زبدةالاشعار

من ناخدای ذورق زرّین عزّتم #حسینیه_هادی_تبریزی

اتمام حجت حضرت امام حسین(ع)
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
من ناخدای ذورق زرّین عزّتم
دریانورد پیرم و پیر طریقتم
میعادگاه عشقه گلوب مرغ قو کیمی
من پیشواز مرگ ایلرم آرزو کیمی
.
.
من شاهکار خلقتم و آفرینشم
من آخرین پدیدۀ دنیای دانشم
سرتا قدم تحرّکم و کار و کوششم
من اجتماع نسل بشرها امیدیَم
من دیدگان پاک حقه نور دیده ام
.
.
من انقلاب ضد ستبداده رهبرم
زهرا عزیزی، زینت دوش پیمبرم
نور و فروغ عرش خداوند داورم
عجز ایتمرم که عجز دلیل شکستیدور
بو قال و قیلین علّتی عهد الستیدور
.
.
اسمانی اورگدن منم عالمده آدمه
زلفوم شمیمی دمدی مسیح ابن مریمه
تشریح ائدنده کالبدم اسم اعظمه
تار وجودیم عشقیدی پودیمدی اشک و آه
کرب و بلادی جلوۀ محبوبه جلوه گاه
.
.
خون خدادی هر یارادان توپراقا آخور
تلّ اوسته زینبیم منه آزرده دل باخور
باران سنگ و نیزه منیم اوستومه یاغور
عنقایم و یوخ علّتی قلبیمده وحشته
پر آچموشام عروج ایلیم قاف وحدته
.
.
صاف بیر یریم بدنده اگر یوخدی یوخ ویرون
نوک سنان و نیزه و داش یا که اوخ ویرون
هر یاره پیک عشقدی چون یاره چوخ ویرون
من راضیم مشبّک اولا قانلی پیکریم
هر چند بسدی داغ ابوالفضل و اکبریم
.
.
دنیائیله معاملۀ ذلّت ایتمرم
من قهرمان زندگیم وحشت ایتمرم
اصلاً یزیده من ئولرم بیعت ایتمرم
اوّل گلنده واضح اولونموشدی مطلبیم
دنیا بولور که مکتب قرآندی مکتبیم
.
.
سیز بولموسوز که مرتبۀ باغ و کشتیمی
عشقیله خلق ایدوبدوله خاک و سرشتیمی
عشقیله ویرموشام گره اوز سرنوشتیمی
من بستۀ طناب بلا و محبّتم
امّیدگاه دینم و اسلام و امّتم
.
.
یوز قویمیون من ئولمه میشم سمت مخیمه
قورخار اوشاقلاریم نیه لازمدی همهمه
سیز منله جنگ ایدورسوز عجب بی مقدّمه
وار قدرتیم منیله گلون رزمجوی اولون
دینوزده یوخدی لااقل آزاده خوی اولون
.
.
بیهوده ایتمیون اوزوزه کسب عار و ننگ
اجرا ایدون بیر آزجا رموزات حرب و جنگ
هر چند پیکریمده چاتوب باش باشا خدنگ
فکر ایتمیون که بیر کمکیم قارداشیم قالور
امّا هنوز ئولمه میشم من باشیم قالور
.
.
«هادی» هوای غربت و تاریکی گئجه
دور کاروان عشق گیدور قالموسان گئجه
بیخود تفکر ایتمه سوزی یازموسان نجه
سوز صاحبی همیشه مددکار اولور سنه
محشر گونونده شیر خدا یار اولور سنه
.
.
.
#حسینیه_هادی_تبریزی
#حسینیه_شهادت #حسینیه_اتمام_حجت
#من_ناخدای_ذورق_زرین_عزتم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سوسوز دلاوریم یارالی اصغریم #اصغریه_مژده_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی