زبدةالاشعار

می نوری جلوه ایلدی جام بلوردن #کوفه_یتیم_تبریزی

کوفه
.
✍️ زبدة الاشعار ✍️

?: @nohe_torki
.
مرحوم یتیم تبریزی
.
می نوری جلوه ایلدی جام بلوردن
جام بلور بسکه لبالبدی نوردن
.
چوخ پربهادی گوزده کی بو شور گوزیاشی
پُر نشئه دور حریفه شراب طهوردن
.
دل مزرعینده نخل وفا ویرمیوب ثمر
اِلّا نتیجه ویرسه ویرور آب شوردن
.
ایستر که نوح تک ویره طوفانه عالمی
امّا اورک دوام ایده بُلمز قصوردن
.
راوی دیر که کوفیه زینب یتن زمان
قارداش باشین مشاهده ایلردی دوردن
.
گوردی غریبه نخل سِنان اوسته منظری
بنزر کلیمه جلوه ایدن نوره طوردن
.
بیرده باخاندا گوردی بیر اوزگه نشانی وار
ایلر اشاره زینبه حال تنوردن
.
بی اختیار ووردی باشین چوب محمله
تا گیتدی اختیار دل ناصبوردن
.
عرض ایلدی که ای آنام اوغلی نه فایده
سندن صورا جهاندا مرور دهوردن
.
دوشدی بدندن آیری باشون راه عشقیده
امّا جداده دوشمدی بیر لحظه شوردن
.
قرآن سسون گَلور لب معجر بیاندن
قویموش تمام خلقی عبور و مروردن
.
امّا دیولّه خلق گَلور خارجی باشی
ای طینتی عجین اولونان محض نوردن
.
غم دفترین یتیمدن ایتسن شها قبول
بیر تحفه دور حقیر سلیمانه موردن
.

متن پیشنهادی:  حضرت هادی قراری #عسکریه_شایان_ارومیه

#کوفه
#می_نوری_جلوه_ایلدی_جام_بلوردن
#یتیم_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی