زبدةالاشعار

منیم بو قافله دن قویمیون اوزولسون الیم #خروج_مدینه_شانی_تبریزی

خروج از مدینه زبانحال حضرت صغری (س)
#منیم_بو_قافله_دن_قویمیون_اوزولسون_الیم
.
✍️ #زبدةالاشعار ✍️
.
🆔: @nohe_torki
.
مرحوم شأنی تبریزی
تضمین از یک بیت مرحوم #قمری
.
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
او گونکه ایلدی شاه حجاز عزم عراق
اوتوردی محمله نازیله جمله عورت اوشاق
گوروب او حالتی صغراتون اولدی طاقتی طاق
ادبله عرض ایلدى أول بلاکش آفاق
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
آلور بو حال دلیمون قرار و صبر و شکیب
هامی گیدور نه قالور یار و نه بیرجه حبیب
دوامی کیم گتورر، کیم اولار دلیل طبیب
سیز الله ایستمیون من اولوم وطنده غریب
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
آنام بو گون صان اولیدی اگر محبّتیله
منی سکینیه همراه ایدردی عزّتیله
روادی سیز گیده سوز بیله شأن و شوکتیله
دالوزجا من باخام آغلار گوزیله حسرتیله
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
بالاسینی آلوب آغوشه هر آنا جان تک
دانشدیریر اونی نازیله مرغ خوشخوان تک
آناسیز اولماسون هیچ قیز من پریشان تک
باخون سیزیلدیما بیر عندلیب نالان تک
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
کجاوه ده اوتوروب نازیله رقیه ، رباب
سکینه، عاتکه ایلر علاوه اوزگه شتاب
گوروب بو حالتی بو خسته دلده قالمادی ناب
دالوزجا ایلرم آغلار گوزیله بیله خطاب
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
اولوب بالائیله محملده هر آنا دمساز
کیچیک اوشاقلار ایدر شاهزاده اکبره ناز
هامی گیدور نه قالور مونسیم نه محرم راز
سیز اولماسوز منه زندان اولور بو ملک حجاز
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
آنام ئولوبدی یانوب آتش غمه جگریم
اورکده وار آناسیزلیق غمیله چوخ کدریم
اگر علیله قیزام خوش دگل منیم سفریم
قویون یانیمدا قالا لامحاله عمه لریم
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
.
دیمه که نظم سخن «شانیا» چتین سوزدور
همان صعوبتی آسان ایدن همین سوزدور
حقیقتاً نجه نسگللی دلنشین سوزدور
دل جهانه وران اود بیر آتشین سوزدور
« منیم بو قافله دن قویمیون اوزولسون الیم »
« کجاوده یروز اولماز قویون پیاده گلیم »
.
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  نقدر ساقی غم ساغر شراب دوتار #وداع_شانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی