زبدةالاشعار

منای کرب و بلایه یتوب چون آلُ الله #ورود_کربلا_لاادری

ورود به کربلا
.
✍️ زبدة الاشعار ✍️
.
🆔: @nohe_torki
.
شاعر ؟؟؟
.
منای کرب و بلایه یتوب چون آلُ الله
او یرده نازل اولوب وارث خلیلُ الله
.
حرم امیری خضوعیله باغلیوب احرام
ایدوبدی سعی صفایه یتوب صفاتُ‌ الله
.
آلوب او دشتیده چون عطر وصل جانانی
خطاب قیلدی نزول ایلسون او یرده سپاه
.
کجاوه لردن اولوبلار پیاده آل رسول
ایدوبله نصب چوخور یرده خیمه و خرگاه
.
گَلوب حضور امامه جناب زینب او دم
توکوبدی گوز یاشی زمزم کیمی، چَکوب بیر آه
.
ادبله عرض ایلدی ای امام کون و مکان
فدا اولوم سنه ایتمه بو دشتی منزلگاه
.
الوم توزی گورورم اَگلَشوبدی گُل یوزیوه
ایدوم سنون بو سولان رنگیوه نه نوع نگاه
.
بو منزله یِتیشندن دولوب بو گوگلومه غم
نه غمدی بو، منی بو غمدن ایت گلن آگاه
.
بویوردی سرور دین صبر ایله آنام باجی
بو سرزمیندی آل خلیله قربانگاه
.
بو یر او یردی که جدّیم منه ویروبدی خبر
بو یرده جلوه ایدر جلوه ی جمالِ اِله
.
اولالّا محو، جوانان هاشمی یکسر
ایچَلّه جام شهادت، اَله گَلور دلخواه
.
یاتار علم، داغلور لشکریم، جوانلار اُلَر
آخار جوانلاریمون قانی فی سبیلِ الله
.
ایده لّه قاسم و عبّاس و اکبریمی شهید
او وقته جانیمی من ایلرم فنا فِی الله
.
یخالّا قتلگه ایچره منِ غریبی وحید
کَسَلّه باشیمی لب تشنه زمره ی گمراه
.
قویالّا غارته یوز خیمه گاهه فوج به فوج
آچالّا غارت اَلین فوجِ توده ی بدخواه
.
بو خیمه لر تالانور، اودلانور سراپرده
قاچالّا چوللره اطفال آختارالّا پناه
.
بوراخما دامنِ صبرون او وقت آنام باجی
یتیمه قیزلاریما اول گلن او دمده پناه
.
امامیدن ایشیدوب بو کلامی زینبِ زار
توکوب عذاره سرشکین، چَکوبدی دلدن آه
.
امام ساکت ایدوب زینبی بویوردی باجی
او که گرکدی اولا اولمیوب هنوز گواه
.
وجود اکبر و عبّاس و قاسمیمدی سنه
آلوبلا دوریوی چون انجم و ستاره و ماه
.
هنوز اوخلامیوبلَر علیّ اصغریمی
هنوز گِیمه میسَن اَگنیوه لباس سیاه
.
هنوز خیمه لریم یانمیوب یانا اورگون
هنوز واردی جلالون تالانمیوب خرگاه
.
حسینه آغلیه نین گوزلرینی آغلاتما
سیاه رو ایلمه روز حشر یا الله
.
.
#منای_کرب_و_بلایه_یتوب_چون_آل_الله
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  امروز باغ و راغ عجب روح پرور است #رضویه_حسن_سالک

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی