وداع حضرت علی اکبر (ع) با مادر
سوال و جواب
#ترکی
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
من ساحت بلاده بلا آشناسیَم
آیینۀ وجودیده جدّیم نماسیَم
سن وئردیگون حلال صودی ایت منه حلال
الله اکبرون آنا، اکبر فداسیَم
.
.
سلطانیدن منایه گیدم رخصت آلمیشام
اول قتیل اولام أوزیمه قیمت آلمیشام
فرض ایله طوی گونیمدی سنه خلعت آلمیشام
سن قاره گی اوزیمده کفن آشناسیَم
.
.
ممکن دگل بو شأن و شرف آیری مادره
اسماعیلون گیدور ئوله فخر ایله هاجره
گور آغ کفن نجه یاراشور اوغلون اکبره
عشقون مناسینون نجه زیب مناسیَم
.
.
بو آیرلوق زمانی منه ویر دعای خیر
تا ایتدیگیم سفرده تاپوم من جزای خیر
قانیم آخوب وجودیمه أولسون قبای خیر
دشت غمون ثبوت اولا گلگون قباسیَم
.
.
سوز یوخ آنا دچار اولوسان درد اعظمه
چارون ندور گرک دوزه سن آتشین غمه
غم یوز وئرنده دردیوی دئ زینب عمه مه
دوشمزسوزون یره چون اونون دلرباسیَم
.
.
دائم منه محبتلن ایلیوب نظر
اوغلانلاریندان ایستیور آرتوق او خونجگر
ئولسم جنازم اوستنه سندن قباق گلر
باغ امامت ایچره گل باصفاسیَم
.
.
#جواب
.
لیلای غمزده ایشدیوب بو مقوله نی
هربندیدن اوجالدی گوگه داد و شیونی
گویا دیدی اوغول گل آپار قبره قوی منی
سنسیز بو عالمون پری سنمش هماسیَم
.
.
دام فراقیدن منه یوخ قدرت گریز
چارم ندور ایویم یخلوب اولدوم اشگریز
ایللر دوتاردی خاطریمی قلبدن عزیز
فخریم بوئیدی من على اکبر آناسیَم
.
.
میدان عشقه سن گیدوسن عزتیم گیدور
انظار خلقده چوخ اولان قیمتیم گیدور
محنت گلور فراق گلور وصلتیم گیدور
ایوای منه نه عمده غمون مبتلاسیَم
.
.
مرآت خلقته أولان ای صورت جلی
سن تک بالام گیدور الدن اوغول على
خوش بختیدوم زمانه ده بوندانصورا ولی
بختی قرالرون داخی بخت قراسیَم
.
.
#اکبریه_انور_اردبیلی
#اکبریه_شهادت
#من_ساحت_بلاده_بلا_آشناسیم
#مردان_جاوید
#ترکی
.
✍️ #زبدةالاشعار ✍️
.
🆔: @nohe_torki
نظر دهید