زبانحال حضرت علی (ع) در شهادت حضرت فاطمه زهرا (س)
.
✍️ زبدة الاشعار ✍️
.
🆔: @nohe_torki
.
#معروف_اهری
.
منلن کج اولوبدور فلکین گردشی زهرا
سنلن گیده جاق حیدرین آسایشی زهرا
.
.
سن سوزلروی منله دانیشدون سنه قربان
قلبیم اولا آرام چالیشدون سنه قربان
سیلدین گوزومی یاندون آلیشدون سنه قربان
ای حیدرین عمرینده کی آرامشی زهرا
.
.
قلبیمدن آلوب بعضی سوزون صبر و قراری
امر ایتدون عم اوغلی منی دفن ائت گجه یاری
روشن ائله منظوروی زهرا سنی تاری
علت ندی تکلیف ایلدون بو ایشی زهرا؟
.
.
بو رسمدی عالمده بیری نصف شب ئولسه
راحت ویره جان ، سینه و یا ملتهب ئولسه
دفنون یوباداللار سحره هر سبب ئولسه
اگنینده قالار صبحه کفن پوششی زهرا
.
.
اما بو ایشون عکسینی سن صحبت ائدورسن
تنها منی غملرده قویوب دوزدی گیدورسن
آغلاتما منی بو دم آخر ، نه دیورسن ؟!
یاندیردی منی سوزلریوین سوزشی زهرا
.
.
دریای غمم غملییم ای غملری دریا
منلن جدله چخدی زمان اللری گویا
بیر بیله غم و محنته وار حیدرین آیا
آخر نه قدر سینه ده گنجایشی زهرا ؟!
.
.
اون سکگیز ئیل عالمده منه هم نفس اولدون
عشق عالمی سینمده کی عشق و هوس اولدون
باغلاندی قولوم حیدره سن دادرس اولدون
سن ختم بخیر ایلدون هر چالشی زهرا
.
.
سنلن یاشیان غصه و دردین سسییم من
قلبیمده سوزوم واردی گرک ایندی دییم من
قورخوم بودی سندن صورا چوخ عمر ائلییم من
یوخسا بو جانین وار نه قدر ارزشی زهرا
.
.
غم ساعتی هجران سازی آهنگه دوشوبدی
وصل عالمینون قافله سی لنگه دوشوبدی
سینونده نفسلر گورورم تنگه دوشوبدی
آلنیندا سویوخ تر بوریوب بالشی زهرا
.
.
ای حیدر ایچون الده کی سرمایه گئدورسن
ای جان و دلیم ایندی که عقبایه گئدورسن
مندن ال اوزوب محضر طاهایه گئدورسن
بو غمزده نین وار سنه بیر خواهشی زهرا
.
.
روحین پر آچوب سیر ائلیه اوج سمایه
گئت عزتیلن تاپشورورام دست خدایه
مندن باباوون محضرینه ائتمه گلایه
دوت مد نظر حال من غمکشی زهرا
.
.
زهرا دئمه یئل برگ گل سوسنه دگدی
زهرا دئمه پیغمبره ، سیلی سنه دگدی
باطنده حسن جانی او سیلی منه دگدی
وار ایندی ده قلبیمده اونون آتشی زهرا
.
.
حاشا دییه سن غم اوتی قلبیم ائله بولدی
حاشا دییه سن گللریمیز غنچه ده سولدی
حاشا دییه سن یاندی قاپیم محسنیم ئولدی
قرباندی سنه گللریمون هر بشی زهرا
.
.
وار همسروین سینه ده مین درد نهانی
قلبیم کیمی وار ائوده غم و غصه نشانی
ایستوردی سنون حقوی غصب ایلیه ثانی
ال آچدی سنه کوچه ده ناکس کیشی زهرا
.
.
اول کس که سنه سیلی ووروب ای گل زیبا
الساعه کسردیم الینی حیف اولا زهرا
عالمدی خدا ، اللریمی باغلا دی اما
پیغمبرین ئوز صحبت و فرمایشی زهرا
.
.
محنت آغاجین اکدی فلک حیدر ائوینده
ساقی دولانور سئنمیا تا ساغر ائوینه
جسمیم اریدر درد و غمون غملر ائوینده
کسمز بیلورم گوزلریمون بارشی زهرا
.
.
آچ گوزلرین ای گل هله تیزدور سنه سولماق
دنیایه دیر سنله گلوم هم نفس اولماق
تئزدور هله زینب قیزیما زلفینی یولماق
قویما کسیله گون یوزوون تابشی زهرا
.
.
(معروفه) خانم بیر نظر ائت روز جزاده
دایم دولانوب سینه ده سوز بزم عزاده
بسدور نظر ائتشن اونا درگاه خداده
سنلندی او گون خیر و شرین سنجشی زهرا
.
.
#سبک_ای_باد_صبا … 7 سبک
.
.
.
#فاطمیه_شهادت
#منلن_کج_اولوبدور_فلکین_گردشی_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید