رجز و شجاعت قمر منیر بنی هاشم ، حضرت ابوالفضل العباس علیه السلام
.
✍️ #زبدةالاشعار ✍️
.
🆔: @nohe_torki
.
مرحوم حسینی سعدی زمان
.
من ابوالفضلم جماعت، شهر‌تیم دوتموش جهانی
قدرت الله اوغلویام من، حیدر کرار ثانی
.
.
یادگار نامدار خسرو بدر و حنینم
حیدر کرار آتامدور، مرتضایه نور عینمم
هم سپهسالار لشگر، هم علمدارحسینم
ایلرم ظاهر بو چولده، صولت شیر خدانی
.
.
دلده یوخ بیر ذره باکیم، گر دوتا دنیانی دشمن
ئولدی گرچه آل هاشیم، اولمیون ئولمکدن ایمن
قویمارام جنبنده سیزدن تیغ قهرآمیزیله من
چرخ اطلس گورسه تیتر‌ر، بو حسام جانستانی
.
.
مجلس شورای جنگین، صاحب اور‌نگییم من
لشگر شاه حجازین، باهنر سرهنگیم من
بو کومکسیز پادشاهین چون وزیر جنگییم من
وئرسه رخصت ایلرم بو عالم امکانی فانی
.
.
گر ائدم دعوایه اقدام ، ای گروه پست فطرت
قویمارام قالسون بو چولده بیر نفر سیزدن سلامت
گئچماق اما باش و جاندان، چون وظیفم دور جماعت
قانیمیله دینه وئرّ‌م، بیر حیات جاودانی
.
.
بیشۀ هیجاده شیر‌م، قاف رزم عنقاسیَم من
هر فنون جنگ و جنگی ایشلرین داراسیَم من
عترت شیر خدانون، تشنه لب سقاسیَم من
نهر علقمدن خیامه، باغلارام آب روانی
.
.
خیمه‌ده آغلور سوسوزدان، عترت شاه مدینه
العطش فریادی یردن، اوج ائدور عرش برینه
چگنیمه سالدی گلنده، بو قوری مشکی سکینه
ایلدی سو التماسی، بیر منه گلدی گمانی
.
.
بو حسینی کی سپاهین، ایلیوبسوز قانه غلطان
جان زهرادور جماعت ، هم امام کون امکان
حجت‌الله بّلمسوز گر، فرض ائدون سیز بیر مسلمان
قویمایین یانسون سوسوزدان، عترت بی‌خانمانی
.
.
ایلدی اتمام حجت، لشگره هر چند او سرو‌ر
اولمادی اصلا موثر، گلمه‌دی رحمه او لشگر
بیر نفر سسلندی اما، کی هنرور پور حیدر
ایلمه سو اوسته بیجا، سن ملامت شامیانی
.
.
گر ایکی ایشدن بو چولده، اولمیا بیر امره مُجرا
یر یوزین دولدورسا دریا، وئرمریک بیر قطره اصلا
یا گرک قارداشون اولسون، بیعته دلدن مهیّا
یا بو تشکیلاتی پوزسون، تیغ قیلسون حکمرانی
.
.
تا بو هیئت وار قُشوندا ای علمدار هنرور
خیمه ده لازمدی قالسون تشنه لب آلِ پیمبر
یاتمیوب تا بو علم لر سنمیوبدور تا بو صفلر
ایلمه سو گفتگوسین ختم قیل بو ماجرانی
.
.
اول رشادتمند ائشیتدی بو جواب کینه خیزی
غیظدن گوزلر قزاردی دولدی چشم اشکریزی
سسلدی ای بیحیالر گورموسوز بو تیغ تیزی
جنگیله تهدید ایدورسوز من کیمی شیر ژیانی
.
.
لفظ اوّلدن واریمدور فوق العاده ننگ و عاریم
ائتماقا بیعت یزیده یوخ ئوزومده اختیاریم
نوکرم مطلق بُلر بو ماجرانی شهریاریم
شه قبول ائتسه غلامین وار قبوله امتنانی
.
.
امر جنگی دور ایکیمجی سوز ولیکن ای جماعت
بو صوف و بو نظامی پوزماقا وار منده قدرت
ایلرم تشکیلی برهم قویمارام قالسون بو هیئت
ضرب تیغیله فراته نصب قیلّام بو لوانی
.
.
تا سوزون وئردی تمامه چکدی بیر فریاد تکبیر
بیر الینده دوتدی پرچم بیر الینده آلدی شمشیر
ایلدی حمله سپاهه شیر یزدان اوغلی چون شیر
اضطرابه سالدی یدّی یرلری هفت آسمانی
.
.
خیمه لرده گوردی زینب تا گلور قارداش صداسی
سسلدی جان جان ابوالفضل ضرب و شستون من فداسی
مرحبا امّ البنینه شیر هیجالر آناسی
بسلیوب بو گوندن اوتری سن رشادتده جوانی
.
.
جنگ عباسی گورهنده، قدسیان گلدی نوایه
سس سسه وئردی ملکلر، عرض قیلدی مرتضایه
ایلوری عباس دعوا، یا علی باخ کربلایه
گوسترور اوغلون حسینه، گور ننوعی جانفشانی
.
.
بیر رشادت، بیر شجاعت ، گوستریب اول تشنه سقا
عرصه تنگ اولدو سپاهه، سندی صفلر قاچدی اعدا
آلدی تا نهر فراتی فارس میدان هیجا
بیرقین نهر اوسته ووردی ، اول وفا و مهر کانی
.
.
لشگره سس دوشدی آلدی، نهری بو یالقوز علمدار
خیمه ده ناگه ائشیتدی، بو سسی تشنه اوشاقلار
خیرداجا قیزلار سوووندی، داده گلدی آل اطهار
باشینا یغدی سکینه، عترت آل عبانی
.
.
اللرینده بوش سو جامی، گلدیلر داد و نوایه
یوز دولاندوردی خانیملار، بارگاه کبریایه
عرض ائدیبلر بارالاها، حافظ اول صاحب لوایه
حفظ قیل شرّ عدود‌ن، یادگار مرتضا‌نی
.
.
قزلارین حالین گورنده شاه دین دلدن پوزولدی
مشک عباس علی تک گوزلری اشکیله دولدی
چون بُلوردی ترجمانی بو سویون بیر جفت قولدی
دولدورار آخر سو مشکین سو یرینه لخته قانی
.
.
اول قد‌ر گئچموب، حسینون گول کیمی رنگی سارالدی
سسلنیب وای قارداشیم وای، زینبین آرامین آلدی
یعنی عباسین سو اوسته، قوللارین شام اهلی سالدی
اوخلانیب سو مشگی گئتدی، طاقت و تاب و توانی
.
.
ائتماقا ذکر مصیبت اعتذاریم وار ئوزوندن
مقصدیدی اوخ دگنده مشگینه دگسون گوزوندن
بیمروّت اوخ آتانلار مشق آلوبلار ئوز سوزوندن
ائتدیلر تیریله ظاهر دلده کی بُغض نهانی
.
.
من دئمم نه ظلم اولوندی یوخ دلیمده تاب و یارا
بو رشادت صاحبین گور یخسالار نیللَّه اعدا؟
بوتراب اوغلی ترابه نقش بند اولماقدا امّا
قانیله ائتدی مزین عرصه گاه کربلانی
.
.
آتشین بیر آه چکدی دلده ناله گوزده قانیاش
سسلدی جان اوستیَم گل گوزلرون قربانی قارداش
گورمسم بیرده جمالون قاتله من وئرمرم باش
خاک پایونده فدا گَل ایلیوم بو جسم و جانی
.
.
دوتگلان باب الحوائج دامنندن سن «حسینی»
یان ابوالفضلین غمینده آغلا ائت شیون «حسینی»
آلگلان عباس الیندن بیر گوزل مأمن «حسینی»
قیل دعا بو حاضرینی مؤمنینی نوحه خوانی
.
.
.
#عباسیه_سعدی_زمان
#عباسیه_شجاعت
#من_ابوالفضلم_جماعت_شهر‌تیم_دوتموش_جهانی
#چهارده_معصوم_حسینی #ترکی
.
✍️ #زبدةالاشعار ✍️
.
🆔: @nohe_torki
نظر دهید