منه رحم ائت علی گئتمه عراقه #خروج_مدینه_شوری_تبریزی

خروج از مدینه
زبانحال حضرت صغری (س)
.
✍️ #زبدةالاشعار ✍️
.
🆔: @nohe_torki
.
#سبک_بیا_یابن_الحسن_آرام_جانم … 3 سبک
مشابه
.
مرحوم میرمحمود آقا #شوری_تبریزی
.
.
منه رحم ائت علی گئتمه عراقه
یوخومدور طاقتیم قارداش فراقه
.
عجب تاپدوم سعادت
نه خوش وقتدور بو ساعت
گوزون قربانی قارداش
منی ائتدون عیادت
منه رحم ائت علی گئتمه عراقه
.
.
هامی یوخسا گئدوب تک سن قالوبسان
منی لطف ایلیوب یاده سالوبسان
قرار و صبریمی الدن آلوبسان
منه رحم ائت علی گئتمه عراقه
.
.
عجب سالدون منی درد و ملاله
علی گلمزدی بو اصلا خیاله
قالا حسرت باجون بو گول جماله
منه رحم ائت علی گئتمه عراقه
.
.
علی رحم ائتگیلن بو مبتلایه
باجووی سالما قارداش سن بلایه
توکوب گوز یاشیمی گلّم نوایه
منه رحم ائت علی گئتمه عراقه
.
.
بو درد وفرقته قارداش دایانّام
بو صحن خانه نی سن سیز دولانّام
علی اکبر دیوب هر لحظه یانّام
منه رحم ائت علی گئتمه عراقه
.
.
گوروم لعنت گله دور جهانه
علیله باجووی گتدی فغانه
ئولونجه قویدی قارداش یانه یانه
منه رحم ائت علی گئتمه عراقه
.
.
مریضم عاجزم رحم ایله قارداش
دوزنمز درد هجرانه بو کول باش
توکر سنسیز یوزه هر لحظه قانیاش
منه رحم ائت علی گئتمه عراقه
.
.
شتاب ائتمه ایاق ساخلا اماندور
بلورسن آیریلوق دردی یاماندور
منی گل باشیوه قارداش دولاندور
منه رحم ائت علی گئتمه عراقه
.
.
عجب دنیاده اولدوم بخت قاره
یقینیمدور بو درده یوخدی چاره
ئولونجه منده گلّم آه و زاره
منه رحم ائت علی گئتمه عراقه
.
.
منه گلسون سنون درد و ملالون
علی بولّم اولور مشکل وصالون
دویونجان قوی گوروم بیر گول جمالون
منه رحم ائت علی گئتمه عراقه
.
.
تدارک «شوری» گور روز جزایه
سیزیلدا اوخشا آغلا بو بالایه
بو وردی سویله گل نی تک نوایه
منه رحم ائت علی گئتمه عراقه
.
#ترکی
.
#منه_رحم_ائت_علی_گئتمه_عراقه
.
✍️ #زبدةالاشعار ✍️
.
🆔: @nohe_torki