استیذان میدان حضرت علی اکبر(ع)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم صافی تبریزی
.
من مجاهدم کوی عشقیده
بسدور ای بابا بوشرف منه
عشق نامیله خوشدلم اگر
اولسا اهل عالم طرف منه
.
.
مایلم بابا من بیر عمریدور
درک ایدم بو فیض شهادتی
ویرمرم هامی عالمه گوگل
آرزو ایدن بیر سعادتی
گوسترن زماندان بوعرصه ده
سن همان مقام شرافتی
هر نفسده هر دمده یوز ویرور
حدّدن زیاده شعف منه
.
.
ویر اجازه میدانه گیتماقا
دفع اولونسون اوّل غبار دل
تا شکفته لنسون بو غنچه وش
خاطریم گورونسون بهار دل
بیر دقیقه تعویقه دوزموری
وار ز بس بابا انتظار دل
راضی اولما یتسون بو باره دن
متّصل فسوس و اسف منه
.
.
قلبیمون بو اولماقدا ای بابا
سن بلورسن اوزگه سروری وار
نه جناندی فکری نه قصر نور
نه خیال غلمان و حوری وار
گر چه کوثر و سلسبیلی وار
نوع نوع نعمت وفوری وار
بسدی بیرجه یالقوز رضای دوست
بیردی قعر چاه و غُرف منه
.
.
راه عشقه اوّل قویان قدم
میر مومنیندور بابام علی
سجده گهده باشی قلیجلانوب
قانیله صفا تاپدی مقتلی
شایقم بابام تک یارالانام
منده ای بابا باشدان اوّلی
اوز سلوک و سیرین ویروبدی چون
یادگار او شاه نجف منه
.
.
گوستروبدی کوی حقیقتی
تاجدار لاسیف و لافتی
چخمارام کناره او رشته نی
ایلیوبدی اخلافنه عطا
ایتمیوبدی مقصودمین اوخی
اوز نشانه سینده اودور خطا
ویرمیوب نشان مرشد وفا
ای بابا بیر اوزگه هدف منه
.
.
بولموشم وفا جامی قیلمیوب
تک بو اکبر تشنه کامی مست
بیخبر دیوبدی علی الدّوام
عدّۀ معیّن می اَلَست
اوز محبتّین آشکار ایدر
ساعت مقدّرده حق پرست
بوگون اوّل صبحدن بابا
هریتن یتور جان به کف منه
.
.
اللرینده عبّاس عموم کیمی
نقد جان دوتوب قاسم جوان
مندن آرتوق اولماقلارین اولار
آنلیوب دگل مفت و رایگان
حق یولوندا اوخ یاره سین بابا
دسته گل بولور طرفه ارمغان
واردی هر صفات حمیده دن
ایله جمعدن متّصف منه
.
.
ایله شوقمندم یولوندا من
دوغرانام بابا تیغ تیزدن
پاره پاره اولسام صحیف تک
چکمم ال اونجه ستیزدن
کاش ئولم دوباره او پیکر
قطعه قطعه دن ریز ریزدن
اکبرون وجوده گله گینه
نیزه اوخ ورا صف به صف منه
.
.
ایلیم گرک ای بابا آنان
خدمتنده لیلانی رو سفید
ایلّریله زحمت چکوب منه
باغلیوب بو امّیدیله امید
عالِمم آنام اوز مرامینه
یتمز اولماسام تشنه لب شهید
ایسترم که دورت بیر کناردن
حمله ایلیه هر طرف منه
.
.
حاضرینیله «صافی» چون اوزین
سالمش آستان ولایته
وار گمانی یالقوز النده کی
کاغذ و مداد و کتابته
یولّارون قالوب باغلوبیر نفر
یوخ گیدن او قبره زیارته
بی نهایت ایلر اثر بو ایل
یا حسین زمان سلف منه
.
.
#اکبریه_صافی_تبریزی
#اکبریه_شهادت
#من_مجاهدم_کوی_عشقیده
#ترکی
.
✍️ #زبدةالاشعار ✍️
.
🆔: @nohe_torki
نظر دهید