شهادت حضرت امام جعفر صادق علیه السلام
.
✍️ زبدة الاشعار ✍️
?: @nohe_torki
.
مرحوم منصور تبریزی
.
منصور ایدوب آزارلر
از بس امام جعفره
جور و جفا و کینه سی
ایتدی اثر پیغمبره
.
.
حکم ایلدی حاضر اولوب بزم سیاستده امام
قالدی ایاق اوستنده اول عرش خداونده قوام
ویردی فسرده حالیله منصور بیرحمه سلام
واللهی چوخ مشکلدی بو توهین آتاسی حیدره
.
زهرا بهشتی ایلسه بیت الحزن ذی حقدور
گورسون ننوعی عترتی دریای غمده غرق دور
در حالتیکه فاطمه ملکی بو غرب و شرق دور
خصم جفا پیشه سالوب اولاد پاکین چوللره
.
بیر نوعی مظلوم عالم آل محمد اولدی آه
آتلار دوشینده چکدیلر مین زحمتیله گاه گاه
تائیر ایتدی دشمنه حال امام بیگناه
اما اثر ایتموب دل منصور او نسل ابتره
.
بیر نامناسب حالت تحقیریله اول بیحیا
ایتدی دوباره حاضر بزم سیاست بر ملا
بی دین و لامذهب دیوب بر حق امامه ناسزا
طغیان کفریله آچوب دل نامناسب سوزلره
.
بهتان دیوب هم سویلدی ظلمیله ناحق افترا
صادق امامه نسبت کذبیله اول نسل زنا
شمشیر الینده دمبدم قصد هلاک ایلردی تا
ظلم ایلسون جدی اولوب ناصر او بیکس سروره
.
علت ندور بلمم نچون بو رحمةً للعالمین
چوخ صبر ایتدی ایتمدی ویران یزیدین مجلسین
گوردی الینده خیزران گتدی بروزه کینه سین
پی هم ووروب چوب جفا تشنه یارالی لبلره
.
هر چند فوق العاده بیر غمدور امام جعفره
اما امام سید سجادیده باخ غملره
بزم شراب ایچره دوروب حیران باخوب دشمنلره
طعن و شماتت آتشی اود ووردی خونین دللره
.
چکدی امام جعفر صادق نلر منصوریدن
بیر کافرانه ضد حق مذهب اولان منظوریدن
آخرده تسلیم ایلدی جان زهریلی انگوریدن
زهر آتشیندن اود دوتوب اودلاندی اعضا یکسره
.
«منصور» هرآن ذکر اولور منصورین اسمی سر بزیر
شرمنده نار محنت حسرتله یانام اول شریر
بیر ظلم ایدوبدی دائما فریاد ائدر خرد و کبیر
سال یاده هر آن شوریله قان آغلا قربان گوزلره
.
#سبک_ای_شاه_مظلومان_حسین ( 5 سبک )
.
#صادقیه_شهادت
#منصور_ایدوب_آزارلر
#منصور_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید