زبانحال حضرت موسی ابن جعفر(ع)
بیاتی لار … من غریبم …
.
.
#سبک_امید_و_سقای_حرم_اباالفضل
.
.
سیفی اردبیلی
.
.
من غریبم غم یولداشی الهی
زنداندا قاندور گوز یاشیم الهی
قفسده ام تنگه دوشوب نفسیم
نه اوغلوم وار نه قارداشیم الهی
.
.
من غریبم سینمده واردی داغلار
اوتدوقوم یر احوالیمه قان آغلار
اؤرک داغلی گوزوم یثرب یولوندا
بختیم کیمی قاپومدا قالدی باغلار
.
.
من غریبم غملر یوروبدی منی
ظلم الیندن تاپانمادیم ایمنی
اون بیر ایلدی قرانلوقدا یاشیرام
هر ندن چوخ گوگلوم ایستر وطنی
.
.
من غریبم رضا منیم گولومدی
گول یانندا معصومه بلبلومدی
گول بلبلومدن آیریلیق باعثی
فقط منیم حق دانیشان دیلیمدی
.
.
من غریبم الو کیمی آهیم وار
یثربده بیر پریشان درگاهیم وار
یردن گوگه یوخ الیمدن یالپیشان
اولسون اولسون بیر اولان اللهیم وار
.
.
من غریبم حقّیم گئتدی آرادا
قرا گونلر عمریمی وئردی بادا
جان یولداشیم سِندون آغیر سیلی سی
سزلتی وار بوینومدا کی یارادا
.
.
من غریبم فاطمه نون گولییَم
غریب ئولَّم بونی ئوزوم بیلییَم
اوتوز آلتی اوغلوم واردی قزیم وار
نسگل بودی ئوزوم یالقیز ئولییَم
.
.
من غریبم غملریمون سانی چوخ
دشمن سوزی قلبیمه اولدی بیر اوخ
سارالمیشام جان یتشوب دوداقا
اجل چاتوب گوزومی باغلیان یوخ
.
.
من غریبم بخت اولدوزوم سوزولوب
ائلیمدن طایفادان الیم اؤزولوب
زنجیر امان وئرمز قدّیم دؤزَلَه
پیشانیمه ئولوم تری دؤزؤلوب
.
.
من غریبم دریادی قلبیم غمی
ئوز آهیمدی محبسیمون همدمی
روحیم اوچار بو جان یورانقفسدن
گئنه منیم گوزوم گَزَر دؤره می
.
.
من غریبم آهیم داغدان اوجادی
اون بیر ایلدور گوندوز منه دُجادی
شاهِک اوغلی بئله وورور سیلینی
هئچ یوخلامور بو سیّد دی قوجادی
.
.
من غریبم غم جامه سین سویمادیم
شیطان الین اتگیمدن قویمادیم
اوتوز آلتی گول بجرتدیم باغیمدا
گوللریمی ایگله مدیم دویمادیم
.
.
من غریبم جان وئرورم وطن سیز
گون گورمدیم بو دنیاده محن سیز
اوغلوم رضا باشیم اوسته گلمه سه
غربتده میّتیم قالار کفن سیز
.
.
من غریبم محنتیمی یازان یوخ
دل آیناسیندان غم توزؤن پوزان یوخ
تابوتیمی ئوزگه چکر مزاره
ئوز ائلیمدن قبریمی ده قازان یوخ
.
.
.
#کاظمیه_شهادت
#اوخشاما #کاظمیه
#من_غریبم_غم_یولداشی_الهی
#سیفی_اردبیلی
#ترکی
#زبدةالاشعار
نظر دهید