شهادت حضرت مولای متقیان علی(ع)
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
ناطق قرآن ئولوب معناده قرآن آغلوری
عالم دین و شریعت رکن ایمان آغلوری
ساکنان عرش اعظم کون و امکان آغلوری
.
.
دولدوروب کوفه دیارین ناله ى وا مرتضا
خاندان مصطفادن اوج ائدر عرشه نوا
غرق اولوب بحر غمه سکّان عرش کبریا
قدسیان سبّوحیان بو غمده حیران آغلوری
.
.
بو او گوندور یوز ویروب بی حد مصیبت زینبه
شدّت ایلوب درد و غم ساعت بساعت زینبه
کوفه ده بی نفخ صور اولدی قیامت زینبه
ایلیوب حالی کیمی زلفین پریشان آغلوری
.
.
کفر تحریکاتی سالدى ماسوایه انقلاب
آلدی جنّتده بتول و مصطفادن صبر و تاب
قانه محراب عبادتده بویاندى بوتراب
عترت طاها بو غمده سینه سوزان آغلوری
.
.
کوفه ده بئش ایل خلافت ایتدی اول شاه امام
ویردی پاشیده امور مسلمینه بیر نظام
قویمادى اما منافقلر اولا نایل بکام
ایندی ده اول وضع حاله شاه مردان آغلوری
.
.
مقصدین قویسیدیلر تعقیب ایده سلطان دین
ایلمشدی یر یوزین عدلیله فردوس برین
حیف اولا زحمتلرین ویردی فنایه مشرکین
شرع و دین بو ضایعه معناده هر آن آغلوری
.
.
ظاهراً قتله یئتیشدی تاجدار هل اتی
باطناً اولدی عدالت رحم و انصاف و وفا
مستقر اولدی عدالت مسندینده اشقیا
منفعل اوز گردشندن دور دوران آغلوری
.
.
بیر یره ظلمین یتوردی بی مروّت اهل کین
کسدیلر عدل و عدالتدن یداللهین الین
ایتدیلر حق صاحبین ناحقّ لر خانه نشین
باخمیوبلار حال دینه حقّه میزان آغلوری
.
.
بی مروتلر الیندن درده گلدی برملا
فرقنه ضربت یتن دم سسلدی شیر خدا
کعبه نین اللهینه آند اولسون اولدوم من رها
محنتیمده گرچه دلدن آل عمران آغلوری
.
.
دین اسلامین ستونی اولدی بو غمدن شکست
غم غباری اهل دین رخسارینه ایتدی نشست
قالدى دورت یوز خانواده کوفه ده بی سرپرست
وا علیّا دلده بیر جمع یتیمان آغلوری
.
.
گورمه میشدی دیده ی گردون على تک بیر آتا
بینوالر فکرینه اوز فکرینی باشدان آتا
بیر گجه اولمازدی راضی بیر یتیمی آج یاتا
بی سبب بلمه بو غمده کون و امکان آغلوری
.
.
یا علی ای کان رحمت معدن مهر و وفا
بیر یتیمی آغلاسون عالمده أولمازدون رضا
بیر گلیدون شامده ویرانسرایه سن شها
تا گوریدون آل پیغمبر نجه قان آغلوری
.
.
بیر طرفده زینبوندن اوج ائدوب عرشه فغان
بیر طرفده قولّاری باغلو عیالون باغری قان
جان ویرور نازلی رقیّه ن قولارین یوخدور آچان
دست بسته دل شکسته تاپشورور جان آغلوری
.
.
سسلوری بیکس آناسی رحم أیدون بومضطره
گورمسوز نازلو بالام سورتور یوزین یردن یره
قوللارین باری آچون راحت رقیّم جان ویره
جان دوداقدا داغلی دلده درد هجران آغلوری
.
.
ایلروخ سندن تقاضا ای خداوند مجیب
قیل رقیّه قبرینی بو جمعه، صحافه نصیب
فرقتنده قالمیوب دللرده آرام و شکیب
بزم ماتمده أولوب جمله نواخوان آغلوری
.
.
.
.
#حیدریه_صحاف_تبریزی
#حیدریه_شهادت
#ناطق_قرآن_ئولوب_معناده_قرآن_آغلوری
#ترکی
.
✍️ #زبدةالاشعار ✍️
.
🆔: @nohe_torki
نظر دهید