زبانحال حضرت رقیه (س) با رأس مطهر پدر
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم شهاب تبریزی
.
منزلیم ویرانه دور هر چند ظلمت دور بابا
دائماً تشریفون اولسا رشک جنّت دور بابا
.
.
بولمدیم تشریفیوی ای خسرو ملک حجاز
یوخسا بین راهه دین روحیم ایدردی پیشواز
غفلتاً اولدی ورودون گر چه اولدوم سرفراز
لیک بو غفلت منه معناده خجلت دور بابا
.
.
میزبان مهمانینی لازمدی دوتسون محترم
میهمان سن تک خصوصاً بیر شه اولسون محتشم
سربلند اولّام اگر قویسان گوزوم اوسته قدم
ایلرم هر آن تشکر جانه منت دور بابا
.
.
عالی تشریفاته منده یوخ بولورسن اقتدار
کربلا دشتینده اولموش عزّ و جاهیم تار مار
بیر قوری جانیم قالور قوی باشیوه ایلوم نثار
چوخ حساب ایله اگر چه جزئی خدمت دور بابا
.
.
بو محقر منزلیم گر چه دگول لایق سنه
سن وقاروندان گئچوب بیر لطف دور ایتدون منه
دست کوتاهیم عجب یتدی بو عالی دامنه
بولمورم من یتمیشم بو نه سعات دور بابا
.
.
من بابا سندن صورا عزت لباسین سویموشام
جانیوه اولسون قسم دنیاده جاندان دویموشام
کربلادن شامه دین سندن اؤتور جان قویموشام
ظلم شمره دوزموشم یولّاردا مدت دور بابا
.
.
دوشمیوب وصلون بابا آسان طریقیله اله
گلمیوب اوز باشینه باشون خرابه منزله
گلمیشم صبح و مسا ویرانه ده نی تک دله
چکمیشم الحق او کی رنج و ریاضت دور بابا
.
.
چوخ گلایم وار گرک دلده چوخون پنهان ایدم
سن عزیزیم سن منیم باغرون نه لازم قان ایدم
ایمدی که وصله یتیشدیم جانیمی قربان ایدم
قورتولوم اندوه و غمدن بو نه ذلت دور بابا
.
.
من بابا مطلق دیردیم چوخ سوورسن سن منی
بولمورم نولدی سبب گوزدن بئله سالدون منی
چوخ دؤگوب چوخ اینجدوب سندن صورا دشمن منی
قولّاریم چیگنیم اگر باخسان جراحت دور بابا
.
.
عمّه مَه بیر لطف مخصوص ایله آل حالین خبر
چوخ اذیّت لر چکوب شامه کیمی شام و سحر
هر قیزی دشمن ووراندا قولّارین ایلوب سپر
ایلیوب هر آن او که سانسیز حمایت دور بابا
.
.
من بابا نچّه گجیدی صبحه تک بیداریدیم
گوزلریم گئتمزدی خوابه دمبدم خونباریدیم
بو گجه بیر هوش آپاردی هوشیده تا واریدیم
محضروندیدیم دییردیم یاخشی ساعت دور بابا
.
.
بولمدیم رؤیادی آچدیم بوینووا بیر قول سالوم
بیر اُؤپوم بیر ایگلیوم گُل تک بابا عطرون آلوم
اضطرابیله اویاندیم قویمادون حسرت قالوم
گوگلومی گتدون اله بو عین رأفت دور بابا
.
.
حمد لِلَّه گوردوقوم رؤیانی گوردوم آشکار
قویمادی حسرت منی دیداریوه پروردگار
جان ویرن وقتیمده گلدون قالمادیم من انتظار
نیلیوم چارم که یوخدی دم غنیمت دور بابا
.
.
هانسی کافر قانیله الوان ایدوب گوز قاشیوی
دوندروب قانه منیم تک ظلمیلن گوز یاشیوی
چوخ سووَردیم باغریما جان تک باسیدیم باشیوی
ویر اجازه کام آلوم من یاخشی فرصت دور بابا
.
.
سن گلیردون ایمدی که ویرانیه تاج سریم
گلمه دی آیا سبب نولدی سنیله اکبریم
نچّه مدت دی یولون گوزلر بو آغلار گوزلریم
گُل جمالین گورماقا گوگلوم چوخ حسرت دور بابا
.
.
نه منی ویرانه ده عبّاس عموم یاده سالور
گوگلومی نه بیر گلور غربت ولایتده آلور
شاه زاده قارداشیم اکبر اگر صاغدی قالور
ایلیوب مندن بو مدّت ده نه غفلت دور بابا
.
.
شیر خواره اصغریم نولموش بابا گلمور سسی
اولموشام بلبل تک اول غنچه گُلون آوره سی
هاردادور بولمم اؤزی یا هاردادور گهواره سی
سو ایچوب خوابه گیدوب یوخسا که راحت دور بابا
.
.
نوکریم دور چون «شهاب» ایستر بابا مندن صله
بیر امیدیله آلوبدور خامه و دفتر اله
ایسترم اوز قبریمه اوز سوودوقی بیر جمعیله
دلده منظوری اونون بوللم زیارت دور بابا
.
.
#حضرت_رقیه_شهادت
#منزلیم_ویرانه_دور_هر_چند_ظلمتدور_بابا
#ترکی
.
✍️ #زبدةالاشعار✍️
.
🆔: @nohe_torki
نظر دهید