زبدةالاشعار

منم سرمست جام عشق و طاعت یابن مرجانه #مصیبی_تبریزی

«فریاد رسای علیامخدره زینب کبری(س) درمجلس ابن زیاد»
.
✍️ زبدة الاشعار ✍️
.
?: @nohe_torki
.
مصیبی تبریزی
.
منم سرمست جام عشق و طاعت یابن مرجانه
منم تندیس صبر و استقامت یابن مرجانه
.
منم زهرا قیزی پیغمبر خاتم تباریندن
منم صُلب رسالتدن امانت یابن مرجانه
.
منم عابد منم ساجد منم باقر منم طاهر
منم بعدِ حسین سالار نهضت یابن مرجانه
.
منم حیدرمنم صفدر منم تندیس پیغمبر
منم بنیان ارکان ولایت یابن مرجانه
.
اوغیرت قانی کی قینردی عباسین وجودینده
همان قاندان آلار جسمیم حرارت یابن مرجانه
.
او جرات کی آنام زهراده لبریزی دی؛گورسیدون
بولردون منده ده واردور او جرات یابن مرجانه
.
بلاغت ملکونین سلطانیَم عینا بابام حیدر
علی دن آلمیشام درس بلاغت یابن مرجانه
.
اوقدرت واردی نطقیمده کی شامی ایله سین ویران
بوقدرت زینبه ایلر کفایت یابن مرجانه
.
وقاری که بنی هاشم ده وار زینبده ده واردی
وراثت دی بو جرات بو جسارت یابن مرجانه
.
دوتوب اطرافیوی گور کیمسه لر ای بندۀ شیطان
بیرینده گورمورم ذره شرافت یابن مرجانه
.
سیزه لفظ خبیثه ایشلدوب قرآندا حق؛اما
اولوب نازل بیزه لفظ طهارت یابن مرجانه
.
منیم جدّیم پیمبردور، سنون گور کیمدی اجدادین؟
زنادن تاپدیلار بیربیر ولادت یابن مرجانه
.
اگر فعل زنا دنیاده تعریف اولمییدی ؛ بول؛
بو دنیاده یوخیدون سن بوساعت یابن مرجانه
.
سنون شهدامارت کامیوی شیرین ائدوب،اما
منم مست می ِ جام اسارت یابن مرجانه
.
اسیر و بسته زنجیرزلف یار اولوب زینب
همان یاریندان ایستر استعانت یابن مرجانه
.
باشیمدا واردی بیرمحمل یاراسی دورموری قانی
گرک بو قان آخیدی وقت غارت یابن مرجانه
.
او غوغا کی یاراندی خیمه لرده غارت احوالی
گورن فکرایلیوب اولدی قیامت یابن مرجانه
.
کیمه حال جنون ال وئرسه راه ابتلاسینده
ائدر زینب مرامیندن اطاعت یابن مرجانه
.
«مُصَیـّب» راوی شور و وقاراهل بیت اولدی
همیشه ایلیَر سیزدن برائت یابن مرجانه
.
.
#مجلس_ابن_زیاد
#منم_سرمست_جام_عشق_و_طاعت_یابن_مرجانه
#مصیبی_تبریزی
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  اهل یقینون رهبری- جعفرِ صادق #صادقیه_فیضی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی