زبدةالاشعار

مهاجرتین آچوب سوز حسین دیوب مطلب #خروج_مدینه_شهاب_تبریزی

زبانحال حضرت زینب (ع) در کوچ از مدینه

.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
مهاجرتدن آچوب سوز حسین دیوب مطلب
دوتوب امامه یوزون عرض ایدوب خانم زینب
.
داغیتما قارداش حسین دودمان زهرانی
گل ائتمه کوفیه عازم بو زار نالانی
.
حجاز ملکینی گوزدن بیله سالوب گیتمه
بلا کشیده باجون محنته دچار ائتمه
.
دوشوبدی قلبیمه بیر اضطراب بی پایه
بلالی باشیمی گل سالما تازه غوغایه
.
عیال حیدری ائتمه وطندن آواره
ترحم ایله گیلن اهل بیت اطهاره
.
مسافر ائتمه منی کوفیه برادر جان
همیشه فاطمه قبرینده قوی اولوم دربان
.
مجاور آخری لازمدی قبر زهرایه
نولور باجون یتیشه بو مقام اعلایه
.
یتور إجابته بو عرضیمی قبول ایله
منی مجاوِرِ بو روضۀ بتول ایله
.
آیرما زینبی قارداش مزار زهرادن
آپارما سمت عراقه بو شهر طاهادن
.
نه نوع بیرده گیدوم کوفیه أولوم بشاش
دیار کوفه ده بیر گولمه دی یوزوم قارداش
.
آنیسیم أولدی محن مونسیم غم و محنت
هامی بلا و مصیبتله ایلدیم الفت
.
دوباره محنتیمی قورخورام مزید ایده لر
آتام کیمی سنی ده ظلمیله شهید ایده لر
.
سنه تیکوبدیله گوز عترت رسول الله
سنی الیمدن أگر آلسا فرقۀ گمراه
.
نیدوم نه چاره قیلوم بس بو محنت فاشه
نه لر گلور که بولورسن او وقتده باشه
.
یقین که چوخدی باشون بو سفرده غوغاسی
حجازدن آپارورسان یانونجا عبّاسی
.
جوان لارا باخورام بیر به بیر مهیّادور
سفر لباسی گیویلر تمامی برپادور
.
نجه سفردی حسینیم بویور گوروم بو سقر
آنا اوغول باجی قارداشینون یانیجا گیدر
.
بویوردی زینب کبرایه شاه مظلومان
بو قدر ایتمه نوا ، ای عزیزۀ دوران
.
علىّ اکبر آناسی گرک یانینجا گیده
علىّ اکبره کرب و بلاده خدمت ایده
.
دولار مصیبتیله کربلا بیابانی
اولار الینده خضابی یاراسیتین قانی
.
گرکدی قارداشیم عباس او یار و غمخواریم
او دشت پر خطر ایچره اولا علمداریم
.
اولور او گونده فراتین سویی بیزه بسته
سالالّا قوللارینی بیرجه مشگ سو اوسته
.
شهاب ایلمه دی دهریده بو چرخ کهن
على عیالی کیمی هچ کسی جلای وطن
.

متن پیشنهادی:  ایله مستم بیلمزم کیم، می نه دیر، مینا ندیر #ایله_مستم_نباتی

#مهاجرتدن_آچوب_سوز_حسین_دیوب_مطلب
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی