زبدةالاشعار

من فاطمه یم،برگ خزان مثلی سارالدیم #فاطمیه_حضرتی_هاتف

زبانحال حضرت زهرا سلام الله علیها
.
.

#حضرتی_هاتف
.
من فاطمه یم،برگ خزان مثلی سارالدیم
یاندیم ،گونی گونده ن اَرِییب شمع تک آزالدیم
.
.
آزسینیمیلَن،اوج جوانلیقدا قوجالدیم
غنچه م سارالیب، ئولدی طراوت چمنیمده
.
.
بو دردیمه گوز یاشی اگر توپراقا یاغسا
حسرت یاغیشی بیر دیله باغدان باغا یاغسا
آز دور گئنه عالم گوزی داغدان داغا یاغسا
بیر ثانیه عمرومده کی دردو مُحَنیمده
.
.
دنیا هله بیلمیر غم زهرانی تمامین
آیری غمی هئچ، آل اورگه بیرجه کلامین
ایستک لیسینین شهریده آلمیلّا سلامین
بسدیر منه بوغم، کی غریبم وَطَنیمدَه
.
.
آل سینه وین اوسته باشیمی ای یَمِ عزّت
قوی من اوتانیم،سن بو قَدَر، چَکمه خجالت
اگلش یئره ائدسین سنه بو خسته وصیَّت
قالمیر داخی آرتیق رَمَقیم جان وتَنیمده
.
.
اولما بو سوزه غصه لی ای حامیِ اَیتام
لطف ائیله گئجه یاری ائله دفنیمه اِقدام
مخصوصاً عمواوغلو، بئله وئر غسلیما اِتمام
((پیراهنیمی قوی قالا یورقون بَدَنیمده‌))
.
.
چوخ ائیلمه غسلیمدا بویورقون تَنهَ دقت
بیر لَحظه گوزون گورسه اگر بَعضی عَلامت
چوخ آغلاما، قوی اینجیمَه سین جای جراحت
سینه مده یارام گُل تَک آچیب گُل دَمَنیمدَه
.
.
وار گوللریمه چوخلی علاقَه م، بیلیسَن سَن
بیر بیر هامیسین سَندَه امانَت وئریره م مَن
مخصوصاً علی، قویما چَکیلسین گوز ائوینده ن
چوخ دردو مُصیبت لی اورَک وار حَسَنیمدَه
.
.
غسل ائیله، گئیندیر بو یوما غُصَّه لی خَلعَت
سَسلَه بالا لار گور مَگه. گَلسینلَه او ساعت
قوی اوغلوم حُسینیلَه ائدیم اول دَمی خَلوت
عَطرین آپارایم قبره اوزوملَه کَفَنیمدَه
.
.
‌‌(هاتف)، قَلَمی دوندی گئِنَه دَردو بَلایَه
اوپدی آنانین مَقدمینی گَلدی نوایه
عرض ائدی آنا، سَنده عَوَض کربوبلایَه
تئز گَل،او زَمان کی گَلَه جاق باش کَسَنیمدَه

متن پیشنهادی:  گنهکارم غمیم چوخدی یانور دل سیاهیم الله #مناجات_محمدباقر_دائمی

.

#فاطمیه_شهادت
#من_فاطمه_یم_برگ_خزان_مثلی_سارالدیم
#ترکی
.
.

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی