زبدةالاشعار

نجه قان آغلاماسین داش بو گون #صحاف_تبریزی

#عاشورا_گونی
رجز معروف روز عاشورا
.
✍️ زبدة الاشعار ✍️

?: @nohe_torki
.
مرحوم محمدحسین جنتی مقام (صحاف تبریزی)
.
نجه قان آغلاماسین داش بو گون
کسیلیب یئتمیش ایکی باش بو گون

.
توکولوب توپراقا باشسیز شهدا
کربلا دشتی اولوب کوه منا
موج ایدر قانیله دریای بلا
نجه قان آغلاماسین داش بو گون
.

بو همان گوندی باتوب یاسه جهان
بویانوب قانه سوسوز پیر و جوان
انبیالر باش آچوب آغلیری قان
نجه قان آغلاماسین داش بو گون
.

متن پیشنهادی:  ایلدون عالمده عالملرجه نهضت یا حسین #حسینیه_ذهنی_زاده

بو همان گوندی سولوب دین چمنی
سارالوب سرو و گل و یاسمنی
قطعه قطعه اولوب اکبر بدنی
نجه قان آغلاماسین داش بو گون

.
ویردی لیلایه خبر شاه زمن
اکبرون گلدی گل ای کان محن
بیر عبانین دولوسی قانلو بدن
نجه قان آغلاماسین داش بو گون
.

طوی دوتوب قاسمه شاهنشه دین
ایتدیلر بزم عزا حجله گهین
یاخدی قانیله حنا تازه گلین
نجه قان آغلاماسین داش بو گون
.

متن پیشنهادی:  سو اوسته دیلسیز بالام قانه باتدی آی باجی #اصغریه_معروف_اهری

نجه طوی ناله سماواته سالوب
ناله داماد آناسندان اوجالوب
بدنی آتلار ایاقینده قالوب
نجه قان آغلاماسین داش بوگون
.

حرمله آلدی اله تیر و کمان
اصغرین حلقین ایدوب تیره نشان
ایچدیروب سو یرینه قرمزی قان
نجه قان آغلاماسین داش بوگون
.

کسدی اشرار دنی سو یولونی
تشنه سقانون آلوب صاق صولونی
هم صاقین سالدیلا هم صول قولونی
نجه قان آغلاماسین داش بوگون
.

متن پیشنهادی:  خزانه بلبل دستان سرانی قویمیون گلسین #پندیات_لاادری

سالدی دنیایه شرر شمر دنی
کسدی عطشان سر شاه زمنی
قالدی باشسیز قوری یرده بدنی
نجه قان آغلاماسین داش بوگون
.

سنده #صحاف ایله شور و فغان
مطلبون تا ویره خلاق جهان
بو گوزل مطلعی قیل بیرده بیان
نجه قان آغلاماسین داش بو گون
.

#عاشورا
#نجه_قان_آغلاماسین_داش_بو_گون
#صحاف_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی