مدح و رثای حضرت زینب (س)
.
✍️ زبدة الاشعار ✍️
.
🆔: @nohe_torki
.
#امین_کاظمی
.
مهِ وفا، کوکب حیا، شمس الولا زینب
غمه آنا، غرقه ی بلا، زار و مبتلا زینب
صبروه فدا زینب – صبروه فدا زینب
.
.
نِکو سِیَر، زینت پِدر، افتخارِ پیغمبر
علیّه فر، فخر دادگر، درّ قلزم کوثر
خدانگر، ذوالفقار اثر، استقامته مظهر
فرشته سا، ایلین ثنا، صبحیلن مسا زینب
.
.
بلالرون قرعه سی چیخار نام شخص ممتازه
اودور قضا اوخشادوب سنی قله ی سرافرازه
یازوبدی غم غصه آلنووا بی حساب و اندازه
بیلوب روا، بختووی قرا، قلبووی یارا زینب
.
.
اوشاقیدون حُزن فاطمه ائتدی قلبووی یاره
ریاض طاهاده اوخشادون غمله سولموش ازهاره(1)
گینمه میش طوی لباسینی گیدون اگنووه قاره
ائدوب بكا، ساخلادون عزا، یار حقه یازینب
.
.
ننه فراقینده عود تک قلبون اود دوتوب یاندی
سیزیلدادون نی کیمی سسون آسمانه قوزاندی
شرار آهون ائدوب اثر عرش اعظم اودلاندی
که هم نوا اولدی برملا، سنله ماسوا زینب
.
.
او دور که سن آغلیان زمان حجت الله آغلوردی
سرشکینی نازل ایلیوب عصمت الله آغلوردی
دلینده قالموردی طاقتی قدرت الله آغلوردی
یانا یانا، بسکه جانگزا، دئیدون اوخشاما زینب
.
.
گئجه گونوز گرچه آغلادون شدت مصیبتدن
ولی قضا گوردی اوز ایشین دونمدی مشیّتدن
کباب ائدوب قلبووی گینه شعله های محنتدن
سنی اودا سالدی مطلقا، سوگ مرتضی زینب
.
.
مصیبت والدینیده اولدی گوزلرون گریان
حسن غمی داغلى قلبووی ائتدی تازه دن سوزان
حسینووی ئولدورن زمان شمر بیحیا، عطشان
سنی تورا سالدی چون قطا، حُزن کربلا زینب
.
.
اسیر اولوب آل مصطفی سرزمین غربتده
شماتتین ناری یاندیروب قلبووی اسارتده
نجه دیوم اول دیاریده زیر بار محنتده
قدِ رسا تاپدی انحنا، چون مه سما زینب
.
١- شکوفه
.
.
#سبک_خداحافظ_ای_آنام_باجی … 3 سبک
.
#زینبیه_شهادت
#مه_وفا_کوکب_حیا_شمس_الولا_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید