#ترکیب_بند وقایع عاشورا
27 بند (#حسینیه_مدح / #زینبیه_مدح / #ورود_محرم / #کربلا / #ورود_کربلا / #فرات / #شب_عاشورا / #صبح_عاشورا / #عاشورا / #اکبریه_شهادت / #قاسمیه_شهادت / #عباسیه_شهادت )
.
.
علومی تبریزی
.
.
///بند اول///
.
.
ملک شرفین دهرده سلطانی حسیندی
پیغمبرین آرام دل و جانی حسیندی
.
نور بصر فاطمه دی حیدره دلبند
چرخ ادبین نیّر تابانی حسیندی
.
ایستردی سوسوزدان سولا گلزار شریعت
سیراب ایدن اول صحن گلستانی حسیندی
.
معبودله بیر عهد ایلین روز السته
باشه یتورن عهدله پیمانی حسیندی
.
حیثیّت اسلامی اوجالدان بو جهاندا
تسخیر ایلین عالم امکانی حسیندی
.
بی جا دگل هر یرده اسیر پرچم اسلام
حق ملکنون عالمده نگهبانی حسیندی
.
پیرایه وئرن قانیله قرآن مبینه
روشن ایلین مشعل ایمانی حسیندی
.
بیر مکتب حرّیت آچان کرب و بلاده
تبلیغ ایلین مقصد یزدانی حسیندی
.
گل گل بو قرا پرچمین آلتندا مقیم اول
معناده عزاخانه لره بانی حسیندی
.
دریای بلادن قوتاران زورق دینی
شوریله سالان عالمه طوفانی حسیندی
.
هنگامۀ محشرده عزادارینه بی شک
احسان ایلین جنّت و رضوانی حسیندی
.
حوّالرینون باشدان آتان فکر و خیالین
حیران ایلین آدم و حوّانی حسیندی
.
احسان ایدن انگشترین انگشتیله باهم
حیرتده قویان نقش سلیمانی حسیندی
.
باشی قویولان شامده بیر طشت طلایه
عزّتده گئچن حضرت یحیانی حسیندی
.
تبلیغ ایدن اوز حقّنى فرعون زمانه
تجدید ایلین صحنه موسانی حسیندی
.
داره چکلن قانلو باشی دشمن الینده
گوز یاشلو قویان چرخده عیسانی حسیندی
.
خوش لحنیله داود اوخودی یرده زبوری
تفسیر ایلین نیزه ده قرآنی حسیندی
.
وار علّتی ذبح اولمادی قربانی خلیلین
جانانه ویرن بیر بیله قربانی حسیندی
.
مشهوریدی عالمده اگر صبرده ایّوب
مبهوت ایلین صبرله دنیانی حسیندی
.
تاب ائتمدی پیغمبر ایده اوغلونی مدفون
قربان ویرن آئینۀ طاهانی حسیندی
.
باش ویردی نماز اوسته نمازی ایده قائم
حیدر تک آخان سجده گهه قانی حسیندی
.
بیر پیرهن کهنه گین کرب و بلاده
حسرتله سالان یادینه زهرانی حسیندی
.
نمرود زمانین اوخونا بیرجه نشانه
حق اوسته وئرن بیر قوزی قربانی حسیندی
.
سردار ئولومندن بوکولن قدّ رساسی
آغوشه باسان قامت سقّانی حسیندی
.
حسرتله کفن پوش ایلین کوی وفاده
قارداش بالاسین قاسم عطشانی حسیندی
.
.
چون گلدی محرم غمی باشلاندى حسینون
قان آغلا گوزوم ماتمی باشلاندى حسینون
.
///بند دوم در وصف حضرت زینب ///
.
اسلامه بیوک یار مددکاریدی زینب
ذرّیّۀ پیغمبره غمخواریدی زینب
.
آلموشدی ادب درسنی زهرا و علیدن
هر حادثۀ شومده بیداریدی زینب
.
پیغمبر عزاسینده ازل ایلدی شرکت
گه حضرت زهرایه عزاداریدی زینب
.
گه باغلادی مولا باشنی کوفه ده یاندی
محنت زدۀ حیدر کرّاریدی زینب
.
بیر گونده حسن قارداشنا اولدی عزادار
چوخ محنته دنیاده گرفتاریدی زینب
.
بیر گونده حسینیله گیدوب کرب و بلایه
آیرلمادی بیر لحظه وفاداریدی زینب
.
گوردی که آلوب قارداشین اطرافنی دشمن
آماده اولوب هر غمه ناچاریدی زینب
.
هر غصّه گلوب سینه سنی ویردی قباقه
امّید قرار شه ابراریدی زینب
.
عرض ایتدی حسینم هاموسو داده ازلدن
غم ایلمه جانیله خریداریدی زینب
.
قویماز یاتا اسلام علمی اولسه علمدار
آخر سنه اسلامه علمداریدی زینب
.
.
هر غمده حسینه اولان عالمده هوادار
زهرا بالاسی زینبدی مونس و غمخوار
.
.
///بند سوم ترکیب بند در مقام بزم عزا///
.
شاه شهدانین اولا هر یرده عزاسی
هر یرده اسه پرچمی یا باشلانلا یاسی
.
گوز یاشلو گلور عالم معناده عزایه
ایوای بالا وای دیلده الى بِلده آناسی
.
خاتون قیامتدی قیامت اولی بر پا
قلبیندن اوجالدوقجا گویه واولداسی
.
حیدر دیمه آرام اوتورار ملک نجفده
پیغمبرین عرشه اوجالار ناله صداسی
.
ارواح رسل جمله دولار مجلس یاسه
بینا گوز اگر اولسا گورر وار نه صفاسی
.
گوز یاشلارینی فاطمه مجلسده سیلنده
حضّاری پوزار زینبینون آه و نواسی
.
هر کس ادبیله اوتورار بزم عزاده
زهرانین اونا شامل اولار لطف و عطاسی
.
گوز یاشلو دوتار یوز او خانم درگه حقّه
زهرای بتولین بودور اولده دعاسی
.
یارب بولاری قویما دوتا دار فناده
ظالم ستمی عالمون اندوه و بلاسی
.
البتّه عزاخانه ده بیر بیله شرف وار
شرطی بودی بو اولمیا عالمده ریاسی
.
.
بو شرط عزاخانۀ شاه شهدادی
گل گل بو عزاخانیه ایّام عزادی
.
.
///بند چهارم در وصف ماه محرم///
.
زهرانین اولوب گلشنی ویرانه بو آیدا
پیغمبرین اوغلی بویانوب قانه بو آیدا
.
گورسندی هلالی گینه ایّام عزانین
غم سایه سالوب عالم امكانه بو آیدا
.
چخدی گینه یردن گویه فریاد حسین وای
دوشدی شه دین زورقی طوفانه بو آیدا
.
اعدا دم شمشیرله صحرای بلاده
سو ویردیله یتمیش ایکی قربانه بو آیدا
.
اکبر کیمی شهزاده جوان قانه بویاندی
لیلانی غمی ایلدی دیوانه بو آیدا
.
قولسوز یخلوب توپراقا سقا سوسوز ئولدی
اولاد پیمبر گلوب افغانه بو آیدا
.
بیر تیره نشان ایلدی نمرود زمانه
رحم ایلمدى غنچۀ خندانه بو آیدا
.
شه قانه باتوب بنده دوشوب اهل و عیالی
گتدی حرمین خیمه سی تالانه بو آیدا
.
هم یر اوزینون حجّتی زنجیره چکیلدی
هم دوشدی حسین باجیسی زندانه بو آیدا
.
ای شیعه او گوز یاشیوه قربان گل عزایه
چوخ مشتری وار دیدۀ گریانه بو آیدا
.
.
غم قافله سی وارد اولوب کرب و بلایه
قربانلارینی گتدی حسین اصل منایه
.
.
///بند پنجم در وصف زمین کربلا///
.
.
ای کرب و بلانین یری سن کوی وفاسن
ظاهرده اگر مدفن شاه شهدا سن
.
الله قانی سنده توكلوب توپراقا بی حد
علت اودی سن شیعه لره خاک شفاسن
.
سنده کسیلوب قوچ قوزی قربانی حسینون
سن کعبیه علّت سن اوزون اصل مناسن
.
یوخ سندہ کی عزّت نه مناده نه حرمده
اولمازلا برابر سنه سن عرش خداسن
.
ای خاک مقدّس سنه توپراق دیماخ اولماز
کهل البصرِ دیدۀ حوران وفاسن
.
یرلرده تاپولماز اولا بیر بیرسنه همتا
سن خوابگه محترم آل عباسن
.
اسلامه ویرن روح روان سنده یاتوبدی
علّت اودی سن قبله گه اهل عزاسن
.
سنده یخلان پرچم عباس وفادار
اسلامی اوجالدوبدی اگر کرب بلاسن
.
هر چند بلا كلمه سی وار غملو آدوندا
امّا سنه قربان چمن اهل ولاسن
.
هر درده دوا خاک شفا سنده دی ای یر
سن ملّت اسلامه بیوک دار شفاسن
.
.
زهرا قزی زینب یتشوب کرب بلایه
عرض ایلدی قارداشنا دوشدوخ نه بلایه
.
.
///بند ششم ورود به کربلا///
.
فرمایش ایدوب بیله صفالی چمن اولماز
آخر منه بوردان صورا اوزگه وطن اولماز
.
جدّیم بیوروب بو یرین اوصافنی بیر بیر
بو عرصه ی محنتده منیم تک ئولن اولماز
.
جسمیمدن آخان قانیم ایدر بو یری گلگون
باشیم کسیلر جسمیمه امّا کفن اولماز
.
غارت اولی جسمیمده اولا جمله لباسیم
گونلر قاباقیندا منه بیر پیرهن اولماز
.
انگشتیمی انگشتریمیله آپارولّار
ایّام سلیمانیده بو اهرمن اولماز
.
دوغرالّار علی اکبریمی قطعه به قطعه
شام اهلی کیمی امّت پیمان شکن اولماز
.
آتلار ایاقی آتدا قالار قاسم ناکام
بیر کیمسه دیمز بیر بیله وجه الحسن اولماز
.
اصغر قانی پیرایه وئرر عرش برینه
بیر رنگیله که رنگ عقیق یمن اولماز
.
باش سهلدی قولسوز یخلار توپراقا عباس
هر کس باخا سویلر بیله قولسوز بدن اولماز
.
زینب بو بیاناتی ایشیتدی دیله گلدی
آخر آنام اوغلی بیله غملی سخن اولماز
.
زینب نجه صبر ایلیه بیر بیله بلایه
قربان سنه قارداش بئله درد و محن اولماز
.
قارداشی باجی قاننه غلطان گوره بیلمز
ایوای منه بو کشمکشه صبر ایدن اولماز
.
.
لشگر توکلوب مور ملخ تک او دیاره
پیغمبرین اولادی گلوب شیون و زاره
.
.
///بند هفتم لشگر دشمن در کربلا///
.
هر کس اورا بیر نیّت و عنوانیله گلدی
سعد اوغلی ازل الده كی فرمانیله گلدی
.
دشت غمی دوتموشدی حجازیلرون آهی
اردوی عراقی لب خندانیله گلدی
.
خولی نه خیالیله گلوب قمچی گتوردی
نوفل بیر عمود الده نه عنوانیله گلدی
.
گلدی او بیابانه سنان الده سنانی
تا حرمله اوچ شعبه لی پیکانیله گلدی
.
یا رب نه ایدی نیّتی شمرین او ستمگر
صحرای غمه خنجر برّانیله گلدی
.
زجرین نه مرادی واریدی دشت بلایه
بند رسن الده نچه دونانیله گلدی
.
قورتولدی ز بس اسلحه بازار خطاده
بیر عده یغوب داش دولی دامانیله گلدی
.
زهرایه خبر ویردیله جنّتده بو حالی
دوردی اودا بیر نچّه پریشانیله گلدی
.
سالدی بالا وای ناله سی افلاکه او خاتون
طاها ایشیدوب ناله و افغانیله گلدی
.
صحرای نجف تیتردی چون شاه ولایت
اشگ تری رخسارده قرآنیله گلدی
.
.
فرمان ویریلوب سو یولونی باغلادی دشمن
شیعه نجه قان آغلاماسین آغلادی دشمن
.
.
///بند هشتم بسته شدن راه فرات///
.
چوخ قامت او صحراده خم اولدی سو یولوندا
چوخ قولّار او چولده قلم اولدی سو یولوندا
.
چوخ تازه جوان تشنه گیدوب قانه بویاندی
چوخ اهل وفایه ستم اولدی سو یولوندا
.
چوخ سود امر اطفاله سوسوزلوق اثر ایتدی
بیکس آنا چوخ توش غم اولدی سو یولوندا
.
چوخ قلب لری داغلادی غم اولمادی چاره
غم یورقونی اهل حرم اولدی سویولوندا
.
دنیایه تماشا ایله ظلمیله مسلّط
آل الّهه قوم ظُلَم اولدی سویولوندا
.
تا دامن محشر بو قضایای غم انگیز
هر یرده یازیلدی رقم اولدی سو یولوندا
.
بازار حوادث جریان تاپدی او چولده
چوخ کوشش و زحمت عدم اولدی سو یولوندا
.
سو اولمادی آل اللهه قان چشمه سی داشدی
طوفان بلا دمبدم اولدی سو یولوندا
.
یارب نه ایمیش کرب و بلاده او مصیبت
یارب نیه درد و الم اولدی سویولوندا
.
.
گلدی شب عاشور دوتوب عالمى ظلمت
شام اهلی حسینه او گجه ویردیله مهلت
.
.
///بند نهم شب عاشورا///
.
گویا دل اعدا کیمی ظلمت او گجه ایدی
یا اینکه شب صبح قیامت او گجه ایدی
.
وحشت دوتار آفاقی قیامت کجه سنده
آفاقی سالان خوفه حقیقت او گجه ایدی
.
دریا کیمی ایلردی تلاطم او بیابان
دنیایه سالان سایۀ وحشت او گجه ایدی
.
تشریح اولا اوضاعی مین ایل باشه یتیشمز
تاریخ بشرده شب حیرت او گجه ایدی
.
اعلان ایلدی شاه شهیدان جریانی
بیر عدّیه بازار تجارت او گجه ایدی
.
افراد منافق داغلوب قالدى مجاهد
مومن لره بیر مجلس خلوت او گجه ایدی
.
هر کس او گجه باشلادی خلوتده مناجات
بیر راز و نیاز ائتماقا فرصت او گجه ایدی
.
آخر گجه سیدی شهدانین شب وصلت
احباب دل آرایه غنیمت او گجه ایدی
.
شوقیله ویروب هر آنا اوز اوغلونا زینت
ایستگلی لره وقت و فراغت او گجه ایدی
.
اطرافینه یغموشدی حسین اهل و عیالین
دنیاده حسینه شب ظلمت او گجه ایدی
.
.
ظلمت گئجه پایانه یتیشدی سحر اولدی
آل اللهین آسایشی چوخ مختصر اولدی
.
.
///بند دهم صبح عاشورا///
.
گون چخدی ولی کاش او گون ظلمت اولیدی
نه لشگر اشراریده او جرئت اولیدی
.
پیغمبرین اوغلی نه اوگون قانه باتیدی
نه عالم اسلامیده بو محنت اولیدی
.
ئولدورماقا آل اللّهی صفلر دوزه لیدی
دشمنده نه بو کینه لره فرصت اولیدی
.
سعد اوغلی اوزی لشکره بیر ایتدی تماشا
ظالمده خدایا نه ایله قدرت اولیدی
.
نه بیر اوخ آتیدی او دنی سمت امامه
نه تابع اونا لشگر بی غیرت اولیدی
.
نه منكر اولیدی حقه قرآن اوخیانلار
نه ظلم ایدن اسلامه آدی امّت اولیدی
.
ایکاش یانیدی اودا شیعه بو جهاندا
پیغمبرین اولادی ولی راحت اولیدی
.
دشمن ایلین دمدده هجوم آل رسوله
دنیا یتشوب باشه جهان ظلمت اولیدی
.
پیغمبرین اوز امّتی شمشیر اله آلدى
ایکاش او امّتده بیر آز دقّت اولیدی
.
آثار حقیقت یوخیدی قلب لرینده
تشریحنه ایکاش بیر آز فرصت اولیدی
.
.
باشلاندى جدل شور و نوا عرشه دایاندی
اصحاب حسین لاله کیمی قانه بویاندی
.
.
///بند یازدهم جنگ مغلوبه///
.
ظلمیله یتوب آفته گلزاری حسینون
بیر عدّه شهید اولدی وفاداری حسینون
.
جان ویردی وهب گئتدی حبیب ابن مظاهر
عابس بویانوب قانه او غمخواری حسینون
.
ئولدوردی زهیری او بیابانیده دشمن
قانه بویانوبدی هامو انصاری حسینون
.
جان نقدی هامو الده گیدوب آلدی شهادت
داد و سَتَدَه گرمدی بازاری حسینون
.
ایلوردوله سبقت آلالا فیض شهادت
باشدان گچن اول جمع هواداری حسینون
.
قویموردولا بیر کیمسه او گون آل علیدن
میدانه گیده وار نه گوزل یاری حسینون
.
هر تک تکی آتدان یخلوب صون نفسینده
مقصوده یتردی اونی دیداری حسنیون
.
اوز نفسلرین ایتدیله قربان حقیقت
بُلمم نیه درک ائتمدی اشراری حسنیون
.
.
نوبت یتوب آل اللّهه گلدی هامو داده
اوّلده حسین اکبری گوندردی جهاده
.
.
///بند دوازدهم وداع شهزاده علی اکبر///
.
ایستر گیده سس گلدی که جانانیده گور گیت
گل خیمیه جان اوسته دی لیلانیده گور گیت
.
بیردن توکلوب خیمه دن اطرافه حرملر
هی سسدی گلور گل بو پریشانیده گور گیت
.
اصغر الى اوستونده ربابین گله بیلمور
آهسته دیور بو قوزی قربانیده گور گیت
.
بو سس اوجالور شورله بیر خیمه سرادن
کلثومه یتیش زینب کبرانیده گور گیت
.
ناگه باجیسی گوردوله قرانیله گلدی
سسلور سفر اوستونده بو قرآنیده گور گیت
.
یا رب بو کیمون ناله سیدی قلبه ویرور اود
سویلور على بو دیده سی گریانیده گور گیت
.
مشگل گله سن خیمه لره بیرده سلامت
گیت خیمه سینه عابد نالانیده گور گیت
.
بیر خسته دی سو جامی الینده گوزی یاشلو
آغلور دیور آخر بو لب عطشانیده گور گیت
.
گوز یاشلی دیدی اوغلونا یعقوب زمانه
گل یوسفیم آخر شه کنعانیده گور گیت
.
اکبر ایشیدوب باد صبادن بو صدانی
قارداش علی گل یثربه صغرانیده گور گیت
.
.
آلموشدی اجازه گیده میدانه لب عطشان
دوتموشدولا داماننی اطفال پریشان
.
.
///بند سیزدهم وداع شهزاده علی اکبر///
.
میدانه گیدنده او جوان شیون اوجالدی
اولدوزلار او ماهین توکلوب دوره سین آلدى
.
بیر سمتده اوز عمّه سی بیر سمتده باجی
بیر یاندا آنا شوره گلوب سولدی سارالدی
.
گوردی گیدور اكبر كسیلوب چاره سی الدن
آهیله یانان قلبلره ولوله سالدى
.
سسلندی علی ایندی که میدانه گیدورسن
گیت فکر ایلمه یولدا آناوین گوزی قالدى
.
اما ویر اجازه که ویروم زلفوه شانه
بیرده دولانوم باشوه چون چارم آزالدی
.
بو منظریه دوشدی امامین گوزی ناگه
سسلوب باجیسی زینبون آرامنی آلدى
.
فرمایش ایدوب گل باجی ای وارث زهرا
اکبر گیدوری بیرده قایتماقی محالدی
.
عمّامۀ پیغمبری شمشیر علینی
حاضر ایله زینب که بو گلزاری چم آلدى
.
اکبر بئلینه باغلادی شمشیر علینی
عمّامۀ پیغمبری قویدی یولا سالدى
.
آیرلدی حرمدن هامو ایلوردی تماشا
بیردن هامو فریاده گلوب شیون اوجالدی
.
.
شاه شهدا بیر دولانوب اکبره باخدی
بیرده یتیشوب تلّه کمی لشگره باخدی
.
.
///بند چهاردهم عزم میدان شهزاده///
.
ای قوم بو اكبردی غم اکبری واردی
سهم علوی صورت پیغمبری واردی
.
حق اوسته ال اوزدوم بیله گل یوزلی جواندان
شهزاده دی سیمای ملک منظری واردی
.
فکر ایله میون یوخ کمکی دشت بلاده
حیدر کیمی دعواده بونون یاوری واردی
.
اکبردی بو اسماعیل اولوب آل خلیله
لیلا کیمی گوز یولدا قالان هاجری واردی
.
منظوری شهادتدی گلور قانه بویانسون
باشیندا شهادتدن ازل افسری واردی
.
بیرده بودی فكری بیر ایچیم سو آلا سیزدن
گهواره ده بیر تشنه جگر اصغری واردی
.
انصافه گلون ایلمیون اوغلومی مأیوس
گوز یولدا حرم خانه ده غم پروری واردی
.
آتدان یخلاندا یره بیر شربه ویرون سو
چوخ تشنه دی سیراب ایلیون داوری واردی
.
شوقیله گیدور دعوت اولوب بزم حضوره
جدّیم کیمی معناده بونون سروری واردی
.
بیر اوزگه خیال ایله میون باخسا خیامه
دل داغلودی بو تازه جوان دلبری واردی
.
.
میدانه یتوب ایلدی اوّلده نصیحت
اما یوخیدی خصمده آثار مروّت
.
.
///بند پانزدهم جهاد شهزاده علی اکبر///
.
آلدى اله شمشیرینی اوّل دیدی تکبیر
ویردی اوزینی معرکۀ روبَهَه چون شیر
.
عبّاسیدن اورگنمیشیدی شیوۂ جنگی
سانسیز قوشونون هلهله سی ائتمدی تاثیر
.
بکر آدلی قوی پنجه یلى قتله یتوردی
وحشت دل اشراری او دم ایلدی تسخیر
.
صاقدان صولا صولدان صاقا گه ایلدی حمله
شوقیله ویراردی سپه دشمنه شمشیر
.
هر دم دولانوب خیمه لره ساری باخاردی
باخمازدی یاغش تک او بیاباندا یاغیر تیر
.
اما تکیدی کیمسه هواداری یوخیدی
جسمیندن اولوردی یره چوخ قانی سرازیر
.
گئتدوقجه بدن قانی دوشوب تاب و تواندان
تقدیردی تدبیر ایلمز چاره تقدیر
.
یعقوب ایلین ظلمنی اول یوسف عصره
یوخدور قلمیمده او توانا ایده تحریر
.
منقذده باشوندان یارا ویردی او جوانین
اولدی داخی صیّاد ستم پروره نخجیر
.
آتدان یخلاندا یوزینی خیمیه دوتدی
عرض ایتدی بابا داده یتش ایلمه تاخیر
.
.
قالما نگران اولما داخی خیمه ده بی تاب
جدّیم بودی جام الده منی ایلدی سیراب
.
.
.
///بند شانزدهم استمداد علی اکبر///
.
اکبر سسینى آلدی حسین اولدی پریشان
چوخ سرعتیله رزمگهه گلدی شتابان
.
سسلردی علی هاردا دوشوبسن گنه سسلن
تا گزمیه میدانی آتان دیده سی گریان
.
ای جدّیمه بنذر اوغول ای مایۀ امّید
بیرده آتاوی داده چاغور من سنه قربان
.
ناگه بو سسی آلدى حسین سمت نجف دن
گل گلمشم امدادیوه ای خسرو خوبان
.
اکبر باشینی آلموشام ایندی دیزیم اوسته
گوزلور سنی تا محضر یاره گیده مهمان
.
یتدی او زمان یدّى قدمده یره دوشدی
گئتدی دیزی اوسته تاپوب اوز اوغلونی شان شان
.
گوردی نجه اکبر یخلوب قاننه غلطان
گویا گل احمردی اولوب ظلمیله خندان
.
قانلو یوزینه قویدی ازلده یوزین اول شه
ایتدی آتانین صورتین اكبر قانی الوان
.
باخدى او جوانه اورگی اولمادی آرام
قویدی اورگی باشینه باشین ایدوب افغان
.
سیلدی او گوزل دیشلرینون قاننی بیرده
یوز دوتدی گویه عرض ایدوب ای قادر سبحان
.
.
لطفیله بوقربانی قبول ایله الهی
آخدى یوزونه گوزیاشی اوج ایلدی آهی
.
.
///بند هفدهم زبانحال امام بعلی اکبر///
.
فرمایش ایدوب ای منی گوزدن آتان اوغلوم
آچ گوزلریوی داده گلوبدی آتان اوغلوم
.
سن باشدان على منده اورکدن یارالاندیم
ای قتلگهونده قانی قانه قاتان اوغلوم
.
دور گور باشون اوسته باش آچوب نالیه گلّم
حق اوسته دور ای قانینه ناحق باتان اوغلوم
.
یاتمیش سنی من گورمه میشم بیله یاتوبسان
بُلَّم یورولوبسان گوزون آچ ای یاتان اوغلوم
.
گورموب بو قوشون شبه رسول مدنی سن
آخر نجه بی رحمدی بو اوخ آتان اوغلوم
.
سن گتدون اوغول قافلۀ عشقه یتشدون
مقصودینه ای ملک ولاده چاتان اوغلوم
.
چرخ ادبین اولدوزی بوعرصه ده باتدی
صبح اولدوزی تک ای ستمیله باتان اوغلوم
.
سندن صورا کول باشینه دنیانین علی جان
سنسن بو فنا ملکی بقایه ساتان اوغلوم
.
باشون یاراسی سالدی علی کوفه نی یاده
ای اوز باباسی حیدری یاده سالان اوغلوم
.
کیم ویردی اوغول بو اورگین باشینه خنجر
سینسین الى آخر بیله خنجر ووران اوغلوم
.
.
القصّه جنازه حرمه شوریله گلدی
لیلاده گلوب اکبری گوردی دله گلدی
.
.
///بند هیجدهم وقایع وداع حضرت قاسم///
بلبل نجه دل آچماقا صحن چمن ایستر
غم محفلی ده رسمدی ذکر محن ایستر
.
.
معناده گلوب مجلسه پیغمبر اکرم
فیض آلماقا بیر مادح شیرین سخن ایستر
.
گلسونله جوانلار قاباقا سینه ده اللر
چون تازه جوان ماتمدی سینه زن ایستر
.
داماد حسین ابن علیدی آدی قاسم
بو مجلس شایسته امام حسن ایستر
.
آیرلمادی اکبردن ئولونجه بو وفادار
بیر گوزده ایکی یاری شه ممتحن ایستر
.
مظلوم آتاسندان صورا قالدی عموسیله
حالاتنی ذکر ائتماقا بیر انجمن ایستر
.
حق اوسته ئولوم سویلدی شیریندن عسلدن
حق ایستین عالمده بلا و فتن ایستر
.
یالقوز عموسین گوردی او صحرای بلاده
بیلدی او بلا عرصه سی جاندان گئچن ایستر
.
اذن آلماقا گلدی عموسی اولمادی راضی
مأیوس گلوب مشگلی بیر حل ایدن ایستر
.
ناگاه سالوبدی آتا مکتوبنی یاده
بیلدی که اونی اکبر گلگون کفن ایستر
.
.
مکتوبی حسین گوردی غمی عرشه اوجالدی
بیر نوع گیندیردی جهاده یولا سالدى
.
.
///بند نوزدهم جهاد حضرت قاسم///
داماد حسین ایلدی شوقیله اراده
یوز قویدی گیده سرعتیله جنگ و جهاده
.
امر اولدی نقاب آتدا یوزین ایلدی پنهان
منظوری یتیشماقیدی البته مراده
.
ناگه ایلیوب شرق خیم دن متجلّی
میدانه یتوب دوتدی یوزین اهل عناده
.
چوخ سوز دیدی اما بیرینه اتمدى تأثیر
سوز ایله مز عالمده اثر قلب جماده
.
آلدى اله شمشیرین اوزون لشگره ویردی
قاچدی قاباقندان چه سواره چه پیاده
.
ازرق اوزی دورت اوغلی ئولوب قاسم الینده
سالدی او قوشون معرکۀ حیدری یاده
.
اما بوئیدی قصدی تاپا فیض شهادت
تئز اکبره ملحق اولا شهزاده بقاده
.
اوخ یاره سی داش یاره سی چوخ جسمنه دگدی
یارای جدل قالمادی اول ماه لقاده
.
آخر یخلوب توپراقا بیر یاره باشندا
آخر نفسینده چاغوروب اول شهی داده
.
عرض ایتدی عمو گل یتش امدایمه تیز گل
هجران یتشوب سال منی بو حالده یاده
.
.
دیداره اوغولسوز عمو گل چوخ هوسیم وار
گل بیرده گوروم گل یوزیوی تا نفسیم وار
.
.
///بند بیستم استمداد شهزاده قاسم///
.
آلدی سسینی خیمه ده سلطان دل افکار
میدانه یتوردی اوزون افسرده و خونبار
.
قارداش بالاسین تاپدی گوروب سینه سی اوسته
ایستر کسه باشین داخی بیر ظالم خونخوار
.
شمشیرینی سرعتله چکوب فاطمه اوغلی
ویردی قاباقا بیر قولونی حولیله اشرار
.
بر ضربتیله ویردی قولوندان او لعینون
کسدی یره سالدى قولونی تیغ شرربار
.
یوز دوتدی سپاهه چاغوروب لشگری داده
حق پنجه سینه قهرله اولموشدی گرفتار
.
سسلردی منی ئولدوروری فاطمه اوغلی
سیزلرده باخورسوز گلون ای قوم هوادار
.
لشگر حرکت ایلدی امدادینه یتسون
دفع ائتماقا اشراری دوروب سیّد ابرار
.
قاسم بدنی یرده هجوم ایلدی لشگر
پیغمبر اولوب عالم معناده عزادار
.
باشلاندی همان یرده ستیز اولدی قیامت
بو مطلبی قاصردی دیسون ناظم اخبار
.
آتلار ایاقی آتدا قالوب قاسم ناکام
گل پیکری پرپر داغلوب توپراقا ناچار
.
ناگه بو صدانی ایشیدوب شاه شهیدان
ال ساخلا عمو اولدی یارالی بدنیم خوار
.
.
باخ گور نجه ظلمیله پوزولدی چمنیم گل
آتلار ایاقی آتدا داغیلدی بدنیم گل
.
.
///بند بیست و یکم شهادت حضرت قاسم///
.
اشراری داغتدی سبب عالم ایجاد
قاسم باشی اوسته اوتوروب باشلادی فریاد
.
فرمایش ایدوب چوخ چتین اولدی بو حسینه
گلدی سنه بو مهلکه ده ایله سین امداد
.
بی وفایده اولدی بو کومكلق بالا قاسم
یاندی اورگیم بو غمیله دشمن اولوب شاد
.
گل جسموی بو چولده خزان ائتدی پریشان
ای نو گل گلزار حسن ای منه داماد
.
جنّتده اوغول گوزلوری اکبر سنی ایندی
منده گلورم بو یولی بی رحمدی جلاد
.
گوردی یتیشوب قاسمنون امری تمامه
جسمیندن اولوب روح شریفی داخی آزاد
.
آلدى او داغلمش بدنی سینه سی اوسته
قتلایه گتوردی توکلوب خیمه دن افراد
.
.
ایوای بالا وای ناله سی افلاکه اوجالدی
قانلو بدنین اهل حرم دوره سین آلدى
.
.
///بند بیست و دوم توسل به ابوالفضل///
.
هر کس غم و محنتده ابوالفضلی چاغورسا
هنگامۀ زحمتده ابوالفضلی چاغورسا
.
دامان ابوالفضلی اگر صدقیله دوتسا
درمانده و حسرتده ابوالفضلی چاغورسا
.
قلبینده ریا اولماسا اخلاصیله گلسه
پنهانیده خلوتده ابوالفضلی چاغورسا
.
مأیوس ایلمز آند اولا قارداشی حسینه
هر کیمسه حقیقتیده ابوالفضلی چاغورسا
.
زهرا ایده جاق هر کسه صدقیله شفاعت
گر روز قیامتده ابوالفضلی چاغورسا
.
غمدن قوتولار دار فناده او کسی که
هنگام مصیبتده ابوالفضلی چاغورسا
.
بو باب الحوائجدی یتر کامه جهاندا
هر کیمسنه حاجتده ابوالفضلی چاغورسا
.
قویماز بیرینی بندیده هر بندۀ آزاد
وار بیله روایتده ابوالفضلی چاغورسا
.
.
یاز سنده قلم واقعۀ کرب و بلاسین
برپا ایله عبّاس و ابوالفضلین عزاسین
.
.
///بند بیست و سوم اجازه جهاد حضرت عباس///
.
گلزار امامتده گورن وقته خزان وار
لب تشنه گوروب قانه باتوب هر نه جوان وار
.
بیکسدی کومک سیزدی حسین فاطمه اوغلی
رخسار شریفونده اونون اشگ روان وار
.
بیر سمتده قزلار دولانور الده سو جامی
گوز یاشی توکور اهل حرم آه و فغان وار
.
زهرا قزی زینب باخوری قارداشا آغلور
دوردی دیدی منده نه قَدَر تاب و توان وار
.
گلدی شه دین محضرینه شوریله عباس
عرض ایلدی باشیمدا منیم شوق جنان وار
.
ویر سیّدی رخصت منه میدانه قویوم یوز
بیلمولّه ابوالفضل کیمی شیر ژیان وار
.
بو لشگر شامین داغیدوم نظم و نظامین
آخر گوره لر اکبریوین قانین آلان وار
.
من شیر خدا اوغلیام ای شاه لب عطشان
حق شیری علیدن بیلوسن منده نشان وار
.
قول باغلو عمر سعدی گتورّم بو حضوره
بلمور او ستمگر هله بو جسمده جان وار
.
سقّا من اولام آب فراتی دوتا دشمن
چیگنیمده منیم چون بیله بیر بار گران وار
.
.
عبّاسی بو حالتده گورنده شه عطشان
قول بوینونا سالدی دیدی قارداش سنه قربان
.
.
///بند بیست و چهارم وداع حضرت ابوالفضل با امام///
.
سنسن بو بیاباندا منیم یاریم ابوالفضل
گئتسن کیم اولار یار و هواداریم ابوالفضل
.
وارسان هله وار عترتیمون صبری بلایه
سنسیز پوزولار ظلمیله پرگاریم ابوالفضل
.
هر چند بو صحراده باتوب قانه جوانلار
اما وار علم الده علمداریم ابوالفضل
.
یوخ رحم و مروّت بو جماعتده گورورسن
لب تشنه قالوب عترت اطهاریم ابوالفضل
.
سو آلماقا گیت ایمدیکه میدانه گیدورسن
سیراب اولا بلکه گل و گلزاریم ابوالفضل
.
چوخ عرصه نی تنگ ایلمه بو لشگر شامه
شامه گیده جاق زینب غم خواریم ابوالفضل
.
بیر مشک سو ممکن اولا آل اهل جفادن
عجز ایلمه چوخ لشگره سرداریم ابوالفضل
.
من نیلرم ئولدورسه سنی دشمن کافر
بُلّم که قالار محشره دیداریم ابوالفضل
.
بو عرصه ده بیز مکتب اسلامه فدایوخ
دنیانی دوتار نهضت خونباریم ابوالفضل
.
.
اسلام علمین آلدى اله گتدی قتاله
بلمم او زمان اهل حرم قالدى نه حاله
.
.
///بند بیست و پنج جهاد حضرت ابوالفضل///
میدانه گلوب سرعتیله حیدر ثانی
بو منظره حیرتده قویوب اهل جفانی
.
چوخ موعظه ایتدی سپهه ائتمدی تأثیر
بیر حمله ده تنگ ایلدی اشراره فضانی
.
سردارلر ئولدی داغلوب یاتدی علم لر
توپراقه ویروب سالدى قباقنده دورانی
.
ناچار آچلوب یول اؤزینی سالدى فراته
سو ایچمدی یاد ایلدی شاه شهدانی
.
سو مشکنی دولدوردی چخوب خیمیه گئتسون
دوتدی قباقین جرأتیله دشمن جانی
.
ایستردی سویی خیمه ده اطفاله یتورسون
دشمن ولی تهدید ایلوردی او جوانی
.
جرئت یوخیدی کیمسه مقابلده دایانسون
اما اله آلموشدی هامو تیر و کمانی
.
اوخ یاغدی یاغش تک ایلدی مشکینی پاره
قولّار قلم اولدی توکلوب ظلمیله قانی
.
بیر صدمه ده ویردی باشنا نوفل بیدین
اولمادی رکاب اوسته دایانماقه توانی
.
قولسوز بدنی ظلمیله آتدان یره دوشدی
عاجزدی قلم یازسون او غملو جریانی
.
آتدان یره دوشماقین ایدوب قارداشا اعلان
میدانه گلوب سرعتیله شاه شهیدان
.
.
///بند بیست و ششم شهادت حضرت عباس///
.
سسلردی علمدارینی میدان آراسندا
تا پدی یارالی قارداشنى قان آراسندا
.
فرمایش ایدوب یاتما عزیزیم بیله راحت
قویما منی یالقوز بو بیابان آراسندا
.
دور گور نه قیامتدی منیم خیمه لریمده
وار منظره اطفال پریشان آراسندا
.
مرهم اله گلسیدی بو صحرای بلاده
باغلاردوم اوزوم یاره وی دونان آراسندا
.
قزلار اؤزون ئولدوردی امیدیم دور ایاقه
آغلاتما منی بیر بیله میدان آراسندا
.
وئرموردوله سو مشکی قویوب کاش گلیدون
کوثر یولوی گوزلوری رضوان آراسندا
.
بیر حاله سالوب جسموی بی رحم جماعت
بنذر او سنق زورقه طوفان آراسندا
.
بو قوم ستمکار بیلور اوزلرین اسلام
وار بیله ستم هانسی مسلمان آراسندا
.
.
محنت شرری سینۀ سلطاندا آلشدی
عبّاس او صون دمده دیله گلدی دانشدی
.
.
///بند بیست و هفتم شهادت حضرت عباس ابوالفضل///
.
عرض ایلدی یا سیّدی سعییم هدر اولدی
بو لشگر بی رحمه سوزوم بی اثر اولدی
.
چوخ سعی ایلدیم سو گتورم خیمیه قارداش
او خلاندی سو مشگیم اوخا جسمیم سپر اولدی
.
بو قوم منی ایتدی خجالت حرموندن
سو یتمدی اخیامه ایشیم بی ثمر اولدی
.
قالسیدی سو مشگی گینه قولسوز آپاراردیم
سقّای حرم توش قضا و قدر اولدی
.
تا وار نفسیم قارداش آپارما منی بوردان
گئت پرچم الینده بیله قزلار نلر اولدی
.
شهزاده علی اکبریوین قانینی آلدیم
گوردون که عدو لشگری زیر و زبر اولدی
.
دین اوسته توکولسه یره قانیم نه غمیم وار
بو امر شهادت بیزه ارث پدر اولدی
.
اما بیلورم زینبی یالقوزلادی دشمن
توش غم و اندوه او خونین جگر اولدی
.
.
بو حالده عباسین او شهلا گوزی آخدی
آخر نفسین بیرده چکوب قارداشا باخدی
.
.
#حسینیه #علومی_تبریزی
#ملک_شرفین_دهرده_سلطانی_حسیندی
#ترکی
#زبدةالاشعار
نظر دهید