لحظات آخر عمر مبارک پیامبر اسلام (ص)
اشاره به مدح حضرت علی (ع)
.
✍️ زبدة الاشعار ✍️
.
🆔: @nohe_torki
.
سید عظیم شیروانی
.
مورّخان وصایای قبلۀ عالم،
بو نوع گؤردوم ائدیب «رُوضَةُ الصَّفا» ده رقم
.
کی چون حبیب خدا حَجَّةُ الوداعیندن،
گلیب مدینۀ عرش آشیانه قویدو قدم
.
یئتیشدی پیک خدا یعنی جبرئیل امین،
که : « ای خلاصۀ ایجاد و افتخار اُمَم!
.
ریاض عالم اولوب سبز آب لطفوندن،
اگر چه غمدن اؤزون بیردم اولمادین خرّم
.
دم اولدو کیم ائده سن عزمِ بزمِ یارِ ازل،
دم اولدو کیم اولاسان زیب گل سِتان ارم
.
دم اولدو کیم اولا روحِ مطهّرین آزاد،
بو چار میخ طبیعتدن ای مسیحا دم»!
.
آلیب قرارینی ألدن او کوه تمکینین،
هوای شوقِ ملاقاتِ خالقِ اکرم
.
فضای قدسه آچیب بال، طایر روحی،
یئتیشدیگی قفس آب و گِلدن ائیلیه رم
.
اولوب وجود شریفینه درد و تب عارض،
وئریب صحابیه یوز یوز بلا و محنت و غم
.
نهال قدّی اولوب تا فتادۀ بستر،
صحابه قامتینی بار غمدن ایلیه خم
.
فغان و ناله اولوب ارض و آسمانه بلند،
گؤروندو خلقده آثار محنت و ماتم
.
صد ای غلغلۀ «وا محمّدا» دن او گون،
گؤز آچدی غشّدن اول سرور ستوده شیَم
.
بویوردو : «ای ره دین أوزره جان نثارلریم،
تمامیمیز دل مجروحیمه اولوب مرهم
.
رفاقتمیده بروز ائیله دیز محبّتلر،
محبّتیمده نثار ائیله دیز نقودِ دِرَم
.
سیزه متاعیمی مستحسن ائیله دیم مبذول،
شعاع هدایتیمیله که اولدو رفع ظلم
.
چو ایندی گئتمه لیَم دارِ ملکِ عُقبایه،
شتابیله گئتیرین کاغذ و دوات و قلم
.
که بیر وصیّت ائدیم سیزلره ائدین تحریر،
رسالتیمده بو تبلیغ قالماسین مبهم
.
او نامه سیزلری تا باب علمه واصل ائده،
او باب علم که اسرار غیبه دیر ملهم
.
او باب حقّ او دور بابِ بارگاه جلال،
او باب حق کیم اودور باب باروی مبرم»
.
اولوب بو امرده بعضی صحابه لر مانع
که تبدن عارض اولوب حال مصطفایه الم
.
بیزه کفایت ائدر بعده کلام خدا،
امور شرعده قرآن بس دگیلمی حکم
.
خلاف یکدگر اول بزم محنت افزاده،
دوشوب مجادله اصوات خلق اولدو علم
.
دوباره گؤز آچیب اول غشّدن رسول خدا،
قیلیب مشاهده بو حالی، حالی اولدی دژم
.
ائدیب صحابیه حکمِ خروج، اول سرور،
علی دن ئوزگه اونا قالمادی کیمی محرم
.
مُهیمنا! نه ایمیش سرّ اُول وصیت کیم،
صحابه اولمادیلار راضی تا اولیدی رقم
.
او امتناعیدی کیم اولدو باعث شورا،
او امتناعیدی کیم دوشدو غیرلر اقدم
.
او امتناعیدی کیم قاسطون لشکر شام،
تمامی صبح ظفر اوزره چکدیلر صارم
.
او امتناعیدی کیم قیلدی مجتبانی شهید،
ائدیب جگرلرینی پاره پاره زهر ستم
.
او امتناعیدی کیم ابن سعد بد اختر،
نحوستیله چکیب دشت کربلایه حشم
.
او امتناعیدی کیم امت اولدی زار و ذلیل،
او امتناعیدی کیم گرگ اولوب شبان غنم
.
او امتناعیدی کیم اولدو زار و خانه نشین
وزیر حقّ شهِ بوتراب زادۀ غم
.
وصی حقّ علی اولدوغون اقامه ائدر،
بیان واقعه دی نقل نامۀ معجم
.
علی برابری یوخ کیمسه خلق امکاندان،
محالدیر بو کیم اولسون حدوثه جفت قِدَم
.
اولوردی خلق جهاندان برابری او شهین،
برابر اولسا اگر مهر و ذرّه، قطره و یَم
.
کلام ناطق حق حیف کنج عزلتده،
نخست حرف مضاعف کیمی اولوب مُدغَم
.
خزانِ غمده قالیب بلبل فصاحت لال،
آچیب ریاض شریعتده نطق هر ابکم
.
روامیدیر که سلیمانه آصف اولسون دیو،
روامیدور اولا عفریت الینده خاتم جم؟
.
روامیدیر که ائده پست سبطِ عمرانی،
مقام علم و تفضّلده باقل و بلعم؟
.
او قطب دایرۀ ممکناتدیر، ای دل!
مدارینا فلک و نور نیّرِ اعظم
.
سحاب همّت و کیوان شکوه و عرش سریر،
سپهر قدر و قدَر قدرت و قضا توأم
.
غیاث ملّت و غوث نجات و غوث امید،
کف کفایت و کهف الامان و کان کرم
.
علی امیر و علی آمر و علی مأمور،
علی رفیع و علی اَرفع و علی اَفخم
.
علی نعیم و علی ناعم و علی منعم،
علی علیم و علی عالم و علی اعلم
.
علی رضیّ و علی روضه و علی رضوان،
علی قسیم و علی قاسم و علی مقسم
.
بلند رتبه امیرا مدایحینده اگر،
به سان سوسن آزاده «سیّد» آچسین فم،
.
محالدیر کیم ائده وصف ذات بی بَدَلین،
وجود محضدن آیا خبر بولورمو عدم؟
.
نشانۀ کرمین بذل زادۀ آزر
نمونۀ نفسین نطق عیسی مریم
.
خیالینیزه قدم یئتمز ارتفاعیله،
جلال و جاهیوه گر نه سپهر اولا سلّم
.
شها او کس دگیلم دار مُلک دونیادا،
کی شوق دِرهم ائده خاطریم اولا دَرهم
.
امید خلعت عفویندی قلب زاریمده،
نه شوق خرقۀ خلقان نه دیبۀ معلم
.
.
#پیامبراسلام_شهادت
#حیدریه_مدح
#مورخان_وصایای_قبله_عالم
#سید_عظیم_شیروانی
#ترکی
.
✍️ #زبدةالاشعار✍️
.
🆔: @nohe_torki
نظر دهید