک ائدن اجر عبادتی
.
هر سمتدن اولور او یره جمع فوج فوج
هر دلده وار ولیّ خدانون محبّتی
.
داخل اولور بهشته او بیر جمع محترم
آلله یانندا گور بو آیون وار نه عزّتی
.
سال یادیوه بو رحمت آیندا ئولنلرون
درک ایله بو رغایب فیض سعادتی
.
توپراق اسیردور اولاری یوخدی یاد ایدن
دُنیادن اللری اوزولوب چوخدی حسرتی
.
وار گوزلری الونده سنون هر صباح و شام
آنلار بو سرّی هر کیمون اولسا بصیرتی
.
اطعامون اولماسا بیر ایچیم سو سبیل ایله
سو وئرماقون هامی زادا وار چوخ فضیلتی
.
دوشدی بو یرده یادیمه پیغمبر اوغلنون
گودال قتلگاهیده شمریله صحبتی
.
توپراقلار اوسته جسمی یارالی اوزی سوسوز
شمرون جفاسی تابشِ شمسون حرارتی
.
بیر ایله وقته گوردی آغیرلاشدی سینه سی
بولدی یاخندی ختم اولا امر شهادتی
.
آچدی اوقان دولان گوزینی گوردی قاتلی
منحوس گوزلرین دوتوب عین شقاوتی
.
ضعف دلیله گلدی او دلدن دوشن دِله
ائتدی اراده ایلسون اتمام حُجّتی
.
فرمایش ائتدی شمره تانورسان منی کیمم
یا کور ایدوبدی چشموی قلبون قساوتی
.
بیر سینه اوسته چکمه ایاقوندا چخمسان
عرش برینه رُتبه ده واردور مزیّتی
.
بیر باشی ایستوسن ایده سن جسمدن جدا
قونداقی عرش لَم یزلون اولدی زینتی
.
.
نظر دهید