در بعثت پیامبر (ص) و شِکوه از جنایات وهابیت و آل سعود به محضر حضرت رسول اکرم (ص)
.
✍️ #زبدةالاشعار ✍️
.
🆔: @nohe_torki
.
#مصیبی_تبریزی
.
مکه دن انوار رحمت عالمی تنویر ائدوب
مکه دن ناقوس وحدت عشقی عالمگیر ائدوب
جبرئیل آیات وحیی احمده تفسیر ائدوب
زائر رحمت آلار فیض ولانی مکه دن
سعی ِعشق ائتسه تاپار والله صفانی مکه دن
.
.
مکه نین آوازه سی تنها مناسیندن دگور
زمزم و میقات یا مروه ، صفاسیندن دگور
کعبه دن ، حِلّ و حریم ِ جانفزاسیندن دگور
مکه نین آوازه سی خیرالورادن دور بیلون
اشرف مخلوق ختم الانبیادن دور بیلون
.
.
مکه ده تا نازل اولدی جبرئیل ائتدی ندا؛
یا ابالقاسم ائدوب حقونده ، حق بیله عطا
اولموسان منظومۀ مرسل ده ختم الانبیا
حق سنی مستوجب تکریم بی پایان بیلوب
کائناتین اشرفی ، عالملره سلطان بیلوب
.
.
قاب قوسینی اونون قرص هلاله اولدی قاب
وجه وجهُ اللٰهیدن دست فلک چکدی نقاب
امراولوندی عالمه دوشسون بیرآیری انقلاب
امّی مُلک عرب فرمانده اوتاد اولوب
دکترای عشق آلوب دین ملکینه استاد اولوب
.
.
جبرئیل آیات حقی ایلیوبدور زمزمه
پیک رحمت اقرٱ بسْمی ئورگدوبدی خاتمه
گوئیا غار حرادن گون چیخوبدور عالمه
جاری اولدی لبلروندن خاتمین آیات حق
گور نئجه خالق یارالدوبدی عَلَقدن ماخَلق
.
.
جوششه تا چشمه سار رحمت رحمان گلوب
قدسیان غوغا سالوب لاهوتیانه جان گلوب
وجد وشوره یر یوزونده حیدر و سلمان گلوب
دست شیطان هرتعدّی دن گینه کوتاه اولوب
عرشیان دا یرده کی دلداره خاطرخواه اولوب
.
.
طائر روحین بو گون گر ایلسه عرشه عروج
قدرتین اولساائده جسمینده کی روحین خروج
رویت ایلرسن یغشمیش عرشه سُکّان بُروج
گل ستان عشقیده خرّم دی یاس ونسترن
خوان عیشی عرشیده کرّوبیاندور گسترن
.
.
بیله گونده بیرق وحدانیت ائتمیش قیام
بانی بزم طرب دور کردگار لاینام
واسطه جبریل دور پیغمبره ائتسون سلام
یوللیوبدورئوزرسولین قطع ائده شیطان الین
بانی فیض و کرامات اولدی ختم المرسلین
.
.
مرحبا برج نبوتده وجود امجده
عشق اولا پیرایه دار اقتدار ایزده
علت غایی خلق هر دو عالم ، احمده
ایسته سن لوح وجودین آناً اولسون صیقلی
محضر خیرالورایه یوللا صلوات جلی
.
.
یا محمد آچ گوزون اوضاع شرع و دینه باخ
گتدیقون قرآنه باخ آیاته باخ آئینه باخ
ادعای دین ائدن وهّابیِ بی دینه باخ
قلب دین و مذهبی اعراب بی دین سیخدیلار
آند اولا ئوز جانیوه ارکان دینی ییخدیلار
.
.
آه او گوندن ال اله وئردی ایکی مرد عنود
زادۀ عَبدالوَهبله بانی آل سعود
نیتی دین ییخماقیدی عاقبت تاپدی نمود
سینه لرده کینه امّا الده دینین پرچمی
اکدیلر تخم نفاقی یاندیروبلار عالمی
.
.
سن بو اعرابه پیمبر چوخلی خدمت ایله دون
وحشی وبی دین عوامی دینه دعوت ایله دون
بی لیاقت ملتی صاحب لیاقت ایله دون
قان توکن صیاد خون آشامی سن رام ائتموسن
حیف اولا بی جنبه مخلوقاتی اکرام ائتموسن
.
.
لعنت اولسون بیله قوم فتنه کار و فاجره
ایندی آقا دور ئوزون باخ بیر بو خلق جائره
خاک بیت اللهیده ایلور تعرّض زائره
گور نئدور بیت خدانین زائر و پابوسینی
لکّه دار ایلور همان یرده اونون ناموسینی
.
.
نامسلمان بیر عرب گور خدمتینده نیلوری
آستان کردگارین ساحتینده نیلوری
بو هله ظاهرده دی گور خلوتینده نیلوری
نیت ناپاک ائدوبدور نخل دینه اود وورا
ایستوری بوندان علاوه شیعه نین نسلین قیرا
.
.
شیعه ! ساکت اولماقون جایز دگور ایله قیام
بلکه قلب مهدی زهراده تاپسون التیام
قورخما دینه ضربه دگمز عمره نی ایله حرام
بیله حاجی اولماقون فکرائتمه وار چوخ ارزشی
آند اولا آللهه بیر توکجان اونون یوخ ارزشی
.
.
مکّه نی سن نیلوسن تقدیس جانان مکه دی
یوخسولون دوتسان الیندن اجری هرآن مکه دی
گیزلین احسان ائتماقا واللهی عنوان مکه دی
ایندی هرگون مکیه عازم دی نئچه یوز حاجی
شرط او دور اعمالْ لوحینده یازیلسون دوز حاجی
.
.
مستند بیر سؤز دیوم اَحراریدن مُنزَل گلوب
انبیا و اولیا بو مطلبه مُرسل گلوب
مؤمنئن شأنی حریم کعبه دن افضل گلوب
مؤمنه حرمت ائدوب سیلسن ئورکدن لکّه نی
اوندا واللهی تاپارسان ئوز ائوینده مکه نی
.
.
مؤمن اولسا شیعه فعل و دینی اعرابه دگر
پیشواسی رهبری مین پورِ خطّابه دگر
شیعه نین هر بیر توکی قاموس وهّابه دگر
مفسدان دین و قرآنی بگنمز شیعه لر
قاتلان دخت طاهانی بگنمز شیعه لر
.
.
ای «مُصَیّب» یاز عریضه پیشگاه داوره
اوندا کی نصِّ ولایت حاکم اولدی مشعره
حق تعالی بیتینی وئرسون بو جَمعه تذکره
باغلیاق احرام عشقی مُحرم جانان اولاق
ئوزگیه یوخ آللهین ئوز لطفینه مهمان اولاق
.
#مبعث #پیامبراسلام_پندیات
#آل_سعود #وهابیت #ترکی
#مکه_دن_انوار_رحمت_عالمی_تنویر_ائدوب
#یا_محمد_آچ_گوزون_اوضاع_شرع_و_دینه_باخ
.
✍️ #زبدةالاشعار ✍️
.
🆔: @nohe_torki
نظر دهید